Рет қаралды 8,279
"Labbra Purpurini"(Testo/Musica Fabio Macagnino)
Sciogghjiti i capidi
e guardami quand’arridi
ch’eu mi sciogghjiu comu
pupazzu di nivi
ca quand’arridi tu
s’arridi puru Deu
e guai non pensu cchjiù
biatu chi sugn’eu.
L’occhji belli toi
non ti li mucciari
dassari non mi poi
‘nto scuru a menz’o mari
ca senza la to’ luci
a luna non ‘ncia faci
‘u faci u vinu duci
e 'u mi dassa u cori ‘mpaci.
“Ai ai ai quan’tè bella parimai
ai ai ai e’ ti pensu e non lu sai”
Passiju casa casa
facendu ‘ncorchji cosa
u scansu la sfortuna
n’omm'u pensu a me’ patruna
ca mi pigghjia turbamentu
si pensu ‘o so portamentu
comu s’assetta
comu s’in’china
comu si movi
comu camina
comu s’arridi
comu s’alliscia
comu occhjiulija
comu si struscia
comu si gira e
comu si vota
e quandu respira
pari ‘na nota.
“Ai ai ai quan’tè bella parimai
ai ai ai e’ ti pensu e non lu sai”
Quand’arriva ‘ssu penseru
non mi fidu ‘mu mi frenu
mi trasiu puru ‘nta l’ossa
e mi pigghjia comu ‘na scossa
e chidi labbra purpurini
fatti di mani divini
‘na cornici o so’ parrari
ca mi fici nnamurari
si la ‘ncuntru pe’ scasalimenti
e’ fazzu finta i nenti
ma lu cori faci festa
e l’occhi nescinu da testa.
“Ai ai ai quan’tè bella parimai
ai ai ai e’ ti pensu e non lu sai”
Dassa u chjiudu s’apparecchjiu
n’omm’u guardu a so’ figura
e u mi arzu i chistu lettu
ca si fici la bon’ura
“Ai ai ai quan’tè bella parimai
ai ai ai e’ ti pensu e non lu sai”
Credits
Prodotto da Blanko Records
Arrangiamenti: Giuseppe Novella/Guido Tassone/Fabio Macagnino
Chitarra Classica/voce Fabio Macagnino
Chitarre acustica/Chitarre elettriche/Mandola/Dobro: Guido Tassone
Basso elettrico/ Computer programming: Giuseppe Novella Editing/Mix/Mastering GiuseppeNovella presso Blanko records
Regia e Montaggio: Aldo Albanese.
Con Annalisa Giannotta
Grazie a
Maison di Marco Minnella Siderno
Maria’s Night di Maria Orobello
Unieuro Marina di Gioiosa Jonica
Bar Roma Roccella Jonica