حقيقة هندسة

أول فيديو ع القناة وحتكلم فيه عن حجات تاخدها في الاعتبار وانت داخل كلية هندسة او وانت داخل اي كلية في العموم. اتمنى الفيديو !يعجبك
#ثانوية_عامة #التنسيق #هندسة
---
للتواصل: [e-mail]
-----
انستجرام: / farigraphy_
تويتر: / farigraphy_

[@DroosOnline4u]

فيديو جميل ومفيد يا فارس 👏🤩.

[@FarisEhab]

انا مش مصدق اللي انا شايفه الكومنت دا بجد ؟؟؟؟؟؟؟؟؟؟؟؟؟؟؟؟

[@playbuzz6301]

Enta lesa 3amel video 3ala نصيحة ضرورية في بداية الثانوية. we delwa2ty el comment dah 😂😂. bas kan video 3azeem.

[@Quran_166]

@@FarisEhab صدق يا هندسه . استمر.......

[@ezzeldin101]

يالله بينا ابوزيد بنفسه استمر ياهندسة انت في طريقك لكرسي البودكاست

[@omarhosny2555]

يباختك يعم😂😂

[@user-vt2oo4wy2g]

مش عارف ازاي كانت تايهة عن بالك وبالنا كلنا خطوة اليوتيوب دي ... أنت طريقتك ولغة جسدك لايقة جدا على الحوار ده أصلا .. عاش ليك يخويا⁦♥️⁩ + عاش على الكلام 👏

[@mohamedkhairy2609]

لما دخلت على القناه ولقيت ان ده اول فيديو مصدقتش بجد عااش عليك بدايه رائعه استمر❤

[@Megumiislvr]

( 5:52 ) هما دول الجملتين اللي خلوني اشترك واحط لايك والفيديو من أوله كذلك من ناحية البداية والإضاءة وطريقة طرح الموضوع أبدعت ما شاء الله

[@yazeedtariq8981]

أهنيك على القوة الي عندك لاتخاذك الخطوة الاولى وكانت خير خطوة ، وانت مناسب جداً بإنتظار فيديوهاتك يا وحش ❤

[@zoolreact2622]

الحمد لله انا دخلت تخصص شبكات بحبو وكنت حاطو ضمن رغباتي والحمد لله ربنا وفقني وهشتغل في شركه محترمه بس بحاول اقرا كورسات زياده عشان ادعم معرفتي وربنا يسهل ان شاء الله اي حد هيحب مجاله هيبدع هيكون عندو نفسيات عشان يستمر وربنا يوفق الجميع

[@abdelrahmanagha4812]

التعليم في مصر اللي فاشل انما برا هندسة حاجة عظمه بجد

[@salmaahmed-wt8bt]

اتفق

[@theblackduck8110]

ليه انت درستها برا ؟

[@abdulrahmansaggaf2717]

مش في كل مكان من تجربة

[@abdelrhmangarhy4241]

حقيقة للأسف الشباب بتغفل عنها بسبب نظرة المجتمع .. لكن لما يحصل أصطدام بالواقع بعد التخرج بتحس بسوء أختيارك و كم ضياع الوقت في حجات مش هتفيدك غير ف تعاملك مع الضغط بعدين .. أحييك و بشدة والله

[@user-vz4sm1uv1v]

هل يسبب الاكتءاب؟

[@abdullahbassam1196]

كلامك ممكن يكون صحيح بس مو عام لكل الطلاب، الحمدلله تخرجت هندسة صحيح بعد تعب بس توظفت بالوظيفة الي بحلم فيها من زمان وبراتب اعلى مما توقعت 😅

[@salmaahmed-wt8bt]

هذا اللي كنت بحاول اكتبه في تعليق بس مش عارفة ممكن اقول كدا ازاي ,تسلم يارب

[@adelatef428]

صحيح الرزق بإيد ربنا عز وجل وليس بالوظيفة إنما رزقك اللي إتكتبلك هتاخده حتي لو إيه وربنا يرزقك ويكرمك أكتر إن شاء الله ❤

[@habibamosaad6208]

و حضرتك مهندس ايه؟ انا عايزة هندسة معماري بس فلوسها قليلة بسبب أن العدد كبير جدا ، هل طورت من مهاراتك و كده ولا الشركة أو المكان اللي توظفت فيه كان كويس؟

[@user-ny6pj3ry6w]

طريقة اسلوبك و شرحك للموضوع جميلة خالص ما شاء الله عليك و ربنا يارب يكرمك و يسعدك و يرزقك من رزقه الواسع يارب ♥️♥️♥️

[@esraanashaat5508]

ماشاءالله على مخارج الحروف عندك اللهم بارك انا دراسه تجويد عشان كده واخده بالي اوي من طريقة كلامك ماشاء الله بجد ♥️

[@RhabAhmed-nz5io]

ما شاء الله* بنسيب فاصل عشان المعنى ميتغييرش.

