Рет қаралды 9
نەوشیروان مستەفا: دەوڵەت بە پڕوپاگەندەی سیاسی دروست ناکرێت
نەوشیروان مستەفا ڕێکخەرى گشتى بزوتنەوەى گۆڕان ڕایگەیاند دەوڵەت بە پڕوپاگەندەى سیاسى دروست ناکرێت و بەبێ هەڕەشە و گوڕەشە دەکرا پایەکانى دەوڵەتى کوردستانى سەربەخۆ دابمەزرێنن بەڵام بۆ موزایەدەى سیاسى کارێکیان کرد ئێستا خەریکە گەلە کۆمەکێى وڵاتانى ناوچەکە دژى کورد دروست دەبێت.
نەوشیروان مستەفا لە وتەیەکدا کە لە کۆبوونەوەى ئەنجومەنى بەریتانیاى بزوتنەوەى گۆڕان پێشکەشى کرد ڕاشیگەیاند بێ ئەوەى ئیستفزازى ئێران و تورکیا و سوریا و عێراق بکەین، دەیانتوانى بەبێ دەنگى پایەکانى دەوڵەتى سەربەخۆى کوردستان دابمەزرێنن.
نەوشیروان مستەفا وتیشى بەهۆى ئەوەى دەوڵەتى سەربەخۆیان بۆ موزایەدە و بانگەشەى سیاسى بەکارهێنا نەتوانرا هەنگاوى جدى بنرێت.