របាំគោះអង្រែ

Рет қаралды 4

Күн бұрын

#ជួយថែសិល្បៈដូនតា
«របាំគោះអង្រែ» មានកំណើតមកពីមនុស្សជាន់ដើមដែលបង្កើតអារ្យធម៌អូស្ត្រូអាស៊ី
ដើមកំណើតនៃរបាំគោះអង្រែ នៅក្នុងសៀវភៅរបាំប្រជាប្រិយខ្មែរ របស់ពុទ្ធសាសនបណ្ឌិត្យ បោះពុម្ពផ្សាយឆ្នាំ១៩៦៤ អត្ថាធិប្បាយថា ឯកសាររបស់លោកគុយ ហួត នៅស្រុកសូទ្រនិគម ខេត្តសៀមរាប បានបង្ហាញថា អ្នកស្រុកនៅត្រង់ស្រុកលោកគេហៅ «របាំគោះអង្រែ» ថា «របាំកួយ ឬរាំកួយ» ដែលពាក្យថា«កួយ»នេះគឺជាឈ្មោះកុលសម្ព័ន្ធខ្មែរដើមមួយ ហើយសាសន៍កួយនេះ រស់នៅលើផែនដីស្រុកខ្មែរយើងតាំងពីមិនទាន់កសាងជាអាណាចក្រឡើងជាប្រាកដនៅឡើយទេ។
ដោយសារតែមានស្នាមដាននៅជាប់នឹងពាក្យអ្នកស្រុកយ៉ាងហ្នឹង នាំឱ្យយើងរកឃើញថារបាំនេះមានដើមកំណើតមកពីសាសន៍ជាតិតូចតាចមួយដែលហៅថា «កួយ» ហើយរបាំនេះមាននៅសេសសល់ដល់សព្វថ្ងៃ ជាប់លាប់ជាងគេតែនៅតាមភូមិភាគភ្នំដងរែក គឺជាភូមិភាគដែលមានសាសន៍កួយនេះរស់នៅតាំងពីដើមមកដូចជា៖ត្រង់ជាំក្សាន្ត សំរោងចុងកាល់ និងជើងភ្នំគូលែនសព្វថ្ងៃនេះ ។
បើយោងតាមឯកសាររបស់សមាជិកឆ្លើយឆ្លងនៃក្រុមជំនុំជាច្រើនបានឲ្យដឹងថារបាំគោះអង្រែនេះ គឺចម្លងមកពីប្រទេសហ្វីលីពីនតាំងពីជំនាន់រជ្ជកាលព្រះបាទសម្ដេចព្រះនរោត្តម (ព្រះសុវណ្ណកោដ្ឋ) ដែលព្រះអង្គទ្រង់យាងទៅក្រុងម៉ានីល ហើយពពួកបរិពារព្រះអង្គ បានរៀនចេះរបាំនេះយកមកលេងនៅប្រទេសកម្ពុជា។
-ប្រភពអត្ថបទ VAYO វាយោ
-ប្រភពវីឌីអូពីវេបសាយបារាំង INA