Fastex-ի աջակցությամբ Երևանում կայացել է «One Run - First Run» միջազգային խոշորագույն կիսամարաթոնը

Մայիսի 19-ին Երևանում արդեն երկրորդ անգամ անցկացվել է Հերոսների լիգայի «One Run - First Run» միջազգային խոշորագույն կիսամարաթոնը։ Հայաստնայան մարաթոնի տիտղոսային հովանավորը Fastex-ն էր։ Կիսամարաթոնն իրականացվել է ՀՀ կրթության, գիտության, մշակույթի և սպորտի նախարարության աջակցությամբ։
Մրցավազքը մեկնարկել է Հանրապետության Հրապարակից՝ ներառելով քաղաքի կենտրոնական փողոցները։ Կիսամարաթոնին մասնակցել է ավելի քան 1000 մարդ։ Հիշեցնենք, որ մրցավազքին կարող էր մասնակցել 6 տարեկանից բարձր յուրաքանչյուր անձ։ Մասնակիցները պետք է հաղթահարեին մի քանի մրցատարածություններ՝ 1, 5, 10 կամ 21,1 կմ երկարությամբ։
Հատկանշական է, որ հենց նույն օրը ավելի քան 160,000 անձ միացել է «One Run» կիսամարաթոնի մեկնարկին՝ Ռուսաստանի բոլոր մարզերում, իսկ շուրջ 15 երկրից մարթոնին է միացել ավելի քան 30,000 վազորդ։
Fastex-ը, կարևորելով սոցիալական պատասխանատվության գործառույթը, շարունակելու է աջակցել Հայաստանում սպորտի զարգացմանն ուղղված նախաձեռնություններին։