[@omaresmat.a]

الكلام ده بيحصل دلوقتي وهيحصل أكتر في خلال السنتين الجايين : اليوتيوب هيطلع عليه شوية شباب ونماذج هيغيروا فعلًا في فكر الشباب وهيعملوا فرق في الجيل اللي طالع. قدامي إن شاء الله سنة أخلص فيها الثانوية العامة وادخل يوتيوب، وإن شاء الله هنروح لكرسي البودكاست ونصور مع أبوزيد عشان نوريه حصاد عمله وأثره الطيب في حياتنا ❤ بداية موفقة يا فارس إن شاء الله، دوسنا الزرار الأحمر

[@support_gaza]

"Omar" مش *"Umar"*

[@nagymuhammed9032]

@@support_gaza تتكتب اى حاجة ممكن تتنطق "عمر"

[@akrman1200]

​@@support_gaza طيب عبد الوهاب تتكتب ب U😂😂😂

[@Karno_osha]

كنت فين من زمان يا صاحبي؟ اسلوب ممتاز وكانك متمرس يوتيوب ، ربنا يوفقك وينور طريقك

[@oxygen9978]

جميل ، انا طالب 3 ثانوي واستفدت كتير من الفيديو ، بارك الله فيك موضوع مهم ، بالتوفيق 🌹

[@tareknasser2827]

علمي علوم ولي علمي رياضه

[@oxygen9978]

@@tareknasser2827 علمي علوم

[@ahmedgaber9806]

ما شاء الله ع القبول عندك قبول جميل والله تبارك الله وكلام مظبوط جدا من غير حشو الفيديو عظمة يا صاحبى❤

[@amirelkomos6457]

ياخي لسة اليومين دول اترفض طلب التحويل بتاعي بعد ما قعدت سنة كاملة بدرس في قسم العمارة اللي مش حابه وتعبان فيه جدًا جدًا وقررت أحول لكهرباء عشان شايفها أنسب بكتير اترفض التحويل بسبب انه القانون مابيقبلش تحويل من الفرقة التانية يعني لو كنت سقطت كنت قدرت أحول لكن عشان نجحت (وخلي بالك أنا ساقط في مادة مبادئ التصميم) اترفض التحويل وحاليًا شايف اني داخل على ٣ سنين جحيم كلهم استنفاذ لعقلي وجسمي ونفسيتي ووقتي كله اللي مش بيكفي أصلًا أنام ٦ ساعات كل ليلة لو أي حد شايف التعليق دا اختار كويس وابحث كتير واسأل ناس كتير واهتم جدًا جدًا جدًا قبل ما تختار القسم لان دا أهم قرار هتاخده في حياتك كلها هو واختيار الجواز فيما بعد لو اخترت صح حياتك هتمشي ولو اخترت غلط هتعيش سنين من التعذيب

[@FarisEhab]

صديقي والله يعز عليا قد ايه الكومنت محزن ومن قلبي بتمنالك التوفيق والرضا ، مش محتاج اذكرلك ان اكيد في حكمة من حاجة زي كدا بس اهم حاجة حاول متجيش على نفسيتك وتخرج من المود دايما وتكون نفسيا كويس. انا مقدر لاني مريت بظروف مشابهة باختلاف التفاصيل يعني وبقولك اهم حاجة في الاخر نفسيتك يصحبي.

[@amirelkomos6457]

@@FarisEhab شكرًا على ردك الجميل دا يا فارس ❤️

[@Mahmoud.004]

حاول تحب القسم و ربنا هيوفقك و ممكن تحبه و تبدع فيه في ناس في كهربا نفسها تحول عمارة واللي عاوز ميكانيكا انا طالب في تالتة ميكانيكا كنت حابب مدني بس ربنا مكتبهاليش و الحمد لله حبيت القسم

[@ahmadadel3905]

انا عمري 28 سنة خريج هندسة نصحية لاي شاب صغير متدخلش الكلية دي نهائي لا فلوس ولا شغل عليه قيمة ولا راحة ولا حاجة نهائي الكلية دي سرقت مني احلي ايامي وياريت جه بفايدة الله يوفقك

[@Sarah-wb1ku]

انت مهندس ايه وكنت جامعه ايه

[@785rty6]

طيب جربت تدور شغل في الخليج؟

[@mariomaro5592]

انا كمان زيك بالظبط

[@mahmoudelshear2296]

​@@mariomaro5592 أنت كنت قسم إيه؟

[@nourhanmassoud543]

عاش بجد حبيت الفيديو جدا وحقيقى انجاز رهيب انه يكون ده اول فيديو منتظره اللى جاى كله جدا وياريت لو تعمل فيديو عن فكرة اننا ندخل كليه مش حابينها لمجرد التنسيق خاصه للى كانوا عايزين هندسه وضاعت منهم. وعن فقدان الشغف والثقه بالنفس اللى بيجى بعد احباط الثانويه العامه.

[@fashion.lovers10318]

سبحان الله أنا في نفس الحيرة دي من أسبوع ، بسأل نفسي أي إلي أنا بحبه ، أي هو شغفي ، وبقول الحمد لله اني اكتشفت الموضوع ده( موضوع اني معرفش شئ عن نفسي ) وانا لسه ١٨ سنه _ لاني كتير ندمانه علي ١٨ سنه إلي عشتهم في تعليم بنظام فاشل للأسف وكل همهم اجيب مجموع عالي وبس ومفيش اي مجال للإبداع ، للخبرات _ ومازلت في طريق البحث عن نفسي إلي أن أجدها بإذن الله _ وإذا وجدت نفسي بالفعل سأجد حلمي المجهول _ وأنا علي أتم الاستعداد بالتضحية من أجل الوصول إلي حلمي _ حتي ولو اضطررت لترك الكلية _ مثل ما قال Dan Lok (Entrepreneur) "If you don't sacrifice for your dream, you will sacrifice your dream " إذا لم تُضحي من أجل حلمك ، فسوف تُضحي بحلمك . _This comment is for the future, so please find yourself.

