Feature Awdjo Viżiv - Festa Għajnsielem 2024

Tradizzjonijiet mill-passat għall-ġejjieni.
Dan il-feature edukattiv juri r-rabta li għandu ir-raħal t’Għajnsielem mal-patruna tiegħu, il-Madonna ta’ Loreto filwaqt li ngħallmu lill-ġenerazzjonijiet futuri fuq t-tradizzjonijiet uniċi ta’ raħalna u ż-żewġ anniversarji li l-paroċċa tagħna qed tiċċelebra din is-sena. F’dan il-feature jintwera ukoll ix-xogħol ta’ diversi għaqdiet li jsir matul is-sena kollha filwaqt li nuru apprezzament ukoll tax-xogħol ta’ diversi volontiera li jinvolvu ruħhom fl-avvenimenti tal-festa.
Parti integrali ta’ dan il-feature jeduka lill-ispettaturi dwar l-anniversarji li qed tiċċelebra l-paroċċa din is-sena. Dawn huma iċ-ċentinarja - il-mitt sena anniversarju tat-twaqqif tal-ewwel ġebla tas-santwarju iddedikat lill-Madonna ta’ Loreto, kif ukoll il-ħamsa u sebgħin anniversarju tal-istatwa tal-Madonna fuq id-dar li tintuża fil-marċ tal-Ħamis tal-festa. Bħala t-tema prinċipali ta’ dan il-feature għażilna li nuru kif bit-tbatijiet u sagrifiċċji ta’ missierijietna, li bl-għaraq ta’ xbinhom bnew is-santwarju majestuż iddedikat lill-Madonjna ta’ Loreto, qiegħdin jgħaddu l-esperjenza tagħhom liż-żgħażagħ sabiex it-tradizzjonijiet u l-kultura tal-festa tagħna jiibqgħu ħajjin. B’hekk għaqqadna il-passat mal-futur tar-raħal sabiħ tagħna.
Bil-kollaborazzjoni tad-Direttorat għall-Wirt Kulturali fi ħdan il-Ministeru għal Għawdex.
#FestaGħajnsielem2024 #FestaGħajnsielem #VMTL #Unique #Għajnsielem #SDS