افضل طريقة تعمل بها خطة الكلمات المفتاحية | هتخليك مسيطر 💪 في مجالك

طريقة اختيار الكلمات المفتاحية لليوتيوب أو موقعك واحدة من الحاجات المهمة اللي بتفرق في نجاحك على يوتيوب أو جوجل .. تأكد إن أي حملة SEO ناجحة وراها 🎯 Keywords Plan اتعملت بإتقان شديد من البداية..
في الفيديو ده بنشرح طريقة ال Keyword Clustering في استخراج الكلمات المفتاحية وتجميعها في مجموعات تخليك تسيطر في النيتش بتاعك.. ودي أكتر طريقة بفضلها في عمل الـ كيورد بلان 🧠.
خلونا متفقين إن الكيورد بلان هي العمود الرئيسي أو البنية الأساسية في استراتيجيات السيو ..
تخيل إنك شغال على حملة SEO في أي نيتش .. أول حاجة بتعملها هي إنك بتعمل توليد كلمات مفتاحية، باستخدام مخطط الكلمات الرئيسية من Google أو أي Keyword Tool تانية ..
بتزود على ده إنك بتجمع كل الكلمات المفتاحية اللي بيستخدمها المنافسين بتوعك، باستخدام نفس الأدوات أو أدوات تانية..
دلوقتي أصبح معاك كم هايل من الكلمات المفتاحية .. خريطة كاملة متكاملة بالكلمات المفتاحية اللي بيتم استخدامها في النيتش ده..
محتاج بقى تنظم الخريطة دي، بحيث كل مجموعة كلمات مرتبطة بموضوع معين تكون مترتبة في مجموعة لوحدها.
الكلام ده علشان نعمله في خطوات واضحة بيكون كالآتي:
1️⃣ حدد الكلمات الرئيسية بتاعتك زي أي Keyword Research عادي بتعمله هتحدد الكلمات المفتاحية الرئيسية اللي ممكن تشتغل عليها باستخدام أي أداة انت بتفضلها "Keyword Planner, SEMrush, Ahrefs.. أو غيرهم" ..
وما تخليش الموضوع ياخد وقت كبير منك في اختيار الكلمات علشان لسه في شغل كتير هيتعمل قدام .. اعمل export للكلمات دي وحملها على جهازك وركنها دلوقت هنحتاجها بعدين..
2️⃣ حدد أهم 5 أو 7 منافسين في النيتش بتاعك، إختارهم بعناية وما تزودش عن الرقم ده، علشان ما تتعبش نفسك ده غير إنك مش محتاج أكتر من كده..
المهم تكون حللتهم كويس باستخدام أدوات زي SEMrush و Similarweb علشان تعرف حجم زياراتهم من محركات البحث وتتأكد إنهم المنافسين اللي لازم تركز عليهم..
3️⃣ جمع الكلمات المفتاحية من المنافسين .. بعد ما عرفت وتأكدت مين أقوى منافسيك حالياً في النيتش بتاعك.. اعمل export لكل الكلمات المفتاحية اللي بيستخدمها كل واحد من منافسيك واحد واحد باستخدام أدوات زي SEMrush أو Ahrefs..
وما تتعبش نفسك في فلترة أو استبعاد أي كلمات حالياً .. "هنعمل الكلام ده في الخطوة الأخيرة".
4️⃣ إدمج الكلمات المفتاحية الخاصة بكل المنافسين في Sheet واحد على Google Sheets وادمج معاهم الكلمات الرئيسية اللي طلعتها في الخطوة الأولى ..
ضروري كل الكلمات تكون في ورقة واحدة .. وبعدها هتفلتر الكلمات المكررة .. "أكيد هيكون في كلمات مشتركة بين المنافسين وهتحتاج تحذف المكرر منها"..
بخصوص عملية الدمج وإزالة التكرارات باستخدام جوجل شيتس أو اكسيل، الكلام ده مشروح في فيديو مسجل، هبعتلك الرابط بتاعه لو حابب قولي في التعليقات..
5️⃣ الخطوة الأخيرة بعد ما أصبح معاك خريطة كاملة لكل الكلمات المفتاحية الخاصة بالنيتش بتاعك، محتاج تنظم الخريطة دي وتقسم كل مجموعة كلمات ذات صلة بموضوع معين أو نية بحث معينة داخل مجموعات منظمة..
في الخطوة دي بنستخدم إضافة على جوجل شيتس اسمها Keyword Clusterize .. والأداة دي بضغطتين زرار، وانتظار دقيقتين أو تلاتة بحد أقصى بتقسملك الكلمات المفتاحية كلها في مجموعات وكل مجموعة قدامها الميتركس الخاصة بيها..
وبكده أصبح معاك خريطة كاملة ومنظمة فيها كل الكلمات المفتاحية اللي موجودة داخل النيتش بتاعك 👌..
دلوقت تقدر تفلتر المجموعات براحتك، وتستبعد اللي عايز تستبعده منها، وتحدد أولوياتك في الشغل على الكلمات برواقة..