فاكرين ام تي ام؟ اكبر بكتير من امي مسافرة (حكاية ٢٠ سنة في فيديو)

[@mtmofficial2841]

عايز أشكرك جداً على الشغل الجامد ده اللي يعتبر أول تأريخ حقيقي لقصتنا و بيحكي القسط كاملة من كل الجوانب ، لو حاولنا احنا نحكيها كدة مش هنعرف ، تاكي

[@Fakreen]

نورت قناتك يا تاكي وكنا في انتظار ظهورك. شرف لينا اننا نقلنا القصة بشكل مرضي لابطالها وجمهورها. نتمنالك ولكل الفريق النجاح الدائم والتوفيق ❤️

[@muhammedgamal590]

ذكريتنا كلها معاكم 😍

[@Dr.Mega_Music]

تاكي أجمل صوت في الراب المصري، و الفريق كله جميل و خفيف علي ودان و قلوب الناس، كل المستمعين عندهم ذكريات مع اغانيكم، لكن بالنسبالي بشكل شخصي انتوا من الأسباب اللي خلتني ابتدي راب ❤ اتمني اتعاون معاكم في يوم من الايام، بالمناسبة انا اديتكم شاوت اوت في تراكي "باراجواي" لاني شايف انكم مؤثؤين جداً في الراب المصري ❤ دمتم مبدعين و ماتغيبوش تاني علشان بتوحشوا الجمهور

[@boonga72]

واحشني جدا يا تاكي انت و سماك جدا

[@ServalCamouflage]

يارجالة انا دمعت من الفيديو والله دي ذكرياتنا و جزء من هويتنا، لازم ترجعوا تاني انتو نسيتو ان انتم الي قولتوا "ولا انتو افتكرتوا اني همشي واسيبهالكو؟" لازم ترجعوا تاني

[@BrahimMed.yassine-dt5oo]

الاغنيه دي كسرة الدنيا انا من الجزائر الاغنيه لما نزلت فيديو كليب كنت بستناها جامد وحفظتها ياعم وغنتها انا شخصيا في عدة حفلات وكانت الناس هنا في الجزائر تقولي يلا غانينا الاغنيه بتاع الراب المصري ههههه شكرا mtm اغنيه دي كانت تاريخيه في الوطن العربي من اجمد الاغنيات الشبابيه لحد دلوقتي

[@nesyou6909]

{ امي مسافرة } وصل صداها لخارج الوطن العربي ، احنا في المغرب كنا حافظين الأغنية و نقلدهم حتى في الحركات و لازال صاحب تيشورت ألمانيا بين عيني ، جيل التسعينيات جيل عظيم 😢

[@blhaaaj3855]

صراحة انا كنت واحد منهم في المغرب

[@mahmoudmtm3069]

دي احلي حاجه شوفتها عن ام تي ام ❤ بجد الف شكر علي مجهودك انا متابعك من اول فيديو و اتخضيت لاقيت الفيديو عننا 😀عاش

[@Fakreen]

محمود نجم احلى الايام! 😃 خبر جميل جدا انك متابع قناتنا، وطبعا شرف لينا ان الفيديو عجبك. دي اقل حاجة نهديها للفريق اللي صنع احلى ذكرياتنا. نتمنالكوا كل التوفيق ❤️ ❤️ ❤️

[@mohsen7985]

وحشتنا ياعم محمود والله 🤍

[@biboabdelhalim1004]

انتو اختفيتوا ليه كده لازم ترجعوا تانى

[@hsedirector7668]

حقيقي ماتتنسوش

[@ahmedriyad2014]

انا فرحان اني بس هقدر اوصلكم صوتي و اقولكم اني من قلبي بحبكم وشكرا على كل تعب و وقت ومجهود في سبيل حلمكم اللي عيشنا معاه لحظات من اجمل الاوقات في عمرنا . وبالنسبة لبرنس (فاكرين ) .... انت انسان عظيم واتمنى اني في يوم من الايام اقابلك واشكرك على جمال محتواك اللي بيقول انك انسان جميل وقلبك ابيض وعقليتك صعب تتكرر

[@omarmessam]