[@namelessmefacelessyou2138]

انا بعاني من نفس المشكله

[@maraim1997b]

ممكن تقوليلنا عرفتى تكتشفي شغفك ولا لسه❤

[@HopeDespairandhardship]

إدعولي منقصش عن 95% أنا عارفة إن دا شبه مستحيل بالعىك اللي عىكيتو في الإمتحانات والمجهود اللي بذلتو ميستحقش بس أنا عيلتي تستحق تعبي النفسي اللي تعبتو في السنة دي يستحق إدعولي بالله بظهر الغيب 💗😊

[@basmalaabdelatty]

عملتي ايه

[@kooralive8112]

انتى متناقصة كدا ليه + الى المنطق يقوله و يحسبه يبقى هو دا الى هتلاقيه فى النتيجة مع شوية كرم من ربنا بزيادة الدرجات بمقدار بسيط

[@mazentagel-din5646]

ساعات بتخيل ان الكلية دي عاملة شبه بطل العالم فالمصارعة انت هتفضل تتضرب لحد ما تطلع .. بدون ادنى مبالغة بس تعاملك مع الضرب ده هو اللي هيفرق وده بشوفه 4 انواع في الدحيح اللي هو عارف يتعامل مع الكلية وظروفه هيأته انه يتعامل معاها .. معندوش مشاكل نفسيه او اذكى من اللي حواليه .. مجتهد بزياده او او او .. ده بياخد السكة من قصيرها وعارف انه ناوي يتخرج ويبقا دكتور. وفي واحد عادي بيضرب ويستحمل ومكمل عادي .. ده هيطلع مهندس بخريج جيد او جيد جدا يشتغل زي اي مهندس عادي ويعيش حياة عادية كمهندس بيقبض قبض متوسط ولازمة 20 سنة خبرة عشان يبقا بيقبض قبض عالي واحد تاني الكلية ضربته وقع .. وكل ما يحاول يقوم الكلية توقعه ميلحقش يقوم .. ده حرفيا بيتم تدميره نفسيا من قبل الكلية وبالنظام الجديد بتاعنا هيعمر فيها سنتين ولا حاجة ويبقا شغله الشاغل للاسف انه عاوز يطلع مش هاف لود وميشيلش مواد .. ده واحد مش هيشم نفسه ولا هيبدا يستريح نفسيا الا بعد ما يتخرج .. وكل سنة وانت طيب. وواحد بقا لقا ان التعليم بتاع الكلية فعلا ملوش اي لازمة غير اعداد دكاترة فخدها من قصيرها وقلك انا هتخرج بمقبول ولا جيد واعلم نفسي بنفسي فمجالي اللي هختاره .. سواء يخش تينيكال تيم فالكلية او يشوفله شغلانة فريلانسنج ويطور نفسه فيها وكله فالاخر بيموت😂😂😂 معلش بقا لو طولت

[@FarisEhab]

الكلام دا مظبوط

[@yosefhamd6943]

نسيت حاجه مهمه وفي واحد بيخش وينجح في الكليه عادي ايا كان تقديرة ويمكن يقع عادي جدا ااكن بيقوم وبيحب مجاله وبيشغل دماغه ازاي يعرف يستغل مجاله صج ومن اول كام سنه بيعمل مكاسب انتا لا تتخيلها وده واقعي جدا علفكره

[@Dewdrop00]

اختصار للواقع في كومنت

[@V9P970]

دى اكتر حاجة صح قراتها من مدة بجد ، احييك

[@allys8115]

ملخص عظيم والله للثقب الاسود اللى عايشينه فهندسة

[@annewael2850]

اكيد مش صدفة ان ده يبقي اول فيديو اشوفه بعد م التنسيق ينزل انهرده وهندسة تقف معايا علي 0.3%

[@el_sayedel_ber2]

كلامك أغلبه صح بالتأكيد لكن فى بعض النقاط اختلف فيها معاك أولهم الوقت انا شايف لو الشخص منظم وقته هيقدر يشتغل على مشروعه الخاص او يطور هوايته او اى كان فبالتاكيد لا طالب هندسه عنده وقت عادى جدا ، هو بصراحه بتبقى مضغوطين وقت الامتحانات ثانيا : التقدير اه مهم لكن ده ما يمنعش انك تفهم لكن ده بيعتمد بشكل أساسي على الدكتور بتاع كل ماده ولكن مع شويه بحث هتفهم المعلومه ثالثا : لا مش اغلب المهندسين بيعملوا شيفت كرير ولو عملوا حتى ده مش عيب المهم تعرفوا يصرفوا على بيوتهم فى المستقبل إن شاء الله رابعا : انا واحد من الناس كنت كاره الكليه فى إعدادى والحمد لله عدت على خير وفعلا فى أولى كنت ناوى احول كليه تانيه ، لكن غيرت رايى تانى وقررت اكمل الطريق لحد الاخر طبيعى اصلا فى بداية كل مرحله بتكون مضايق و مخنوق منها خصوصا أن فى مسؤوليات كتير بتتحملها مكنتش متعود عليها

[@abdosalah22]

الفيديو جالي عشوائي على يوتيوب أنت جامد، استمر ❤️

[@MahmoudAbdelfatah-pn9yi]

الله ينور يا هندسة.. أنا أولى طبية هندسة القاهرة.. أنا متفق معاك 💯

[@hossamalshenawy5774]

أنت شخص جميل والله وجبت من الآخر وياريت العقلية دى تكون عند كل الطلبة والأهالى ..

