Father's Day Special | Greetings | Message | by Youths of BBCA | Huda Bijab 8:5 | Bwswn Bijab

Bifani San Falinaini Sungdo Jarimin:
Gwbao bwswr Bimani San falinaini unao, June danni thamti Rubibarao (June 3rd Sunday) Bifani San falinw tik kalamnai jayw. Bifani San Falinaikou America-ni Spokane, Washington nwgwrni Mrs. Sonora Smart Dodd mungni sase bimaya jagaijenw. 1909 maitaiao jebla Mrs. Dodd a gaoswrni Girjayao Mother's Day falinaiao bahagw lahwiyw, be somao Pastor-a Bimafwrni onnaini sayao bungw, obla biyw gaoni bifani onnaikou gwswkangnw homw. Mrs. Dodd a undwi somaonw bini bimaya songsarnifrai rungsari jananwi tangw, obla bini bifaya sa do (6) bicafwrkou lananwi gwbang duku swinaijwng kangnw gwnang jadwngmwn. Gaoni bifani dukukou gwswkangnanwi Girjayao jirainai somaonw Mrs. Dodd a gaoni bifakou man baonw gwswao tik kalamnanwi layw. Bini unao Mrs. Dodd- a Spokane Ministerial Alliance ni Afadgiri-nisim kaolaihwiyw, 'Bimani San Falinai jayw' binikainw bwswrfrwmbw 'Bifani San Falinw' sanse din tik kalamnangou arw mondolifwrao Bifafwrkou man baonai arw baknainaini din falinangou.
Bini kaolainaibadi Spokane Ministerial Alliance nifrai najaonanwi June danni thamti (3) Rubibar kou Bifani San Falinai jatwngswi hwnnanwi tik kalamw. 1910 maitaini June danni 19 oktokali (Rubibar) gibi keb Bifani San falinai jayw.
Tham (3) bwswrni unao President Woodrow Wilson-a 1913 maitaiao gonaiti hwnanwi 1916 maitaini Bifani San falinai sanao Spokane ao fwinanwi lwgw lafayw. President Calvin Coolidge-abw 1924 maitaiao, Bifani San falinaikou gwkrwngwi modod kalamw.
Bini gwbao bwswrni unao, 1957 maitaiao U.S. Senator Margaret Chase Smith a Aiyen Bilai fwsaow: "Either we honor both our parents, mother and father, or let us desist from honoring either one. But to single out just one of our two parents and omit the other is the most grievous insult imaginable."
President Lyndon Johnson-a 1966 maitaiao June Danni thamti (3) Rubibarkou Bifani San falinaikou Afadgiri hisabwi (Presidential) fwsaow. Unao President Richard Nixon-a 1972 maitai ao be falinaikou jeblaibwni takai harinang didwmwi fwrbw kungnai kalamnanwi dwnnw.
Bebadinw BBCA-abw 2009 maitainifrai Bifani San falinw June danni thamti (3) Rubibarkou tik kalamnanwi lanai jayw.
Jarimin ni gudi: abcnews.go.com...
www.artofmanli...
Music: www.chosic.com