Езеро Гратче - Lake Gratce (Кочанско)

Гратче или Кочанско Езеро е вештачко езеро сместено во подножјето на Осоговските Планини, на местото на некогашното село Долно Гратче, оддалечено околу 6 км северно од Кочани.
Во времето на неговото постоење, на дното на денешното езеро се наоѓало селото Долно Гратче. Во 1958 година, властите решиле да изградат брана со цел да го заштитат Кочани од постојаните поплави од надојдените води од Осоговските Планини. Најпогодно место за изградба на вештачкото езеро била месноста Рамна Карпа. Поради тоа, мештаните биле раселени, а дел се преселиле во соседните села Горно Гратче и Јастребник, дел во Кочани, а некои и надвор од Македонија.
Езерото било изградено на местото на коешто Мала и Велика Река ја образуваат Кочанска Река во 1959 година, со цел водоснабдување на градот Кочани и во помала мера за наводнување на Кочанското Поле.
Езерото е долго 1,2 км, а широко е 0,2 км и има должина на бреговата линија од околу 3,5 км. Неговата површина изнесува 0,19 км2, а најголемата длабочина е 29 м.

[@AnoLegio]

👌👌❤️

[@popotl830]

zdravo sakam da dojdam na grace me interesira sto riba drzi dali e aktivna i dali im pozicii za krapski ribolov fala ri odnapred

[@MacedoniaTimelessYT]

За повеќе информаци: Спортско риболовно друштво „Кочански рибар“ 📞071-320-697 или 📞070-987-587.