[@princesshabiba7768]

برافو مكنتش متوقعة أن ده اول فيديو في القناة ما شاء الله شغل عالى

[@Zahra-th8uf]

اول ما شوفت في بداية الفيديو مبنى هندسة اسكندرية و شجرة الورد عملت لايك عشان اسكندرانية زي بعض 😂💙💙بعدين كملت الفيديو وجامد بجد اسلوبك حلو و مقنع و يمكن ساعدتني شوية اني اموف أون من فكرة مش هدخل هندسة و كدة يعني اعتقد اني اه لسة زعلانة عشان كانت أحد احلامي بس عادي راحت و فيه اهداف جديدةو الواحد مبياخدش كل حاجة الصراحة فحصل خير. بتمنالك التوفيق و نزل فيديوهات كتير الفترة الجاية إن شاء الله ربنا يوفقك وتوصل حاجة حاببها 🤍🤍🤍

[@Sarah-wb1ku]

دخلتى كليه ايه انا كمان كنت عايزه هندسه

[@Zahra-th8uf]

@@Sarah-wb1ku اداب وانت 👈🏻👉🏻

[@ahmed1ehab]

يجدعان انا دخلت هندسة اهو و فرحت اول يومين و اتبسطت بقى حققت حلمي ،، بس بعد ما دخلت فالمنهج شوية انا حاسس ان الكلية مجرد رؤوس اقلام فعلا او مقلب كبير لان في مواد بناخدها سنة واحدة و بس مبنمسكش مادة ندرسها خمس سنين مثلا و بالمناسبة انا فهندسة حاسب قسم ذكاء اصطناعي

[@Eyad0989]

شكرا على الفيديو ده بس برضو هخش كلية هندسة

[@mohamadyaser742]

بجد من اجمل الفديوهات الي شوفتها❤️ يارب القناة دي تبقي بداية خير💫

[@wafaaayman4185]

الفيديو ظهرلى عشوائي واتفاجئت ان دا اول فيديو ليك اللهم بارك بالتوفيق يارب 🧡 وبالمرة علوم اسوء من هندسة والحال من بعضه حرفيا🙂💔

[@user-zq9uu3gf6h]

جميل جدا جدا يا فارس الفيديو بشكل عام محتوي الفيديو وعقليتك والمونتاج والتصوير وغيره وخصوصا أنك أول فيديو ف أستمر وبإذن الله ليك مستقبل علي اليويتوب وربنا يوفقك ويكتب ليك الخير

[@maryamelsaeid5275]

كل كلمه صح وحرفيا اعدادى دى اكتر سنه كان فيها توهان مش عشان صعبه بس عشان ملقتش طريقه المذاكره المناسه فبجد اهتم انك تذاكر صح اكتر من انك تذاكر وخلاص عشان لو بتذاكر غلط هتتصدم من الدرجات

[@marwanmamdouh8078]

عارف انت ممكن تعمل حلقة لوحدها على موضوع اللايحة ديه للكليات العيال بتتصدم من اللى فيها لما تيجى تطبق عليهم الله ينور على الفيديو ❤❤

[@omarwarda7518]

انت شجاع ودماغك فعلا كويسه ماشاء الله ورغم انك في هندسه مش منحاز ليها خالص بجد الله ينور👌❤انا كان نفسي اخش هندسه ولما مدخلتهاش فهمت ان مفيش حاجه اسمها كليه قمه دي كذبه👌

[@fatoomelsayed5869]

ممكن لو تعمل لنا فيديو معلومات عن اول سنه اعدادي هندسه والدرجات اللي لازم نحصل عليها والاقسام وكدا 😅 + عاااااش ليك بجددد وفيديو رأئع استمر 💫💥

[@user-ry1ow5fd8l]

عاش يا فارس الفيديو جميل والصوت حلو والإضاءة حلوة وانتا طريقتك حلوة keep going 💪

[@user-ry1ow5fd8l]

حاول تخلي المسافه بين دماغك والكدر من فوق بسيطه مش كبيره كده

[@youssefashraf76825]

ماشاء الله الفديو جميل جدا مفيد جدا واقعي جدا و مختلف تقريبا عن كل الفديوهات اللي شفتها عن الموضوع ده بالتوفيق

[@AhmedSherif-mn8gu]

تحية كبيرة من طالب ف هندسة أسكندرية لطالب ف هندسة أسكندرية. فيديو جميل و غطى كذا نقطة و مشكلة كتير مننا لسا بيعاني منها و احنا اه ف سنة تالتة. أستمر♥

[@Jolly.2y]

انا في ازهر معندناش حاسبات ومعلومات الأفضل ادخل هندسة سوفتوير مع اني مش ضامنه اجيب مجموعها او ادخل طب وانا شغفي اكتر في علم الاعصاب بس سمعت كتير ان البرمجه هي المستقبل

