馮允謙大碟「EMO」簽唱會 5個半小時完成 | 歌迷心聲逐一聆聽 Jay自爆投入到忘記內急 | 叱咤樂壇至尊歌曲大獎《會再見的》| 馮允謙Jay Fung

「唱作王子」馮允謙（Jay）昨日（29日）在將軍澳 MCP 新都城中心舉行個人大碟「EMO」簽唱會，演唱碟內作品《無理取樂》和2024年度叱咤樂壇流行榜頒獎典禮 - 叱咤樂壇至尊歌曲大獎《會再見的》，千人圍觀，約500歌迷排長龍，大合照時更一齊高呼「Jay Fung I Love You」，非常熱鬧。簽唱會下午3時開始，唱歌表演後，3時45分開始簽名環節。Jay除了簽名和寫感謝詞，還逐一跟他們說說話，大約晚上8時半才圓滿結束，期間排隊的歌迷大合唱打氣，而Jay笑言太投入為大家簽名而忘記去洗手間。
簽唱會順利完成後，Jay說：「近年因為工作來去匆匆，無機會停下腳步同歌迷傾吓偈，今日可以逐個聽吓佢哋對我啲歌和唱片嘅感受，有啲歌迷同我講，我嘅音樂點樣影響佢哋、陪伴佢哋、帶畀佢哋正能量，對我嚟講好有意義。因為我每次寫歌做音樂就係希望令人有感受，聽到佢哋嘅故事，知道我可以幫到佢哋，真係好感恩，好多謝大家。」他又稱：「好感動，有歌迷為咗嚟今日簽唱會，原本去外國旅行都改行程，或者專登留喺香港。仲有啲歌迷嘅男朋友或老公陪另一半嚟支持我，等咗幾個鐘，好有愛，我要向佢哋好好學習。」
#叱咤樂壇至尊歌曲大獎 #馮允謙 #jayfung #會再見的
Instagram📱
馮允謙 Jay Fung / jayfungmusic
📌睇完記得CLSS，留Comment、Like、Share、「訂閱」，記得撳埋鐘仔🛎️
🉐請follow埋我哋
🔸IG @highlighter_channel / highlighter_channel
🔸Facebook專頁 / highlighter8075
🔸寰亞電影IG / mediaasiafilm
✨✨✨