فرحان قيران العنزي _ البارح أمشي وصدري تنزف طعونه

حياكم‎
سناب
‏@al.2omy‎
انستقرام
‏@al.2omy‎
تيلجرام
‏t.me/al_2omy
..
ابيات القصيده👇
..
البارح أمشي وصدري تنزف طعونه
‏وهموم ماتنشكي حتى أني اشكيها
‏خوف ابوغليون يقدح راس غليونه
‏مثلي همومه يموت وهو يداريها
‏زحمه ولجه وطاري عيد يطرونه
‏أسمع كذا وإلا أنا الأعياد ناسيها
‏بنات مثل الظبى ووجيه مزيونه
‏أقمار كان الزمن عنا مغطيها
واللي بهآ الروح مرتبطه ومقرونه
‏اشتقت لعيونها واوشكت اناديها
‏من عقبها كل قصة حب مركونه
‏زهدت بالكون والدنيا ومافيها
‏جاء صوتها والمتيم باح مكنونه
‏لبيه من راسها الشامخ لرجليها
‏الصوت أعرفه وروحي فيه مفتونه
‏الغاليه ماتعدت صدر مغليها
صديت قالت حبيبي قلت ياعيونه
‏لبيه ياحاظر أيامي وماضيها
‏لي تنهب القاع مشتاقه ومجنونه
‏ولصغير عيالها تقصر خطاويها
‏قوامها الخيزراني ماختلف لونه
‏يسقى ثرى قاع تاطاها مواطيها
‏وسلطة هدب سودها المهلك وفرعونه
‏ياسلهمت قلت عطوا القوس باريها
والردف ياحركه خطوات موزونه
‏ودك تاخر شوي ولا تباريها
‏والعنق لازال وصفه نفس مضمونه
‏القايده كانها تلت جوازيها
‏وولي رماها بعد ماخابت ظنونه
‏به عاودت عقب ماسلمت لراميها
‏وقفت معها دقايق شوق مشحونه
‏ولاتكلمت كلمه قصدي اغريها
تسولف لقلبي غلا وتهدي شجونه
‏ويكفيني أسمع سواافها واراعيها
‏غابت سنين وقضتهن تقل مسجونه
‏وردت تعيد ب عرعر عند اهاليها
‏ردت ومعها وليد وبنت شيطونه
‏ياربي احفظ لغاليتي غواليها
‏ذي ناي شعري وقيثاره وقانونه
‏ ومايسترو فرقة دماغي واغانيها
حره اصليه شريفة عرض مصيونه
‏حسبي على اللي ذنحني من حرمنيها
‏ودعتها من جديد الشعر ب أيقونه
‏وهي ودعتني قبل تمشي عباريها
‏ملعون أبو الدمع والضيقات ملعونه
‏وملعون ابو حظ ها الخرساء يبكيها
تطري عليه طواري ناس مسكونه
‏وفكره غريبه مسبك من يسويها
‏اروح لعيالها والعمر ياهونه
‏أطلب ولدها طلب والبنت احاكيها
‏حب امكم قبلكم قدمت عربونه
‏ بموت محتاجها أكثركم عطونيها !

[@user-tk8ub4yz6h]

شاعر ومبدع بكل معنى الكلمة

[@user-lk2xw1px5j]

ياااالله عفوك

[@saudicreativo2921]

ذي ناي شعري وقيتاره وقانونه ومايسترو فرقة دماغي واغانيها .. هذا صورة كاملة .. ياساتر الشاعر ماشاء الله عليه تصوير في الابيات مجنونه . ابدعت 🌹

[@user-bp3pl9wy2k]

يا عزاه القصيده من صميمه طالعه 🤎،

[@kwt472]

من اروع القصايد اللي سمعتها🖤.

[@user-hq7qx6jz9m]

الله يعلن امممممم الحب يا الـلـــــــــــــــــه يا الـلــــــــــــــــه وش هالوصف يا بن قيران قسم بالله شي يفوق الخيال تقول بشعرك الشي اللي عجزن تصيغه الألسن بالقصيد الله يعطيك الصحة والعافية رايح لعيالها متساوية عندك موتك والحياة الله يلعن أمممممم الحب أحيان أقول حسبي الله على اللي حرمك لأنك عشت الألم وأحيان أقول لو ماحرمك ماسمعنا مثل هالنوادر تحياتي لك..

[@zaidcharaf2872]

أدميت جرحي الذي لم ولن يندمل

[@user-xd9pn5ue4b]

يالطيييف يالكلمات😢😢😢💔

[@user-hv9xx4de1t]

يالطيييييف يابو فيصل .. مبدع هالشاعر وكرهه للاعلام حرمنا من إبداعاته .. الله يطول عمرك

[@user-ln1fd9be5t]

يالطييييف وش هالابداع وصح لسانك يبن قيران ابداااااااع محييييييييط وربي محييييييط

[@kazemsy1541]

يشهد الله دمع عيوني🥺

[@SN__7]

من احزن القصايد الي سمعتهااا 💔💔

[@user-mg6ki6xw6b]

الله يعوضك خير

[@malenzi2012]

ليت الزمن يصفي لك يبوفيصل

[@mohadbgioy3504]

ياعل الله يطول بعمرك يابو قيران مبدع من يومهه اشكرك على التصميم

[@user-vy1gg5ii3l]

هذا الشعر ولا بلاش

[@user-gs2fp4tb2w]

صح لسانك ياذيبان ♥️. ًً

[@hilalsayed6833]

مبدع كل عاده حبيبي

[@Al_3nzi_]

عززززاهـ يفرحان 🙁

[@user-yz2yt7cm4b]

والله ساااعر عالمي

[@y.7729]

عزاه 😔 صح لسانك

[@MrA2666]