[@Elmogy12m]

تقريبا في معادله ممكن تعملها وتعادل مجموعك لمجموع العام وتشوف الاول هيجيب حاسبات ولا لا

[@omarraafat6288]

عاش جدا ليك ونصيحه اعمل بلاي ليست عن مجال الهندسه اللي انت فيه كشرح يعني للطلبه اهوا نوع من اعادة الفهم وكمان استفادة للطالب

[@huda4310]

بعتذر هطول شوية ف الكومنت بس عايزة اعلق على كذا حاجة اول حاجة ربنا يباركلك فعلا الفيديو مفيد من ساعة ما دخلت ثانوي مش بفكر ف هندسة اصلا و اوقات عقلي يقولي ما تفكري مش يمكن ؟ و لقيت اجابة للسؤال الي كان بيخليني مترددة حتى ف التفكير فيها كاختيار ، لو هدفك من الفيديو كان الإفادة ف شكراً الرسالة وصلت . تاني حاجة انا فعلا مش مصدقة ازاي ده اول فيديو انا شايفة وراه خبرة مش قليلة ابداً ، الالقاء و الراحة ف الكلام قدام الكاميرا بجد يعني ربنا يحميك ، الفيديو جميل الكادر و المسافة بينك و بين الخلفية و الاضاءة و الفيديو القصير الي بييجي منه مقاطع ف النص الانتقالات سواء بين الفيديوهين او ف تصوير الفيديو نفسه اصلا و تغيير الكادرات ف one shot و المونتاج و ممكن احط الف خط تحت ان الفيديو مفيهوش ميوزك ؟ انا فرحانة اني شوفت الفيديو ده ، ربنا يوفقك و ينفع بيك يارب

[@FarisEhab]

حقيقي شكرا الكومنت فرق معايا فعلا كتير

[@omarabdel-hamid7195]

ربنا يوفقك يبرو انت شخص عظيم لأن الكلام اللي بتقولو هو اللي المجتمع مش عاوز يقبله 🖤❤️ كمل يبرو واشوفك ع قريب ❤️❤️

[@omaremad2875]

نظام التعليم هدفه الوحيد تضييع اعمارنا وشبابنا باقل انجاز ممكن . ال 14 سنة اللى قضناهم فى التعليم بتاعنا لو كنا كرسناه لفايدتنا بجد كنا حكمنا العالم دلوقتى لكن عرفوا يضيعوا احلى سنين عمرنا وطاقتنا وفلوس اهالينا وطاقتهم

[@gtt_f39]

احسنت

[@abdallahsayedbbb]

دا مخططنها بالورقه و القلم عشان الشباب العربي ميشوفش النور 😊

[@eaka663]

أنت هتصبح يوتيوبر كبير في المستقبل💙

[@mohamedalaa310]

Hello, I'm Mohamed Alaa. Your video is very cool for you as a first experience, keep going don't stop

[@user-uu3wq2ms2j]

والله ولي التوفيق، ربي يوفقك لكل خير ويرضى عنك ويرضيك

[@ayoubbanouri8195]

أخي فارس متابعك من جزائر .. أقل ماسوف أقول أنك مبدع أخي أرجوك استمر أخي ولاتتوقف من فضلك ... أنا شايفك قناتك ب م100 ألف مشترك في أقل من شهرين

[@AyaAhmed-ox6um]

الحمدلله انا كنت علمي رياضه وحولت علمي علوم عشان حسيت إن كليه هندسه مش مناسبني حتي لو جبت مجموعها الحمدلله❤

[@Mostafa-gq6xw]

دخلت اي ي صحبي انا هندسه عين شمس وانت ❤❤

[@ibrahemhosny3435]

انا حولت من علوم لتجاره عادي يعني بس مش عادي عند الناس وكلو بينتقد القرار دا فيديو جميل جدا ربنا يوفقك👏

[@hope_flower.]

بدايه موفقة جدااا🌸

[@mahmoud-sfine]

فديو جميل جدا و كمان مفيد و ربنا يوفقك و استمر ليك مستقبل مشرق في اليوتيوب

[@user-ox6il3gd1f]

فيديو رائع جدا. الفيديو خلاني بجد عاوز ادور و اشوف انا عاوز ايه فعلا لأني بعد الفيديو ادركت قد ايه انا كنت مهمل, يعني انه مكنش في دماغي انا لازم اخش كلية ايه و اي حاجه وخلاص فا شكرا وباين ان احنا بنشهد علي شخص هيكون مؤثر فعلا في اليوتيوب .....فا ربنا يوفقك

[@hamdiahmed4502]

ما شاء الله ❤️❤️ استمر انا اول مره اشوفك وان شاء الله في وقت قصير مع الاستمرارية ان شاء الله القناه دى هتكون من الأفضل القنوات الهادفة والقيمه ، حاول تنفع بخبراتك . وفقك الله .

