Рет қаралды 83,490
Pjesë të shkëputura nga ky festival me këngë, valle e rituale nga rrethe të ndryshme të vendit.
1.Përmeti - Jorgo Çulli dhe Ilia Nasi - "Në mes të oborrit tënd, mbiu një qershi".
2.Saranda - Valle treshe çame burrash nga Konispoli luajtur mbi sofër.
3.Lezha - Vallja karakteristike zadrimore me lëvizje të trupit sa para-mbrapa, "Tiriri sokol i malit".
4.Mirdita (zuri vendin e parë në këtë festival) - Mrika Trumshi e grupi i burrave - "Xhamadani i lirisë" ose kënga e Mic Sokolit.
5.Tirana - Dasma e Zall-Bastarit me kënget, vallet e veshjen më origjinale të zonave malore të Shqiperisë së Mesme.
6.Kolonja - Vallja rituale e ardhjes së pranverës "Lule manushaqja", 12 vajzat përfaqësojnë 12 muajt e vitit.
7.Tropoja - Valle çikash të zonave të ndryshme të këtij rrethi, "Hidhe, hidhe vallen moj çikë e malësise"
8.Korça - Valle gorarçe nga grupi i Zvezdës me në krye Xhemali Habillarin.
9.Përmeti - Valle dyshe fëmijësh (valle e kënduar toske).
10.Saranda - Valle çame e kënduar. Valle grash e ngjashme me Tumankuqen.
11.Kavaja - Valle e kënduar grash nga Shqipëria e Mesme.
12.Puka - Valle treshe fëmijësh dhe "Vallja e Lejlekut".
13.Gjirokastra - Valle e kënduar "Më zu fërra këmbën'o", Zagori.
14.Gjirokastra - Xhevat Avdalli e grupi i burrave - "Çu mbush fusha plot dori".
Kënga e Jano Kumit, luftëtar himarjot i kryengritjes së vitit 1843 kundër Reformave të Tanzimatit.