فاكر زمان - أحلى أغنية تهديها لأخ عزيز

أغنية فاكر زمان هي إهداء لكل اخ او صديق شاركته ذكريات الطفولة
غناء: محمد سعد
كلمات وألحان وتوزيع وتسجيل وميكساج: أحمد سراج
----------------------------------------------
كلمات الأغنية
رغم المسافات
وفرق الساعات
يوحشني صوتك
وابعت سلامات
فاكر زمان من عمر فات
مش باقي منه غير ذكريات
نجري ونلعب فالحارات
نعمل مقالب وحوارات
او تحت ستك نقعد سكات
وتحكي لينا فحكايات
كشاكيل ملازم كراسات
جو المدارس صوت باصات
مصيف وبحر ومايوهات
وشارعنا ملعب خد وهات
في اي حالة
لو فين معايا
ضهرك في ضهري
دايما ورايا
فاكر زمان من عمر فات
مش باقي منه غير ذكريات
فوازير برامج مسلسلات
بسكوت وكحك مالي الصاجات
لمة عيليتنا في البلكونات
بمب وعيدية وبالونات
وكبرنا نحلم بالبنات
حدوتة حلوة تبات نبات
في سهرنا نحكي في شوق نبات
وتضيع ساعات ع التليفونات
دلوقتي انت "ابو البنات"
واخوك مهاجر والقطر فات
بس المهم الذكريات
هي اللي باقية من اللي فات
وفي النهاية بابعت سلام
لاخويا صاحبي من زمان
يلا هنام
سلام سلام