افراح الجباري | حفل تركي مشعل نايف الشمري | كلمات ناصر محمد الجباري | اداء العيباني و البرازي

بسْم جدي العود ارحّب بالقريب و بالبعيد
والتراحيب مخلوطه بريح طيب و شاذليه
مرحبا بحفل الجباري جرها الليله نشيد
وعرضةٍ تطرب لها قلوب الرجال الشرعبيه
ياولد عمي تحزّم بي وتبشر بالقصيد
مدح ابن عم السعد حقٍ وواجب له عليه
وليتني في محفلك وتشوف لي وقفة عضيد
بس جيتك بالجزيل اللي يسد ميقاف ميه
كيف مقصد باللي عن درب المراجل مايحيد
وفي مثل شرواك يا تركي تفيض الشاعريه
تركي مشعل نايف عوين المدايح به تزيد
الجباري الف نعم بمدحه احسبها شويه
ياولد عمي وعمي ذكره ايذيب الحديد
حامبك فوق الثريا جنبك درب الرديه
ابوتركي مشعل النشمي عسى عمره مديد
ومايوفيه القصيد وبالعرب مافيه زيه
ولك خوالٍ جامعين الطيب والصيت الحميد
اهمزان العز جابتهم عليك الاسلميه
وانت ياتركي غلاتك ساكنه دم الوريد
ومعك تجمعنا سلوم اهل اليدين الاجوديه
في بن عوين الجباري نايف القرم العقيد
عود قومٍ شب نار المرجله حيه وحيه
حي راعي الغافلات ورايه الفذ السديد
بالمجالس او نهار الكون من فوق العبيه
يابني عمي حزامي مجدكم ماهو جديد
ولاذكرت امجادكم راسي تعبا بالحميه
يالجبارات المطاعيم اهل الفعل الفريد
ياسلايل طي ياصلب العروق الحاتميه
والله يالعدوات ربي خصّكم دون العبيد
وعزّكم من دور حاتم من قبل بعثة نبيه
لابتي نسل الكريم ومايمدون الزهيد
نسل ابن حاتم عدي حاتم كريم الجاهليه
انشد التاريخ عنا تاجد العلم الاكيد
بالجبل سدنا وتشهد مجدنا نجد العذيه
روس قومٍ كاسبين العز و المجد التليد
من هل اللحيسا زحازيح البيوت الشمريه
شمر اللي قادها يوم الصريف ابن الرشيد
يوم طيحنا بيارق من نوانا بشر نيه
ولطنايا عادةٍ من قبلها دايم تسيد
حاكمه شبه الجزيره للحدود الحضرميه
ليصلك جديد الشيلات اشترك بالقناة
--------------------------------------
استوديو جولدن ميديا
قناه مختصه بنشر الشيلات
رابط الاشتراك بالقناة
قناة جولدن ميديا الرسمية
bit.ly/2WiaWea
حساب سناب شات
/ goldenme. .
--------------------------------------
لطلبات تسجيل الشيلات وحجز الاستوديو
whatsapp | واتس آب ►
0096594032322
--------------------------------------

[@Shmar861]

الله يجعلنا على عز ومعزه يابني عمي

[@ii.nu9]

شمّر الي قادها يوم الصريف ابن رشيد يوم طيحنا بيارق من نوانا بشر نيه 🔥👏🏼.

[@alyoyo1000]

ونعم بالجبارات 🇸🇦🇸🇦 ومبروك

[@Aljbarial]

الله يطول بعمر اللي فعـولهم كباااار 🤍🤍🤍🤍🤍🤍🤍

[@muhammadalshatiy3737]

الغ مبارك راعي الغافله الجباري دامت الأفراح ابناء العم الجبارات

[@aldfiril7268]

2:43 🔥

[@user-fi5je9wl8g]

ألف مبروك

[@user-dk5ql9uz3b]

صح لسانك يابو محمد

[@9oo0]

الف مبروووووووك يالاستاذ الطييب ❤

[@alshammarygx1858]

صح الله لسانه جزل

[@user-fx5xw3ji2i]

عسى ربي يوفقك يالزميل ونعم 🤍🤍

[@user-gr5iq9hp1r]

وكفو من المطاعيم الجباريين

[@user-iv4pl5om2v]

صح لسانك ابو محمد