شكرا انكم اتكلمتو على اكتر ناس حبيتهم من غير ما اشوفهم ولا يعرفو عنى حاجة، ظهرو وانا فى اولى ثانوى واختفو بعد ما خلصت ثانوى 😅، يعنى كانو معايا فى احلى ايام المراهقة وكان ليهم تأثير قوى اوى فى حياتى وكنت باشترى الشرايط بتاعتهم عشان ادعمهم ماديا ويفضلو مكملين وحتى الآن هما من اهم العلامات الى فى حياتى، باحبهم حب مش عادى بغض النظر عن الاحباط والغربة الى بحسها فى اعمالهم دلوقتى. جوايا كلام كتير عنهم بس مش عارف اقوله كله، وكل اغنية ليهم ممكن اتكلم عنها كتير، بس كفاية كدة ❤

[@mikeymtm]

اية الجمدان دة 😍 برافو عليك بجد و شكرا علي المجهود 🙏 اتبسط 😁 و زعلت 🥺 في نفس الوقت 👏 🤩

[@Fakreen]

منور قناتك يا نجم! 😃 الفيديو طالع من قلبنا وصدقني انتوا تستاهلوا اكتر من كده، نتمنالكوا التوفيق في حياتكم الشخصية والمهنية وتتبسطوا زي ما ياما بسطونا ❤️ ❤️

[@knownnews]

انا لسه عندي سي دي ليكم .. بجد ايامكم لن تتكرر

[@dwellersart7538]

True 😢❤😂

[@1st.human.1]

MTM رمز و صورة و صوت لفترة لن تتعوض في العمر تاني .. لو مش هتكملو كارير الميوزك اتمنى ليكو التوفيق .. بس لو تراك كل ماتقدرو تتجمعو صدقني هيكون حاجة فارقة في جيل كامل ❤ في الفترة دي انا كنت بسمع غربي فقط .. ومعاكو سمعت كل حاجة

[@walidali4655]

انتوا فين ياعم

[@Luigiscoutman]

اوفردوز نوستالجيا

[@olympicstarline]

ايه ده ، هو انت😂

[@kareemOR]

لازم تعمل حلقة عن عصر ما قبل انتشار الفيس بوك في مصر وهو عصر الياهو والمنتديات اللي حرفيا كان عصر ذهبي في مصر وكنت تلاقي اهتماماتك في منتديات عامه سواء للشباب او للبنات واشهرهم منتدى فتكات الخاص بالبنات او منتديات خاصه لدرجة كنت تلاقي منتدى لكل ممثل او مغني مشهور وقتها وكمية التفاعل اللي كانت وقتها مش طبيعيه .. انا 25 سنه حاليا ولحقت اواخر الفتره دي ولحقت اواخر الياهو قبل ما الفيس ينتشر بينا كأطفال وقتها سننا ما بين 10 سنين ل 12 سنه .. كانت فتره جميله وذكريات جميله

[@Sweeket]

منتديات عاشق القمر

[@Shifo1younees]

فعلا انا 27 سنة وفاكر هذه الايام وقتها كان السيبر حاجه جديده في مصر ومكنش في سيبرات كتير

[@mohamedmagdy1100]

شوف انا مواليد 2002 بس فعليا لحبت المنتديات علي اخر ايامها ولحد دلوقت لسه بدخل ادور علي منتديات كنت بشوفها زمان

[@Nermeen.]

الاغنية و الفرقة ديه من ذكريات الطفولة و اوائل المراهقة بتاعتي، اغانيهم بترجعني لايام ٢٠١٠ و ٢٠٠٩ و ٢٠٠٧ .. كانت ايام هادية و جميلة ❤

[@biboabdelhalim1004]

انتى مواليد كام ؟

[@AhmedMohamed-jm2yw]

فعلا اجمل ايام حياتي 😢😢😢😢

[@MsMelodyca]

"أمي مسافرة" و "تلفوني بيرن" ❤❤ ماضينا و أغاني ما بتموت😍

[@tamerkhalefa9971]

فعلا شعور بنفس الفترة الحياتية بالاغاني دي ❤

[@nouradel707]

لسه بسمع البوماتهم لحد دلوقتى وحافظه اغانيهم كلها كنت وقتها فى إعدادي ودلوقتى32سنه

[@SSDQ8]

لسى

[@soufian_messaoudi]

مع إنو أنا جزائري ... إلا إنو والله حاسس حالي عايش عيشتكم كأنو كل فيديوهاتك تفكرني بأيام زمان كأنو أنا مصري عايش في الجزائر

[@AhmadSafty96]

