Henry Lau 其实可以有佢呢种发音嘅广东人,主要系广州同佛山两个地方。然后就算呢两个地方唔同嘅镇都有自己嘅乡音,而且广东各市嘅人嚟到打工,各种口音并存。再加上普通话作为官方语音,学校系一啲粤语都唔会教。可以学粤语正音嘅机会主要都系广东电视台,香港影视作品,同日常交流。其实香港都有痕迹呀,睇翻1980年代嘅香港影视作品,其实好多演员有特别嘅口音,麦嘉,岑建勋,etc。静系正经广州落去嘅许冠杰呢种,先会系粤语正音呀。不过你哋香港粤语教学好完善,21世纪之后基本上个个后生都有统一嘅口音了,而且一听就知道系香港人。但系如果你叫我听八九十年代港产片演员嘅发音,老实讲我觉得当时同广州佛山系更接近嘅。最后冇冒犯之意,我真系唔明点解香港年青人讲粤语懒音咁重,明明粤语教学同使用都好过广东呀。
@wilsonli42476 жыл бұрын
Henry Lau 我因为从细都系珠三角长大,可以好负责任咁讲,土生土长嘅人发音同片中接近咖而且数量其实好庞大。不过,粤语使用情况毋容置疑越嚟越差,所以会导致你有呢种感觉。
@wilsonli42476 жыл бұрын
Henry Lau 多谢你分享香港嘅粤语情况。其实好多广东人都知道粤语之所以有今时今日嘅影响力全靠香港,喺国外读书时,同北方嘅朋友一齐去唐人街港式茶餐厅食饭,朋友会话“你懂粤语,你来翻译”,“好羡慕你会粤语,就像会一门外语一样”,诸如此类,亦令我心中暗喜。 但系目前广东嘅情况令人好难过。记得细个读书,我哋会觉得讲粤语先系“型”,讲普通话系“loud loud 哋”嘅行为。但系随住香港相对冇以前咁光辉,以及北方嘅经济同影响力越嚟越强,学校使用普通话嘅覆盖率提高,而家嘅05后,10后小朋友慢慢觉得讲粤语系“乡下仔”嘅行为,讲普通话先系“正常”嘅,咪先喺学校会比大家排挤,有啲广东小朋友甚至系“死都唔肯讲粤语”个种。而呢种大趋势似乎亦冇办法改变,倍感遗憾。 不过人都系会印上时代嘅烙印噶啦。好似我咁,都唔识写繁体字唔识写粤语拼音,虽然阅读完全冇问题。但系大个仔先意识到想学繁体字,其实已经好难学。