أفــراح الـعــطوني-اداء طـلال الـعارف

أفراح العطوني
اداء-طلال العارف
تصميم-الأسلمي
الكلمات
لي ثلاث ايام افكر بـ شيخات القصيد
ولا افكر بالهزيلة ولا اعطيها انتباه
شاعرً واغرف بحر مرهي وموجه شديد
والوكاد اغلب بيوتي تردده الدهاه
تصطفق فالراس شيلة مخايلها رعيد
كل منشد لاسمعها تمناااااها مناه
من لحنها الفارق وحس منشدها الفريد
ومن جمال ابياتها واسم شاعرها عُلاه
في حفل من ذكرهم يرفع بـ قدر القصيد
قام حظ المدح والشعر قايم مستواه
وذا عمر مقدام عند القهاوي مايحيد
يوم ولد اللاش ضيِع هقاوي من نصاه
من جهل فزعة عمر ما اظنّه مستفيد
جاهلاً ماظنتي عقله الصاحي معاه
لا طريته يطري العود مزبان الطريد
رجلٍ بوضح النقا ما عليه اي اشتباه
ناصر ان حان الوعد جاك بالفعل المجيد
لا تحزم فالشدايد تبا تندى الجباه
حاتميً مايفكر يخسر من الرصيد
مايفكر غير يقضي حوايج من نخاه
دون ربعه كن يمناه سيف ابن الوليد
لا نوى فيه العدو راح مرواح القطاه
ترثة اهل الطيب والعز والفعل الحميد
مالهم في سوق رديان خلق الله اتجاه
العطوني تزهمه وداخلك همً مكيد
ما تروح الا وهمك من عروقه جلاه
من سلايل لابةً خصمها روُح فقيد
لو يفزّع بمحلفهم وربعه من وراه
الضياغم قوم سادت على المجد التليد
من عصور مضارب السيف لي عصر الرفاه

[@user-si4tu1ww7n]

والف نعم وعاش صوت شمر