Рет қаралды 24,594
..
للتواصل والاستفسارات :
الحسابات الرسمية لـ منصة بصمة الابداع .
Official Whatsapp :
الرابط محادثة الواتساب المباشر :
wa.me/message/...
+966562778026
Official Snapchat :
/ a_thane2
Official Twitter :
/ a_thane2
Official Instagram :
/ a_thane2
ـــــــــــــــــــ
كلمات العمل
ياعبدالعزيز الحكم لله ولـ ابن سعود
وانا وانت حكام القصيد وجماهيره
انا عند ميقافي وانا الحاظر الموجود
ليا قلتها للعلم والامر تبريره
لكن ماعليّ ولاعلى اهل المواقف زود
تبين البيوت وكل بيتٍ بتفسيره
نخلص بها الكايد ويرجع بها المفقود
كلامٍ عليه ثبوت عندي تقاريره
ياعبد العزيز العز يومٍ عليه شهود
نهارٍ تجينا فالليالي تباشيره
وانا داري انك فاللقى تنطح البارود
وعليك الهقاوي يبيض الوجه والسيره
خويّ وابن عمي وحبل الوفا ممدود
ومثلك يزيد بزايد اليوم تقديره
بعد جاتني دعوتك فـ الموعد الموعود
تبجح بعصماً تجعل الخصم في حيره
بيوتٍ تواقد كنها شعلةٍ فسكود
مضاريبها صوب الهدف تم تدميره
ولجل الرفاقه كنّها نفحةٍ من عود
بعد صدروه اهل الرياض وهواميره
خذا حول خمس سنين ماشمّه المقرود
ولا ينعرض للبيع مافيه تسعيره
عليه الثمن كايد ولا ينشرى بنقود
هدايا رجالٍ تحتم الراي وادّيره
على ربعنا روس العرب مزبن المضهود
قواتيلنا اللي تالي الخصم وتجيره
لا لجّت عزاويهم تروح الامور سهود
تلين الصعاب بحكم ربي وتدبيره
مواقيفهم بسم القبيله لها مردود
مع الاد داهم كل مجدٍ بـ اساطيره
وانا لجلكم مال القصيده مدى وحدود
تسوق البيوت وحفل مبخوت ماغيره
عليه المدايح والثنا شبلنا المحمود
وعلى ساسه التاريخ دون تعابيره
يعشق المراجل عشق مايقرب المنقود
ولامن نخيته ما يقدّم معاذيره
يسوق السبب والا قطع حبلها المعقود
على الفعل والماجوب مايذخر ذخيره
ولد شايبٍ بالمرجله والكرم والجود
يعيش الليال ولا يحسّب مخاسيره
ابو مرحبا اللي كلّ ليلٍ يجيه وفود
يكثر الخلاج بجل ذوده واباكيره
ليا قال يافارس على الناهي المفرود
تغلب الطبوع مطبع النفس وتثيره
وعلى فعل جد الشبل يفخر صبي وعود
على دور جيشٍ ما تراخى طوابيره
هذا فزعة معزي هذا الصامل المنشود
زعيمٍ مع اهل الفعل قد بان تأثيره