Fransiyada temiryo'l qatnovi to'xtab qoldi

Fransiyada 26-iyul tongida temiryo'l liniyalariga o't qo'yildi. Ayni damda Parijga qatnaydigan tezyurar poyezdlarning uchta muhim liniyasi ishdan chiqqan.
Parij Olimpiya o'yinlarining ochilish marosimiga yo'l olgan bir milliondan ziyod yo'lovchi, xususan, sportchilar ham tadbirga kechikmoqda. Aksariyat odamlar Parijga yetib olish uchun alternativ yo'llardan foydalanmoqda.
Fransiya rasmiylari qasddan amalga oshirilgan hujum bo'yicha tergov ishi ochilganini bildirgan. Qatnovlardagi uzilishlar 29-iyulga qadar davom etishi kutilmoqda.