حفل ال شافعه 🔥| كلمات عقاب المري

حفل ال شافعه 🔥| كلمات عقاب المري | اداء ناصر الطويل

Рет қаралды 31,780

Күн бұрын

قمت اصلّح دلة العصر من وقت المقيل
واحمس وادق وافتل شطر وانقض شطر
.
لين فاحة وامتلا صبرها بنً وهيل
وماوعيت الا وقدني على سطح القمر
.
يابني عمي واناخيكم اقل القليل
والكثير انا لكم محزم ودرع وظهر
.
لادعاني موقفي زدت فوق الكيل كيل
شاعرً فصرً لسانه وينحت في صخر
.
وان بدا اللازم ما والله ادور لي بديل
حتى لو عـقـاب مشغول دندن يابدر
.
في حفلكم كيف ما رحب بـ صوتً طويل
وانتو اخوان وبني عم وحزام وظهر
.
مرحبا على ظهر حاشي وبنً وهيل
مرحبا واعداد ماهلت الغيمة مطر
.
كم قعوداً راحت امه خلوج وكم حيل
تشتكي منها المرازيق من كبر وكثْر
.
والله ان ذا الليل يسوى ثلاثين الف ليل
مرحبا والعود الازرق على صالي الجمر
.
جعله مبارك ياهادي عسى عمرك طويل
وياجعل بكرك صبيً مثل جده ظفر
.
يا اصوكً لاجا نهار القشر جاله صهيل
كل ماكبرت يبِين وياقف ويحضْر
.
فزعة اللي من صدوف الزمن مافيه حيل
لانصاه ادرك تصبح ثمانه عن عشر
.
ولد عود لو يميل الدهر ماهو يميل
ابلجً فيه الكرم والحميا والسطر
.
واشهدنه ارث فهودً ينّجون الدخيل
كل منهم لابدت حزة الواجب ظهر
.
والمحل المشرعً كل صبح وكل ليل
والعيال اترحب وكل شيً يدهر
.
ياسمي الشايب مثل نجمة سهيل
ابو ركب هادي وذكره لـ ربعه فخر
.
يوم جا حرب الوديعه فلا عود ذليل
ينطح الجمع المعادي وضربه فـ النحر
.
قايدً يقدم لاقرب الزناد من الفتيل
يرد وان جات النشايب فصر وادها وامر
.
نسل شيبانً نهار الوغى تروي السليل
لاتعزوو بالعذارى وحسكات الوبر
.
ناصر وراشد يوم انها على هجنً وخيل
انثنو يوم الخوي ينتخيهم منكسر
.
احتمو في حزةً صاح مختف الشليل
ساعةً فيها العوارف جهل وبلا فكر
.
وعزوة الرجما رجع عقبها الفارس هبيل
عقب ما لحْقوه والخيل معطيته دبّر
.
ولا نسينا العاقر وعندي اثبات ودليل
الفواد الي كله طرق واصبح منتصر
.
اوذبح عقيد قوم وخذ حصانه الاصيل
من صغر سنه وهو فارسً ظفر وعسر
.
من رجالً فالمراجل لها باعً طويل
ايه نسل الشافعه ربعنا لاجا القشر
.
وانتدانا حن ويِاهم ان بار العميل
في جمال الغبقه اللي تستل من غفر
.
للعدو سقمً ولـ اصحابنا ضلً ضليل
خير للي فيه خير وعلى الشريّن شر
.
اعقدى وشيوخ قومً نسوي المستحيل
عندنا كبار المصايب مثل لعبت سبر
.
ان رضينا يمطر الغيم و الوادي يسيل
وان زعلنا يسجد ابليس ولا ينتحر
.
قلتها وانا من الي تعدل كل ميل
من ضنا روس ال مره مخابيط الكفر
.
گلمات / عــقــاب المري