Рет қаралды 33,403
عفواً إمامي
• أداء
أمير آتش
حمزة ملا علي
• كلمات الشاعر
علي البحراني
• التوزيع والهندسة الصوتية
سيد محمد الكاظمي
• تصوير
أيمن الوائلي
• تنفيذ
RED Frame
• اخراج
أيمن الوائلي
• الرعاية الإعلامية
شبكة صوتيات ومرئيات الشيعة
• 2021 - 1443هـ
• الكلمات :
طال اشتياقي والطريق ابعيني مرسوم
خطواتي من يوم الحبي جامعها لليوم
عفوا إمامي، شالسبب هالعام محروم!
---
-عمري .. يجري
-وحلم ازيارتك بعيوني واگف
أفرح .. وأحزن
لو شفت المواكب والمضايف
ويني .. عنّك
مو راضي عَلَيْ يحسين خايف
أعيش امصابك .. وحگّ اصوابك
أحن لَعتابك .. واترابك .. اهوا السَكِينه
همومي لْهمّك .. دمومي لْدمّك
إخذني يمّك .. يالإسمك .. أوسع سفينه
زحمه المشاعر من كثرها فاضت العين
بس شمة اترابك ترتّب عمري يحسين
مشتاگ أزورك، سيدي تدريني مهموم
---
-خوفي .. الفرگه
-مثلات الحزن تصبح وراثه
تعرف .. حالي
والحل الوحيد أطلب غياثه
انت .. وآنا
ويوم الأربعين احنه الثلاثه
عليك الزهرا .. أحس بالحسره
فقط هالمرّه .. بس نظره .. يبن الغيارى
حنانك بيّه .. يبو الحنيّه
عقدت النيّه .. واعليّه .. نذر الزياره
نذرٍ عليْ لو سجّلتني اليوم مشاي
باسم الرضيع ابنك أوزّع سيّدي ماي
أذكر مصابه، بالسهم عطشان مفطوم
---
-حزنك .. روحي
-وابكل عشره أخدم بالمنابر
أكتب .. عنّك
خاطر سيّدي تكتبني زاير
ازْيارة .. گبرك
عندي واللطم أغلى الشعائر
العفو من عندك .. تراني عبدك
عذابي ابفگدك .. يالبُعدك .. سبّب ذبولي
أسولف عنّك .. غرامي ابحزنك
أهيم ابصحنك .. بعْد إذنك .. تسمح دخولي
أوصل مثل جابر إلك وأستشعر إحساس
هذا رجوع الثاكلات ورجعة الراس
ما أنسى حزنك، للأبد حاشى يمظلوم