[@mohamedkassem6505]

كلام سليم ١٠٠٪؜❤

[@zaidbamarni]

فيديو جميل اتمنى تكمل بفيديوهات تفيدنا لان اسلوبك حلو مبين عليك فاهم الحياة صح 👍😅

[@yasmine353]

القناه بتعتك حتماُ هتكون عظيمه .. عااااش استمر ...♡

[@2yousefreda]

نفس طريقة كلام الاستاذ احمد ابو زيد عاش عليك بجد استمر فعلا كلامك صح جدا طيب دلوقتي انا في ثانويه عامه لو انا حابب مجالين مختلفين تماما عن بعض اتعامل ازاي

[@firestickman4605]

انا كمان مش عارف اعمل ايه احب مجال الرسوم المتحركة الدسمة و مش عارف اعمل ايه مع مجالات الجامعه الي مش مناسبة لي

[@omarsamir4307]

بص يا صاحبي الفيديو ده خيال ، بجد مكاشفه مهمه جدا و محتاجه تأمل ❤️❤️❤️❤️

[@user-oc4jy9jw4b]

معرفش اول ما فتحت اليوتيوب لقيت الفيديو في وشي بالرغم من المشاهدات القليلة دا ممنعنيش افتح الفيديو و اكتشف ان دا اول فيديو ليك و اكتشف ان عدد المشاهدات كبير بالنسبة لأول فيديو من قبل ما اخلص نص الفيديو عملت اشتراك من جمدان اول تلت دقايق انت تقريبا لخصت الهندسة في مصر في 7 دقايق و كون صانع محتوى مذهل زي أبوزيد يعجبه الفيديو دي بداية مبشرة انا دلوقتي مستغرب اني كتبت تعليق كبير زي دا على غير عادتي بس واضح انك تستاهل و ربنا رزقك القبول عند الناس و هتقدم رسالة بتوفيق يخويا و اشوفك طالع في البودكاست 💙🔥

[@DrEsraa-so1iy]

بالتوفيق ابو زيد الصغير ❤

[@ahmedalaa5498]

كويس ان وصلت ل كل ده من بدرى وبتفيد بيه غيرك عاااش

[@amrbelal9579]

عندك حق يابني ، ربنا يوفقك في اللي جاي

[@ahmed.hassan2004]

يشرفني اني اكون من اوأل المتابعين ليك لاني متأكد ان شخص موهوب مثلك هيعدي انشاء الله المليون مشترك

[@Elkhashmistories]

مش مذكر اخر مرة شفت فيديو واستمتعت بكل لحظة بيه، شُكراً لكلامك انا كملت ثانوية ومشعارف نخش شن بضبط وضغط الي جنبي اهل اصحاب اقارب زايد التوتر والقلق عليا بس شُكراً وعيتني في نِقاط مُهمة 🖤

[@fashion.lovers10318]

For 2:02 "If you don't sacrifice for your dream, you will sacrifice your dream " , So Be Brave Just do it .

[@youssef74761]

يا جدعان بيقول كلام مظبوط ميه ميه ولما تدخلها مش هتعرف تعيش حياتك العادية طول ال5 سنين وتلاقي زمايلك ال ف حاسبات وذكاء اصطناعي اتخرحوا قبلك عشان كليتهم 4سنين وانت عندك سنه زياده عنهم عشان اعدادي ال هي اول سنه وفيها بتعيد مواد 3ثانوي تاني بتنسيق وضغط وبتنافس الطلاب الشاطرين ال كانو جايبين مجاميع عاليه عشان تخش تخصص عدل شويه وف الاخر ممكن متلحقش ال انت عاوزه وف الاخر تحول انما حاسبات رايقين عنك وبيشتغلوا وانت مش عارف تتعلم حاجه جمب هندسة لانها متعبة وصعبة وخريجي هندسة كتير جدا بسبب المعاهد وحرفيا في شركات بتدي مرتبات للمهندسين زي مرتبات العمال من كتر المهندسين دا لو لقيت شغل

[@mohamedelsaid9496]

جامد يا اخويا ❤️

[@worldna7434]

ربنا يوفقك ي فارس عقليتك ممتازة ماشاء الله

[@hend1279]

فهمان ياخويا ما شاء الله ننتظر المزيد ❤️

[@samakhalednegema329]

فيديو جميل و مفيد جدا انصح تكمل في محتواك

[@abdelrhmanyasser8989]

بسم الله ما شاء الله انطلاقه موفقه جدا للقناه

[@rady_ahmed]

هايل ي فارس كمل وبدايه جميله 💕

[@user-pc3pl2ez1k]

انا طالب في هندسة الاسكندريه في تانيه قسم انتاج و فعلا كل اللي انت قولته صح جدا بس ممكن ناخد في الاعتبار ان دخولك قسم انت مش حابه هي عباره عن مشكله تقدر تطبق عليها ال problem solving اللي قدرت تتعلمها من الكليه و تشوف انت عايز مجال اي مش قسم اي و بالتالي انت هتتعمق اكتر في القسم بتاعك و المجالات بتاعته لحد ما تشوف المجال اللي هيوصلك للي انت عايز تكون فيه و تقدر في الصيف تستغل ده كويس جدا ده طبعا لما تخلص السمر كورس للاسف 😅 المختصر ان اللي فعلا نظام الكليه مش عاجبه يحاول يشوف الامل فين و مجاله اللي نفسه يشتغل فيه يقدر يوصله ازاي ملحوظه : انا لما كنت في اعدادي جبت مقبول في انتاج بالاضافه اني كنت حابب جدا اتصالات و جبت في البرمجه B+ و كان اكثر قسم بكرهه هو انتاج و فعلا بالنسبالي كان صدمه قويه اني ادخله بس يعني احنا مش ضحايا للابد نقدر ننور الضلمه لو دورنا هو مش تنميه بشريه بس فعلا هنسعي باذن الله هنلاقي❤❤

