Faza e dytë e megaoperacionit “Tempulli 3”, Tonin Vocaj:Janë arrestuar 19 persona, vijon puna për...

Faza e dytë e megaoperacionit “Tempulli 3”, Vocaj: Janë arrestuar 19 persona, vijon punë për kapjen e 5 personave të tjerë. Ja çfarë është sekuestruar
Drejtori i Policisë së Tiranës, Tonin Vocaj në një komunikim për mediat për finalizimit të fazës së dytë të megaoperacionit “Tempulli 3”, ku janë lëshuar 24 arreste, bëri me dije se janë arrestuar 19 persona, ndërsa vijon puna për kapjen e pesë personave të tjerë.
Ai shtoi se gjatë operacionit është sekuestruar një sasi kanabisi, doza, para, 5 makina dhe disa telefona.
“Mbi bazën e provave të siguruara gjatë hetimit, u organizua dhe u finalizua faza e dytë e operacionit “Tempulli 3”, në kuadër të të cilit u ekzekutua masa e sigurisë “Arrest në burg”, të dhënë nga Gjykata e Shkallës së Parë e Juridiksionit të Përgjithshëm Tiranë për 19 shtetas, si dhe vijon puna për kapjen e 5 shtetasve të tjerë të cilët ndiqen me masa kërkimi” tha ndër të tjera Vocaj.
Tonin Vocaj:
Jam sot, këtu, së bashku me zëvendësdrejtorin për Hetimin e Krimeve të Rënda, zëvendësdrejtorin për Rendin dhe Sigurinë Publike, dhe shefin e Sektorit për Hetimin e Narkotikëve, për të bërë prezente fazën e dytë operacionale të megaoperacionit të koduar “Tempulli 3”, ku në funksion të 2 procedimeve penale të Prokurorisë pranë Gjykatës së Shkallës së Parë Juridiksionit të Përgjithshëm Tiranë, ndjekur për një periudhë hetimore tremujore, gjatë së cilës janë aplikuar metoda speciale të hetimit, u dokumentua me prova ligjore veprimtaria kriminale e disa shtetasve që shpërndanin lëndë narkotike kanabis, heroinë dhe kokainë, në zona të ndryshme të Tiranës, afër shkollave, si dhe në lokale nate.
www.panorama.com.al/faza-e-dyt...
#panoramatvalbania #gazetapanorama #panoramaonline #panoramaalbania
Për të ndjekur kanalin tonë në KZbin bëni subscriber në: Gazeta Panorama
Like Gazeta Panorama Online në Facebook: Gazeta Panorama Online
Follow Gazeta Panorama në Instagram: Panorama.al (@gazeta.panorama)
Follow Gazeta Panorama në Twitter: Gazeta_Panorama