هذا من صوت مساعد الرشيدي يختار الابيات بدقه ويعرفها عز الله انه شاعر للي يعرف الشعر

[@Bu-khalid]

فيه له مرثية ل مساعد الرشيدي الله يرحمه

[@user-pt8yw1lq9q]

لله دُرك

[@khaled0760]

الله أكبر عليك

[@user-uh4rx7mr3r]

شاعر مصيبه(لم ينل حقه )

[@user-gs2fp4tb2w]

صح لسانك

[@user-ul5ie9sh6k]

ذؤؤق تم عندك 😊

[@GjjvCghhddhhcz-ju2qc]

1:55 بنت شيطونه

[@user-cw1vp1wv9c]

استمر يا حياتي

[@hilalsayed6833]

انا احب تصاميمك ممكن تصمم لي قصيده من فضلك

[@ALENEZI_]

من عقبك كل اقلام الشعر جف حبره👍

[@SALMANAli-wr9zd]

شاعر جزل

[@nonaahmed2701]

روووعاتك

[@user-lx2kn1ms1x]

والله اعلم ان المعنى والمقصود هي القصيده وعودته للكتابه الشعر بعد توقفه صحح الساانك يابن قيراان

[@gagkee1232]

قال لي رسول الله صلى الله عليه وسلم: ((يا شداد بن أوس، إذا كنَز الناسُ الذهبَ والفضة، فاكنِز هؤلاء الكلماتِ: اللهم إني أسألك الثباتَ في الأمر والعزيمة على الرُّشد، وأسألك شُكْر نعمتك، وحُسْن عبادتك، وأسألك لسانًا صادقًا، وقلبًا سليمًا، وأسألك من خير ما تَعلَم، وأعوذ بك من شرِّ ما تعلم، وأستغفرك لما تعلم، إنك أنت علام الغيوب))؛ الحديث صحَّحه الألباني في السلسلة الصحيحة رقم ......

[@user-et4og9jh3w]

(اقدم اعتذاري الشديد لك انت بالذات) (اخوي الكبير المستشار فهد بن سعد) (اخوك المستشار متعب المواطن الفقير اليتيم) يعلم الله قصدي شريف والله يحفظك ويحفظها من كل شر يارب العالمين) عندي طلب بسيط عادي اشتغل عندكم (خادم لكم على كل خير يا رب ) اسف ي سعد وانا ادري كلمة اسف ماتطيب جروحك تراني خبل وصغير سن اسف عسى الله يرزقك الأمن والأمان والاستقرار ويدخلك جناته اذا سامحوني وأما اليتيم فلا تقهر

[@user-vu8cb6xi2c]

يقصـد امه الله يرحمها

[@user-le2yv5zb2z]

امه على قيد الحياه مهي متوفيه

[@user-vm1qx3tc3d]

ملعون ابو الدمع والضيقات ملعونه و ملعون ابو حظ ها الخرسا يبكيها تطري عليه طواري ناس مسكونه وفكره غريبه مسبك من يسويها والله يافرحان ماتروح الا على الطيب الله يرحمنا ويرحمك

[@user-io4lz6kr9v]

@@user-le2yv5zb2z لو ماهي امه ماقل فدا رجليها

[@user-pb8jd7kw6c]

المعنى واضح ......المعنى على معشوقته قابلها صدفه وتحركت وتقلبت اشجانه.....حظه ماهي من نصيبه من نصيب غيره

[@user-yk6pz3lr4d]

@@user-io4lz6kr9v والردف لا حركه خطوات موزونه ودك تأخر شوي ولا تباريها هذا بيت ينقال للام؟ ، واضح يقصد محبوبه

[@user-mg6ki6xw6b]

معها بنيه شيطونه 😂💔

[@user-pb8jd7kw6c]

بناخذه ذا الشاعر المبدع عندنا بمكه شاعر جزل بكل ماتعني الكلمه

[@user-mg6ki6xw6b]

الحين الوحد مصفي راسه مايبي حب ولأ ينحب بس فكونا منكم 😅

[@alanzi490]

انشههد😂💔.

[@user-io4lz6kr9v]

القصيده ترا مو عن حب حبيب عن الام ي قدعه 🌚

[@user-so7os9kj6z]

عندي مقطع مصمم وجاهز تننزله عندك

[@gagkee1232]

قال لي رسول الله صلى الله عليه وسلم: ((يا شداد بن أوس، إذا كنَز الناسُ الذهبَ والفضة، فاكنِز هؤلاء الكلماتِ: اللهم إني أسألك الثباتَ في الأمر والعزيمة على الرُّشد، وأسألك شُكْر نعمتك، وحُسْن عبادتك، وأسألك لسانًا صادقًا، وقلبًا سليمًا، وأسألك من خير ما تَعلَم، وأعوذ بك من شرِّ ما تعلم، وأستغفرك لما تعلم، إنك أنت علام الغيوب))؛ الحديث صحَّحه الألباني في السلسلة الصحيحة رقم ......

[@gagkee1232]

قال لي رسول الله صلى الله عليه وسلم: ((يا شداد بن أوس، إذا كنَز الناسُ الذهبَ والفضة، فاكنِز هؤلاء الكلماتِ: اللهم إني أسألك الثباتَ في الأمر والعزيمة على الرُّشد، وأسألك شُكْر نعمتك، وحُسْن عبادتك، وأسألك لسانًا صادقًا، وقلبًا سليمًا، وأسألك من خير ما تَعلَم، وأعوذ بك من شرِّ ما تعلم، وأستغفرك لما تعلم، إنك أنت علام الغيوب))؛ الحديث صحَّحه الألباني في السلسلة الصحيحة رقم ......

[@user-bz3lm4uf2y]

هذا الشعر والا بلاش وجع راس