الفرقة دي ليها مكانة في قلبي عمرها ما هتتمحي جزء جميل من طفولتي وذكرياتي شكرا ليك

[@fi9_z]

يستاهلون هذا الإهتمام .. نجاحهم كان واصلنا في السعودية 🇸🇦❤️

[@da7war655]

طبيعى الخليج كله تابع لمصر و لحد دلوقتى بس زمان كان اكتر عشان كنتو لسة فى خيم

[@عليالعمري-ذ1ك]

@@da7war655😂😂😂😂😂 شوف مين يتكلم ما راح ارد عليك و اقولك انتا وين و احنا وين لاكن اهل الخيم اهل النخوه اللي جلعوكم تتحدثون العربي و اغلبكم مسلمون ولله الحمد😉 مين تابع لسلطه مين كان؟! حكمكم كان من اجدادنا في الحجاز🕋🇸🇦

[@AhmedMohmoud-zn8jl]

انت تعليقك يثبت حاجه واحده انك ساقط تاريخ​@@عليالعمري-ذ1ك

[@hosamelgamal5417]

كنت فى اولى ثانوى يااااه كانت اجمل ايام مصر كانت كلها غير دلوقتي كانت اجمل واحلى وارقى كل حاجه مختلفة عن النهاردة

[@karamhany5295]

طب ما انت أعظم واحد بيقدم محتوي ف اليوتيوب يسطااا ❤

[@HemaYankee]

انا الدمعه رغرغت فى عينى من الفيديو ده فكرنى ب ايام عمرها ما هتتعوض و MTM عمره ما هيتعوض

[@Goal_match]

كانت أجمل أيام، كنت بسمعهم وأنا عندي ١٤ سنة من صعيد مصر وكانوا أصدقائي يضحكوا عليا. 😂😂❤

[@mohamedessam4873]

ذكريات عمرها ما تتنسي مع إم تى إم و أغانيهم الروشة خاصةً مواليد التسعينات زى حالاتى كدة أول مرة أسمعهم لما كنت في 5 إبتدائي سنة 2003

[@islamcairokee7248]

الفيديو ده خالني افتكر اصحابي بتوع المدرسة اللي كنا بنغني الاغاني دي مع بعض انا حقيقي رجعت بابزمن لورا ومبسوط بالفيديو جدا شكرا ليك بجد ♥

[@Dr.Mega_Music]

احلي وقت و احلي فريق

[@Rahf_omar]

الأغنية كانت من ذكريات الطفولة في السودان كنا بنغنيها فعلا كل ما امهتنا يطلعو يشربو الجبنه(القهوه) مع بعض شكرآ على التذكير الجميل ❤

[@king-of-egypt]

كل ليلة بسهر التراك الاسطوري اغنية ماتتنسيش ومش حيقدر عليها الزمن ولحد دلوقتي بتشتغل في عربيتي

[@NAR-Fr3on]

فيديو للتاريخ ..لو انت قاصد او جت معاك هو فيديو للتاريخ استمتعت جدا شكرا ليك ولتعبك

[@Dr.Mega_Music]

اتفق

[@hadeerkameel549]

كل ليله بسهر دى أنا كنت بكتبها كل شويه ف اى ورقه عندى عشان احفظها واروح المدرسه افضل اغنيها لصحباتى وينبهروا بيا انى عارفه الكلمات كلها وبقولها بسرعه وادينى حاليا ٣٤ سنه ولسه حفظاها وبالنسبالى احلى اغنيه ليهم ♥️♥️

[@eme90]

mtm مافي كلام يوصف ذكريات ايامهم و جمال اغانيهم بكل الوطن العربي راح يبقو مميزين ولا ينسو🎉❤الحلقه كنت انتظرها لاني لازلت اسمع لهم

[@mazensamer7assaan325]

الاغنية الاقرب لقلبي و لحد دلوقتي بسمعها كل ليله بسهر اغنية ليها مزاج خاااص من عالم تاني و خصوصا لما دخلو صوت محمد عدوية معاهم عمرى ٢٩ و لسة بسمعهم احلي ذكريات❤❤❤❤

[@Dr.Mega_Music]

