Рет қаралды 2,216
اغنية الحدود غناء فرقة الاصدقاء وكلمات الشاعر الكبير عمر بطيشه والحان الموسيقار المُبدع عمار الشريعي.
وفرقة الاصدقاء هي فرقة غنائية مصرية أسسها الموسيقار عمار الشريعي عام 1980 وأعضائها هم : حنان ومنى عبد الغني وعلاء عبد الخالق. و من أشهر أغانيهم أغنية الحدود وقد انفصل كل اعضائها بعد فتره من انتاج اغاني رائعه معآ واصبح كل عضو منهم يغني منفردآ.
وقد عرف المصريون لعصور طويلة بتعلقهم الشديد بالوطن، وخوفهم المفرط من الغربة، وسجل التاريخ إرتكاز المصريين فى وادى النيل لعقود طويلة لم يبرحوه.
ولأسباب عديدة بدأ المصريين يتخلون عن هذا الخوف تدريجياً فبدا الهجرة والسفر حلم نحو حياة أفضل.
وبدأت الأسراب المصرية تهاجر منذ السبعينيات صوب الخليج وبعض دول أوروبا وحتى الآن!
فى هذه الأغنية الصادرة فى الثمانينات فى ألبوم لفرفة الأصدقاء يسجل الشاعر عمر بطيشه لحظات إقلاع طائرة السفر وفراق البلد التى تركت داخل ثنايا عقول ابنائها ذكريات لن يمحوها حلم السفر.
واحنا فايتين ع الحدود
مستمرين في الصعوود
اختفى النيل الجميل من تحتنا
و المدن و الريف و أول عمرنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا
باصة مالشباك على البحر البعيد
واحنا رايحين بالأمل عالم جديد
كنت فاكرة يا مصر اني تعبت منك
و إكتشفت إني محال أستغنى عنك
حتى دوشة صوت جيراني
و الزحام وحشوني تاني
بسمة حلوة لطفلةلسة صغيرة
لما كنت أديها حتة سكرة
قبل مانفوتك وحشتينا
يا مصر يا أمنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا
كنت بتذكر و أنا في غاية الأسى
لعبي للكورة في حوش المدرسة
و الشقاوة واحنا لسة صغيرين
و البراءة و الصحاب الطيبين
لما سألتني اللي جنبي
إنت مصري ؟؟...دق قلبي
إسم زي السحر رفرف عالمكان
زي نسمة مهفهفة بصوت الآذان
أيوة مصريين لآخر
كل نقطة في دمنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا
الوجوه من ثلج و عيون من قزاز
شوقي زاد للعشرة و الناس العزاز
و إبتديت أكتب و أنا فوق السحاب
إبتديت يا حبيبي في أول جواب
مصر إنتي حتة مني
مش مجرد إسم وطني
قالوا فاضل نص ساعة عالوصول
قلت ايه معنى الساعات و الا الفصول
إلا في الأرض اللي فيها
ذكرياتنا و حبنا
و ابتدى شيء ينجرح جوه الوجود
و ابتدينا أسئلة ملهاش ردود
ميلنا عالشباك نخبي
دمعة فرت مننا
صفحتنا على الفيسبوك:
/ tarabecom