Рет қаралды 838,707
:لمتابعة الفنان فايز الدوسري عبرالصفحات الإجتماعية والموسيقية
alfan.link/fay...
إشترك وفّعل التنبيهات في قناة فايز الدوسري الرسمية للحصول على أحدث إصداراته الفنية
bit.ly/2OavIu6
فايز الدوسري - عالية نجد (حصرياً) | 2023
Fayez Aldosri - .Aliyat Najad (EXCLUSIVE) | 2023
كلمات : مطرب بن دحيم
اداء : فايز الدوسري
وتوزيع : ناصر الشيباني
جرافيكس : مشاري بن بتال
الكلمات :
ياعالية نجد وين مروضين الخيول
يوم المساري على السبع ونجم الجدي
'
البدو شدو على بنت الفرس والذلول
ماعاد يلقون فـ اطراف المرابع مدي
'
ياوجد روحي بعد مرت ثلاثين حول
على اول العمر يوم اني بعمر ولدي
'
اعيش لي حرب ماترحم كبار العقول
الها اربع سنين عيت تستوي وتهدي .
'
لولاي اكافح بقال الله وقال الرسول
يمديني اشيل عقلي فوق راحت يدي
'
انا معي خشية مطوع وقلب مهبول
تومي به الريح في شمس الضحى ويغدي
'
لا قلت خلك على وجهك ياراع الرحول
قال الرسن في يدينك وانت شوفك قدي
لكن علي الحرام من الرضا والقبول
اني ماكب المبادي لو يطيح سعدي
حنا رياجيل مانقبل بـ اقل الحلول
الطيب نقول طيب مانقول اجودي
واليا بغا هم طلّاع الثنايا يطول :
كم فارسٍ مات قبلي فالهوى وبعدي !
يامركب الشام لاتشكل عليك الحمول
وش لون شامي صناعه والبساط احمدي ؟!
'
عبرت شط الفرات ولا عبرت السيول
حتى بلغت المرام العفوي العسجدي
'
خل الاساطيل واقليم البحر والميول
مرساك في ساحل احلامي ورمل بلدي
'
احي العروق القديمه والعوارض تزول
واذبح همومي مثل مايذبحون الفدي
وان جبت سبع العجايب بين الاربع فصول
اشدّ كفك على كفي واقول بعدي 👍🏽
عليك حتى سراجيف الظامير تصول
تستظهر الشاعر المبدع من المبتدي .
'
بين البها والدها والغطرسه والذهول
والانتماء والـ لمى والمارد القرهدي
صفراً من الخيل مافيها ثلاثة حجول
فيها من امجاد اهلها كل مجد يحدي
اليا اقبلت والهبوب مناطحتها تجول
الوجه ماله لدي والعود ماله لدي
مدري نحرها عن الخصر النحيل معزول
والا تلحّف تبا صلف الهبوب تهدي .
مشي المقيد وعين اللي كسر لـ النزول
لابعثر الريش والخرب الجسيم مهدي
'
واللعب لعب شعلاً تشعا زبون الفعول
تقول تاطا تحت حرش الخفاف بردي
وان هوبل القرم والزعجول الاول عجول
خطراً على دربها راع الرحول يغدي ..
'
هذي على شانها نخلي سروج الخيول
ويعود الشيخ راعي والمردد ردي .
'
فيها من الزين مايعمي عيون النظول
ومن التفكّر بخلق الله لـ المهتدي .
'
شومي لنا ياسلايل مفحمين الزحول
لو الحوادث تعجن المرتبه والبدي .
'
خلي ذوات الخدور وباهيات الفضول
اللي من الغي تبغا تقتدي تقتدي .
'
حنا بلشنا معك في كل وصف مهيول
نكتب عن الصبح والا ليلك السرمدي !
'
عيونك الخرس ماندري وش اللي تقول
الجفن كنه يغني والرموش تحدي .
اشوف فيها كحل و اشوف فيها كحول
واشوف في ورد خدك كل وردٍ ندي
واشوف سلسالك اللي فوق جيدك تقول :
جرة غزالٍ على طرق النفود يعدي