حفل زواج محمد باني سعد الدخنان أداء المنشد : مهنا العتيبي

تنبيه لآصحاب القنوات :جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق
حفل زواج محمد باني سعد الدخنان
كلمات الشاعر ثنيان الرشيدي
أداء صوت الجزيره مهنا العتيبي
تنسيق : مشاري العتيبي
تنفيذ : توجاد
هاض صدر الشاعر اللي كل ماخيل خياله
شربت بحور القصيد وربعت جرد المعاني
شاعر(ن) لاعن قافه كنه يغني لحاله
بين الارض اللي عليها الناس وسهيل اليماني
من غلا الدعوه وداعيها طراله ماطراله
من لغة فصل الخطاب ومفردة سحر البياني
أتجمل بالرفيق اللي سبقني بالجماله
جمله طيبه معي يجعله يجملني لساني
من سبق بالطيب ماتقدر جزاه ولا تناله
والجمايل بالجمايل والحساني للحساني
اقرب اصحابي سعد باني لو اعدد خصاله
الحساب اللي بصدري ببن باني ماكفاني
يشهد الله لا اصله لو ماداعني في رساله
لان حفله حفل لي واخوه اعده من خواني
وفرحت محمد فرحنا ياعسى التوفيق فاله
الله ايهنيه باافراحه وتحقيق الاماني
من عيال الشايب اللي ورث العزه عياله
كل واحد فيه نفحت مرجله من روح باني
باني الدخنان زيزوم المراجل والشكاله
الكرامه والشجاعه فيه مع قاصي وداني
وافين من روس عون معربن عمه وخاله
من خلقه الله عزيز القدر اله قدر ومكاني
واشهد ان الطيب بالعوني سلاله من سلاله
فالجديد من الزمان وبالقديم من الزماني
دون قاصر بالجميع وكل طيب دون حاله
من زمان شداد ريمه والكحيله والحصاني
والعز يز اللي مثل باني نعزه ونعناله
وان دعان بالفرح جينا وقدمنا التهاني
وعن لسانه عد وبل النو لا عسكر خياله
مرحبا باضيوف باني من بعيد ومن عواني
بين نفحت عود والهيل المهيل في دلاله
والتحايا الصادقه ومفطحات(ن) بالصياني
من لسان الشاعر اللي كل ماخيل خياله
غنت قلوب النشاما واخضرت جرد المعاني