ام تي ام اول ناس يمصروا الراب، تراكاتهم كان ليها موضوع و معني، اتكلموا عن مواضيع مهمة بجانب طبعاً الاغاني الخفيفة، وصلوا للناس بسهولة و لما اغانيهم نزلت في التلفزيون و الراديو كانت إضافة كبيرة و منافس قوي للأغاني المنتشرة في الوقت ده، اول ناس قدروا يعملوا راب مصري تجاري مميز كل الناس تحبه رغم اختلاف الاذواق، يمكن ده له اسباب كتير منها انهم بيحاولوا يقدموا نوع المزيكا ده باسلوبهم علي قد مايقدروا بدون تقليد او شف، يمكن أصواتهم(خصوصاً تاكي) و اللي كانت سهلة علي ودن المستمعين بدون تصنع او محاولة للاداء بشكل مش طبيعي، أو التوزيعات المصرية و في نفس الوقت مواكبة للعصر، أو انهم بيقدموا حاجة بتعبر عنهم من غير تصنع، اي كان سبب نجاحهم، ام تي ام من احسن الحاجات اللي حصلت للراب المصري ❤ و من الأسباب اللي خلتني اعمل راب، و بسبب تأثيرهم ده اديتهم شاوت اوت في تراك ليا و اتمني اتعاون معاهم في يوم من الايام ❤ تحية كبيرة لMTM و تحية ليكم علي الفيديو المميز ده اللي هيعرف مستمعين الراب الجداد حاجات كتير عن الفريق المهم ده في وقت -زي ما انتوا قولتوا في الفيديو- فيه تشبع بأنواع مزيكا معينة و صعب جداً اي نوع مزيكا مختلف يظهر مهما كان مميز و كويس

[@hebaabdalla9971]

الفيديوووو جاااامد واجمل قناه والله بتعرض ذكريات زمان النوستلجيا

[@ramerhima7326]

امي مسافرة حعمل حفلة بس ياريت ماتجيش على غفله من سوريا كنت اسمعها اليوم عمري ٢٩ سنه ومتذكرها

[@ELTAOWAM]

من الامارات العربيه 🇦🇪 احلي تحية لك والله رجعتنا لاحلي ايام انا فاكر اشتريت الالبومين بتاعهم واللي معملوش غيرهم وكنت حافظهم ❤

[@zayed7782]

يااااااااااااه❤❤ امي مسافره كانت مكسره الدنيا كنت فى أولى جامعه وأمي كانت مسافره فعلا عمره وبابا الله يرحمه ويغفرله ويسكنه فسيح جناته يارب 🤲🏼😭 كان بيغنيهالها قبل السفر بس مكنش بيقول امي مسافره كان بيقول اسم ماما ويكمل الاغنية 😂❤ رجعتني ٢٠ سنه ورا 🥰

[@om16oday]

الاغاني اللي كانت فترتها كان ليها طابع خاص حتى كانت بتتصور باماكن وكافيهات ليها ديكور متشابه كانت عادةً الحيطان لازم يكون فيها لون احمر واسود مع بلياردو وحاجة زي كده وتقدروا تشوفوا ده في اغنية تفاحة ادم بتاعة كريم ابو زيد اللي كمان نزلت ف الفترة دي وحقيقي دي فترة ليها ذكريات كتيرة جدا محفورة جوانا وصعب جدا تتنسي ويا ريت لو ينفع يرجع الزمن ولو شوية ❤❤

[@mahmoodgamal2227]

عايز اقولك أن انت رجعتني بالزمن فوق العشرين سنه وحرفيا mtm جزء من ذكرياتنا الجميله شكرا

[@ahmedelmessiri]

فيديو عظيم ... كتابة وسرد محترمين أوي... بالتوفيق دوما ... وشكرًا كمان لـ MTM على كل ذكرى أو يوم عشناه مع بعض وخاصة (كل ليلة بسهر) من أول يوم سمعتها فيها لحد يومنا هذا وأنا بغنيها بنفس القوة ونفس الإحساس في أي مكان ♥

[@ashrafhisham9176]

ياااااه العمر جرى يا جدعان ❤

[@blackcobra7035]

شكرا جدا رجعتنا لي احلي ايام الزمن الجميل

[@emawang8686]

الاغنيه كانت مطرقعة و ليا معاها ذكريات في البيت و وسط أهلي ❤

[@Waleed_20555]

