Рет қаралды 14,445
馮素波80大壽丨七公主沈芝華陳寶珠薛家燕到賀 波姐收阿仔新抱禮物甜在心
波姐馮素波從影超過70年,今年係佢80歲大壽,一班契仔契女為佢筵開十幾圍賀壽,波姐嘅圈中好友及後輩都有到賀,「七公主」沈芝華、陳寶珠及薛家燕合體到場,佢哋受訪時表示早喺個幾月前已夾時間,大家姐大壽一定要嚟!
家燕姐祝波姐身體健康、越嚟越紅,寶珠姐祝大家姐賺多啲錢,沈芝華大讚波姐皮膚好,完全唔似80歲,家燕姐指結拜「七公主」一齊長大,難得而家仲係咁健康,大家又越嚟越精靈,講到七公主明年60周年,家燕姐本來提議去旅行,不過其他家姐話好攰,家燕姐決定一齊食餐飯,大家無所不談。
歐陽震華、陶大宇、商天娥、劉雅麗、鄧英敏、安德尊、冬嬸、佘詩曼媽咪同古天樂媽媽等到賀,歐陽震華笑指波姐係佢認識嘅長輩當中比較夜瞓,有時半夜都見佢online,大宇讚波姐好多計劃好多搞作,而家先係新嘅開始,而眾人亦紛紛上台獻唱助興,波姐嘅兒子David及新抱專程由英國返港,收到阿仔嘅禮物,波姐都甜在心頭。
#波姐 #馮素波 #七公主 #沈芝華 #陳寶珠 #薛家燕 #歐陽震華 #陶大宇 #商天娥 #劉雅麗 #鄧英敏 #安德尊 #冬嬸 #80大壽 #生日 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0