[@foaadwaleed8013]

ربنا يوفقك

[@mariambahaa1467]

جزاكم الله خيرا فعلا فيديو مفيد اويييي وفادني جامد

[@salehalbur558]

اسلوبك جميل استمر يا فارس 🖤

[@saraamr5986]

الفيديو طلعلي عالتايملاين و حقيقي كلامك كله مظبوط.. طريقك كلامك حلوه كمل 👏🏼

[@Elmister657]

أنا مش عارف اصدق ان ده أول فيديو ليك فيديو رائع واتمنى تكون خطوه فى طريق للنجاح ✌

[@ayatosman2610]

كنت سبب بعد الله اني اطلع من حيرة كنت فيها لمدة شهر واكتر .. شكرا بجد وكل الدعمم❤

[@shorouk434]

بجد اللهم بارك، جميل جدا جدا، الله يبارك فيك وينفع بك ويرضى عنك يا رب

[@sunrise5424]

انا دخلت اتفرجت عاى فيدهوياتك الثلاثة و عايزة المزيد 😅 Keep going man 🙏

[@ahmedalkilany4258]

بالتوفيق يا هندسه 💖

[@user-pm1mr1zg1b]

واو انت انت بتحضر انميشن^^ +الفديو دا مفيد جدا جدا وحقيقي بارك الله فيك وغالبا بدات اتراجع سيكا عن هندسه بعد الفديو .

[@nadakhaled9676]

صلوا على الحبيب المصطفى شفيع الأمة ♥️✨

[@alaaelatrsh5697]

فيديو رائع , من افضل الحجات الي طلعتلي من فتره , بالتوفيق

[@ehabgamal4992]

للاسف اصل الكلام ده للذي في ايده نعمه مش حاسس بيها مهنه الهندسه هي افضل مهنه علي الاطلاق ولكن المهم ان الانسان اللي حامل لهذه المهنه يكون قدها وان يكون بينمي مهاراته ويتطور مع الزمن اما النظام المتبع فهذا النظام هو من تخرج منه اعظم مهندسي مصر وهم علي سبيل المثال لا الحصر (المعلم عثمان احمد عثمان-الفنان حسن فتحي - الاسطوره هاني عازر ٠٠٠٠٠٠٠٠٠الخ)القائمه طويله وكلهم من العظماء مهنه الهندسه هي اساس اي حضاره قديمه او حديثه منذ المصريين القدماء بناه الاهرامات والمعابد القديمه وفي النهايه اود ان اقول ان كليه الهندسه تكسب طالبيها حسن التصرف والاستنباط اللي مفيش اي كليه بتخلي عندك هذه المهارات ولكل طالب هندسه بقول جد واجتهد وستجد نظير لهذا المجهود بسبب بسيط ان القاعده الربانيه تقول (ان الله لا يضيع اجر من احسن عملا) والسلام عليكم ورحمه الله وبركاته

[@omarshahin652]

مفيش مهنة افضل من مهنة دا اولا، و محدش انكر اهمية الهندسة طبعا المشكلة في نظام كليات الهندسة في مصر، اما بالنسبة للنظام المتبع فهو نظام جيد جدا لو اتطبق صح و دا مبيحصلش عندنا

[@omarshahin652]

دا غير ان المهندسين اللي حضرتك ذكرتهم متخرجوش من النظام دا عشان اول دفعة في النظام الجديد لسا متخرجتش

[@mustafahmh0652]

فش مهنة احسن من الثانية كلنا بنكمل بعض سيبك من افضل مهنة وكلية قمة عشان هاض هبل

[@ziadhossin7409]

فيديو جميل بجد مع ان اول فيديو ليك بس بجد جميل جدا واتمني ليك كل التوفيق في اللي جاي يابطل

[@raneem_ashraf]

السؤالين اللي في الآخر ممتازين جدا جدا .. ربنا يسددك

[@abdelrhmanemad4625]

حلك انت بقا من هندسة اسكندرية بحالها ال thumbnail و ال shots المستخدمة جامدة الصراحة

[@abdelrhmanemad4625]

تعليق بقا يفيدك كدا ف المونتاج حاول تقطع بين الجمل لما بتكون بتاخد نفس خلي الجمل ورا بعض من غير سكوت بين كل لقطة ولقطة

[@FarisEhab]

شكرا على الاضافة يا صديقي ❤️

[@Bandora.]