اشكرك على العمل ده لانه بيتكلم عن شباب مراهقين ال2000 اللى أنا واحد منهم ودى فعلا مزيكتنا اللى اتعلقنا بيها والالحان المختلفة عن اغانى التسعينات العادية وبدانا فعلا نتحول في المزيكا ونترقي بيها وكمان فريق( ام تى ام) كانو فعلا بيعبرو عننا وبيتكلمو بلسانا وتفكيرنا علشان كده لسه عايشين معانا❤

[@heidielhalwagy3199]

فيديو تحفه بجد ❤كنت طفله لسه و لما الاغنيه دي تيجي على التليفزيون كمت لازم اغني معاها و ارقص بجد كانت حلوة اوي و ذكرى جميلة لغاية دلوقتي ❤

[@hashimahmed1975]

يستحقون أكثر و أكثر و مجهود مقدر منك، صوتهم كان واصلنا في السودان، كل الحب ليكم 👏🏾💙👏🏾

[@MuhammadOsama2007]

شكرا لتوثيق اسمي في الرحلة دي . كل التحية

[@Hak_Felix_Supremacy]

ذكريات الطفولة🥺 إلى الآن حافظة الأغنية هذي كلمة كلمة و الأغنية الراب الوحيدة اللي اقدر اغنيها 😅❤️

[@sa245man]

ما حصل الشرف ان اعرفهم في الماضي ، لكن فعلا كل ما ذكر في هذا الفيديو لامس قلبي وذكرني بأيام جميلة عشناها . شكرا على المجهود

[@ahmedabdelfatah6181]

تحياتي علي السرديه ده برافو بصحيح فعلا رجعنا ايام جميله بل توفيق يارب

[@shereenashraf7857]

7:00 أذكر إن ف مرة الاغنية كانت بتتذاع في التلفزيون وانا وقتها كان عندي ٨ سنوات وسألت أمي يعني إيه اللي قالوه ده؟ اللي هو "يا إشطة يا بيس يا إما كوول" قالتلي ده كلام وحش وعيب 😂😂😂...والآن وبعد ٢٠ سنة أظن الكلام ده دلوقتي قمة في الاحترام مقارنة باللي بنشوفه دلوقتي🥲..أيام البراءة 🥲🥲

[@Dr.Mega_Music]

😂😂😂

[@aboooood232]

دول غيروا مفهوم الراب والموسيقى في الوطن العربي كله مش في مصر بس اختيار ام تي ام كـ موضوع فيديو اختيار موفق جداً👍🏻👍🏻

[@Dr.Mega_Music]

اتفق

[@dollyellay]

احنا الإسكندرانيه فخورين بده. اسكندريه يا دوله ❤🎉

[@anwaryousry7252]

يااااه ،احسنت والله رجعتني بالزمن سنيين ، MTM كانت طفرة جميلة

[@Hatem_Ali]

الحلقة دي عايزة تتبروز هيا وحلقة فيلم اوقات فراغ تقرير ممتاز طريقة السرد فوق الممتاز ف المجمل محتوى راااائع مبسوط اوي اني اتكعبلت ف القناة دي شوفت فيها اوي ذكرياتنا استمرو....... 👏

[@wafaa5188]

جمدين بجد اوى احنا لسه بنحيهم وحافظين الالبوم كامل لحد دلوقتى نتمنى نشوفهم مع بعض تانى حلوين اوى احلى تحية وسلام ليهم نتمنالهم كل التوفيق

[@mahmoudshemes05]

انا فعلا بحبهم وحضرت كل اللى قولت عليه ف ظهورهم .. وفعلا حاجات كتيره من الجديد بتاعهم مكنتش اعرف انها نزلت. بس هنفضل نحبهم ❤❤

[@mahmoudashta]

واضح كمية المجهود الي اتحط في الفديو ده بجد عاش❤

[@remonsabry]

انا قشعرت لما شوفت اعلان النغمات والموبايلات النوكيا !! فيديو رائع ومشترك جديد وسعيد اني عرفت قناتك

[@ammar4476]

أغنية جامدة، حققت نجاحا كبيرا، أذكر كنا نغنيها في الأوتوبيس و نحن ذاهبين للكلية عندنا في المغرب

[@hadeerkameel549]

جورج عزمى 😍😍😍😍😍 اكتر واحد ضحكنى من ساعه ما اخترعوا الستاند اب

[@ahmedsami4213]

اسكندريه ❤ اسكندراني بيمسي

[@doctorzhivago2825]

