Рет қаралды 829
افــراح الـحــسان
اداء:طلال العارف
تصميم الأسلمي
-_-_-_-_-_-_-_-_-
الكلمات
يامرحبا ترحيبةً باهل المقام
واللي لفونا للفرح والحاظرين
من شمر وشمر مثل حد الحسام
افعالهم وقت العزاوي لك تبين
شمر ليا جاورتهم وضعك تمام
حتى لو انه ماش لا بده يزين
وجربان بالعليا لهم راس السنام
المكرمين الشامخين الصاملين
بين الكرم والمحمدي قصة غرام
فازوا بها بالبذل وف بيض اليدين
سنجاره الكبرى فعايلها عظام
كم ابلجً منهم لصيته وارثين
زوبع وزوبع لا طنو مابه نظام
روّح معاديهم من الضربه حزين
وعبده بعد حيي ليا اشتد الزحام
الحين والا من قديمات السنين
من ضدهم عيّت عيونه لا تنام
جنايزٍ هـداتهم صيده ثمين
والاسلم اللحيسا مايوفيهم كلام
بالسلم والا بالحرايب شامخين
للعز ياربعـي علـى روس الكرام
اهل الصخا واهل الوفا والمكرمين
مبروك يامحمد عسى الفرحه دوام
وعسى انت وايام الهنا متلازمين
ومبـروك يافارس ونرقا للغمام
بعرسك ترا نشوف البغيض بنص عين
ومبروك يابو سعود يالليث الهمام
يامشعل الحاكم سليل الغانمين