أنا حاليا 2 ث وبعدين أنا كتبت ف التشعيب رياضه والمهم أن أنا دخله عشان أنا بحب ال desigen جدا وحابه أدخل عماره لأن دى هوايتى بجد عمرى ما شفت نفسي ف مكان غير دا ويمكن لو فكرت اغير رايى بكون عارفه انى بضحك ع نفسي وانا اصلا مش بحب الطب أو دا مش من هواياتى ف ايه رايك أتمنى ترد لأنى بصراحه نفسي اكلم حد ف هندسه ويكون حابب الجامعه اقدر افهم منه كل حاجه واناقشه بس كل أما اكلم حد يقولى بلاش هندسه 😢

[@habibamosaad6208]

عملتي ايه؟

[@_DUPAMIN]

مثلك

[@cellno.7]

بداية قوية جدا لقناتك ❤️ انا اشتركت

[@MustafaAhmed-wp7ew]

تفكير رائع ورأي اروع 👏🏻👏🏻👏🏻👏🏻

[@allys8115]

كلامك منظم وحقيقي 100% احنا فالكلية اتقسمنا افراد اللى ركز ونجح واتخرج واللى اشتغل وسحل نفسه واتعلم مجال تانى تماما خلاه مش عارف يتخرج واهو انا 6 سنين وواخدها بالتقسيط وغيرى 7 و 8 هندسة مش هتديلك وقت وهتبقى عامل ضغط نفسي دائم ان فى حاجة لسا وراك موقفالك ورق ف لو مجالك تانى حول لكلية بتدى وقت واخلص

[@ahmedamir7342]

اشمعني بتوع هندسة اسكندريه بس اللي بيتكلموا في الحاجات المهمه دي ليه مش بتوع حلوان و القاهره او عين شمس حد يطلع يقول كلمتين حلوين زي دول احلى تحيه لشباب هندسة اسكندرية ❤

[@wickedplank6286]

كلامك صح جدا بس للاسف في طلب ف هندسة بيرفض يعترف ان الكلية كذبة عشان بيكون اتفشخ ف الكلية و بينافق نفسه ، و الناس الي بتقول كفاية اللقب و المكانة الاجتماعية هتفيد ب ايه كلمة باشمهندس وانت مش لاقي شغلانه مرتبها كويس تعتمد عليها ك مصدر دخل

[@gannahsherif]

أنا متفاجئة إن ده أول ڤيديو لك يوتيوب رشحهولي

[@remysworld7406]

الفيديو جميل وانا مبسوطه من فضل ربنا عليا انا جرافيك ديزينر بقالي سنه ونص وكمان في تالته ثانوي ادعولي ادخل هندسة اتصالات ❤

[@mustafajodat8423]

كل الدعم ليك انت زول مبدع شديد . ما تتوقف واصل

[@3bs_]

ماتكلم عن السيت اب دا يا رايق شكله تحفه رغم ببساطه وكمان الاضاءة جمده

[@FarisEhab]

ترايبود وتلفون ومايك وشباك بس كدا

[@markgamal5138]

صدقني انا لو سمعت الكلام ده من ٣ سنين مكنتش دخلتها 😔 بس للاسف كل ده بيحصل فعلا بقيت بدل ما كنت بمشي ورا حلم بقيت كل همي في السنه اجمع درجات عشان التقدير 🥲

[@expertdevs]

انا خريج هندسة 2011 ، بقولك انك لو دخلت هندسة عشان بتحبها ونفسك تتخصص في مجال انتا بتحبه ادخله وهتلاقي له شغل سواء في مصر أو بره مصر، كده كده معظم المهندسين بيسافروا، موضوع التقدير مش عيب ومش غلط ولو رحت كلية تانية هتجمع درجات عشان التقدير برضه بس هتطلع كل سنة بدون أي قيمة اتضافت لعقلك واسألك زمايلك في كليات نظرية وهما يقولوا لك ع مذاكرة قبل الامتحان بأسبوع وطول السنة لعب، ياريت يا مارك لو هتاخد نصايح من حد متغيرش تفكيرك بسرعة إلا لما تفكر كويس جداً

[@kerolossamuel832]

@@expertdevs أنا 3دبلوم صنايع حضرتك شايف أني هندسه تستاهل أني اضيع سنتين ودخل معهد وبعدها ادخل هندسه ولا ايه.. هندسه لها مستقبل وكده... ارجو الرد وشكرا

[@expertdevs]

​@@kerolossamuel832 بص يا كرولوس أنا مؤمن تماماً إن اللي بيحب حاجة بيشتغل عشان يحققها، اللي عايز أقوله لك واللي استفدته بعد 12 سنة شغل، إن الكلية أياً كان اسمها هيا أول خطوة في طريق الشغل، حتى لو كانت كلية صعبة زي هندسة، لما تدخل الكلية بتبقى نفسك تخلص وتشتغل وخلاص بس الحقيقة انك بتكون محتاج تطور من امكانياتكـ ، سواء تذاكر دورات بنفسك أو تحضرها ف مكان بره وكده، والمهندس عمره ما بيبطل مذاكرة لحد ما يطلع معاش عشان تكون عارف بالنسبة للحتة اللي انتا سألت عليها انك تكمل بعد الدبلوم ولا لأ، فانتا اللي تقدر تحددها، انا كان معايا ناس مكملين من صنايع ودلوقتي ما شاء الله مهندسين مدني وشغالين كويس، لو ده حلمك انك تكون حاجة كويسة هتعمل كل مجهود عندك عشان تحققها أما لو نفسك تخش هندسة عشان تبقى زي زمايلك أو محدش يقول عليك أنك أقل من اللي دخلوا ثانوي أو عشان يتقال لك يا بشمهندس بس فصدقني هتندم ندم عمرك كله

[@kerolossamuel832]

@@expertdevsأفادني كلامك شكرا وانشاء الله اخش هندسه

[@markgamal5138]

@@expertdevs شكرا جدا لدعمك يا بشمهندس ❤❤