.وحشتنا يا ريس مفيش حلقات جديدة اجمل قناة علي اليوتيوب

[@eslamShapara]

انا حاليا 27 سنه ومن طفولتي وانا بسمعهم ودي حاجه من ذكرياتي الجميلة اللي بشكرهم عليهاا ❤

[@basmallahibrahim1274]

تحففففففة انا كنت مولودة ف ٢٠٠٣ بس بردو كبرت سنتين ولا ٣ و كنت بغنيها

[@halawanihalawani6933]

اسكندرية قلعة كل الفن و الثقافة ....منجم فنانين مصر كلها ❤❤❤❤❤

[@shouqshaker]

صاحب القناة مجهود اكثر من رائع 👏🏻👏🏻 كل التوفيق ل ام تي ام حاسة مالهم حظ او الظروف ما ساعدتهم مع الاسف.. احلى ايام واحلى ذكريات جنت اعشق امي مسافرة وانتظرها باللحظة تطلع على التلفزيون🥹ايام لن تتكرر

[@El3raaf_EG]

الڤيديو عبقري الصراحة ❤❤ جيل من أحلى الأجيال فعلا ❤❤

[@luckysaleh7]

(أمي مسافرة) و (تليفوني ييرن) بيتنقلوا معايا طول عمري من شريط كاسيت لـسي دي لـكمبيوتر للابتوب لفلاشة العربية لحد دلوقتي بس عتابي عليهم بسبب جملة قالوها في أغنية (طول ما بنتنفس) لما قالوا (ومش حنبطل أبداً ولا بعد ١٠٠ شريط) وانا من جيلهم وسنهم وصدقتهم وللأسف حسيت بأنهم خذلوني..بس حيفضلوا في قلبي وسلامي ليهم كلهم وبالذات (محمود) وياريت يوصله السلام في (الدنمارك) .. أو أحاول أوصلهوله عن طريق صديق ليا عايش هناك🤍🤍🤍Ⓜ️🚹Ⓜ️

[@Dr.Mega_Music]

فعلاً تراكاتهم و البوماتهم بتتنقل معانا رغم اختلاف الزمن و التكنولوجيا

[@alhussiny3488]

انا عراقي 🇮🇶 حافظ كل حرف من الاغنية ومازلت اكررها كبرت وتزوجت وهاجرت ومانسيت الاغنية الي كنت اسمعها واني عمري ١٧ سنه وحاليا بالشغل ببلجيكا ومشغلها ويسمعوني البلجيك 😂

[@khalatelomara]

ده كمية معلومات عجيبة !! أنا فعلا كنت فاكر أخر حاجة نزلت هي بكرة احلى , ما توقعتش خالص أن فيه ألبوم 😶

[@waseemo1992]

رجعتنا ٢٠ سنة اول مرة سمعتها كنت نازل اجازة على سوريا وسمعتها بالصدفة وحفظتها 🤣🤣

[@Moviesvids0]

ايجي راب اسكول والبوم امي مسافره ليا ذكريات كتير معاهم ❤❤

[@hallouabdelbaset2359]

انت بتتكلًم على مستوى مصر !!! يا راحل انا من شرق الجزائر و الاغنية كانت ترند ❤

[@sherifgreer8756]

كنت بحب امى مسافرة جدا مفيش حد فى مصر مكنش بيجبها اصلا يا ريت يرجعوا تانى بشكل مختلف و حاجة زى اغنية هروب اضطرارى

[@Shifo1younees]

الفيديو ده رجع ذكريات الطفولة

[@emawang8686]

12:36 ❤ صدق حلوة فعلاً كل ليلة بسهر بسهر

[@AyaOsama713]

يخربيت الذكرياااااات 😂😂😂😂😂 ده الواحد طلع قديم خالص يجدع 😢😢😢

[@LE_BESOO]

شكرا على الحلقة الجميلة دي ، انا بحب ام تي ام حتى لو قالوا ياليل ياعين

[@MrPopdevil]

تستحق لقب مؤرخ موثوق ، معلومات وطريقه سرد خلتنى احس كانى بشوف سنين بتمر قدام عينى

[@mariammosaad31]

حبيت فيديوهاتك جدا استمر ❤❤❤❤❤❤ كل الحاجات قديمه حلوه وكمان ذكرياتنا دول ذكريات كل بيت مصري ❤ واحنا صغيرين وقد أية حبناهم

[@SahmAlbedaya]

ياااااااااااااه يا عبد الصمد رجعت بالزمن سنين طويله اوي ليتها تعود ايام 😂😂

[@KhurshidMamun]

بجد.برافوا رجعتنا لايام.زمان.

[@mohmedkh5975]

رجعتنا سنين كتير يا معلم وفعلا الاغنيه كانت عظمه وقتها والرجاله كانوا جمال جدا

[@SOSOTHECAT]

بحب اوي ( دي مناظر ) و رحت اسمع الاغاني اللي كنت بحبها و بسمعها و انا في ثانوي 😍❤️❤️❤️❤️❤️

[@Dr.Mega_Music]

الألبومين كل اغانيهم جامدة

[@bayanabdelhi5753]

اللايك عشان ام تي ام الي كثيييييير اشتقنالهن

[@mohammedasharf8950]

القناة دي جامده جدا جدا جدا استمر يا أسطوره و ادائك الصوتي ملفت جدا عاش ❤

[@mohamedelaminebenasla1140]

تحياتي لصاحب القناة من الجزائر هذه الاغنية كان لديها صدى كبير في الجزائر

[@atlas1988]

امي مسافرة راح اعمل حفلة بس ياريت متجيش على غفلة انا جزائري واسمعها كثير هاد الأغنية اسطورية

[@OMAR_production]

انا شايف ان اقوي البوم توزيعأ عموماً ف اخر 10 سنين البوم "أرجوك متفصلينش" حاجة وهم والي الان بسمعه

[@احمدمنعم-س7ع]

لسه فاكر الاغنيه دي لما كانت بتيجي على قناه دريم الاغنيه اللي كنت بحبها كنت بحب اسمعها كل يوم ايام لما كان عندي ست سنين وشويه

[@ahmedhelfawi]

الاغنيه والcd وصلو لكندا وكان في عرب كتير بيحبوا MTM أنا في تورونتو واول سنه جامعه لما الالبوم نزل... وكانت امي مسافره في الحفلات والأفراح العربيه

[@retalmohamed3141]

❤❤فكرتني بأجمل أيام واغنيه كل ليله بسهر كانت عشقي❤❤

[@walidsabry8561]

كفايا كل ليله بسهر جميله جدا

[@mr.looter6789]

اللي راح يسمع امي مسافرة بعد ما خلص الفيديو يجمع هنا

[@تسنيماحمد-د3س]

ياااااااه يا مايكى ....راح واحد ورجع واحد تانى خااااالص يا مسكين .... والله صعبان عليا موت ..تاكى ومحمود زى ما هما مع اختلاف الاوزان بس مايكى 😮😮انا مصدومه بجد كملى يا إليسا...

[@Name-fk8zv]

هو انتي كام سنة

[@Aboomarujjjb-xg3hx]

شاهين الصقر اول شغله معاهم في الفريق ذكريات جميلة ❤والله

[@abdoumilao2320]

اول اغاني راب في العرب من عنابة الجزائر في التسعينات

[@Aboomarujjjb-xg3hx]

الناس كانت مستغربها❤بس دي كانت عيشتنا وفرحتنا

[@any_thing_iam]

الراب الجزائري العربي كان في نهاية الثمانينيات❤

[@Samhawy]

ايام الذكريات الجميلة ❤️

[@labelleasmae]

امي مسافرة ههههه ذكريات

[@Ela3war]

عايز اقولك اني من عشاق ام تي ام من ٢٠٠٤ ايام المنتديات و الشات

[@saeidbadawy7570]

بص انا مشترك جديد عندك بس اقسم بالله انك خليت عينيا دمعت لما افتكرت الايام دى الاغنية دى خصوص الاغنيه دى كنت بغنيها انا واتنين اصحابى فى الثانوى وكانت المدرسة كلها بتتريق علينا وكنا روشين قوى قدام البنات لما كنا بنغنيها ايام جميلة وبسيطه احنا كنا غلابه قوووووى واحلامنا بسيطه

[@AyaOsama713]

معقول ده مايكي بجد !!! ازاي اتغير كده !!!!!😮😮😮

[@da7war655]

ليهم بودكاست مع خالد عليش وغنو فيه امى مسافرة و مايكى لسة جامك فشخ

[@sazvangermave9871]

اللي اتفرج على الكليب بعد الفيديو يجي جنبي😁😁😁