فوائد الحلق الزفر نجارة الباب والشباك في بند المحارة

تشطيب شقة الخطوة 6
نجارة الحلوق :
البند ده سهل و بسيط و ممكن التعاقد عليه مع النجار لوحده انه يجي يعمل حلوق و بس و ممكن تتعاقد علي الابواب علي بعضها
هنتكلم في البند ده علي انواع الأخشاب اللي ممكن يتعمل منها حلوق و طرق عمل الحلوق
١- الحلق الزفر : ده حلق مش متفرز ( يعني مفيهوش الحتة اللي الباب بيبات فيها و الحلق ده بيتعمل لكل الشبابيك اللي هتركب الوميتال و سعات بيتعمل للأبواب و ده بيكون خشب موسكي في اغلب الاحوال
اهم حاجة لما تعمله للابواب و الشبابيك تكون عمل حسابه من الاول في العرض بتاعك تكون مزوّد ٥ سم
الحلق ده بيكون (٢.٥ * ١٥) و بيركب في الحيطة بكانة (حديدة بتثبت في الطوب بإسمنتو في الحلق ) و الهدف من الحلق ده انه يوزن الفتحة بتاعت الباب او الشباك علشان مقاساتها تكون مظبوطة و بيتعمل. موزون مع البؤج اللي عملها مبيض المحارة
الحلق ده بعديه بتشتري باب كامل بحلقه و بيركب بخوابير و فوم علي الحلق الزفر
ميزة الحلق ده انك لما بتيجي تركب الباب الحلق مبيكونش اتبهدل من المحارة و الدهان في الخطوات اللي بعد كده
٢- الحلوق المفرزة : و ديه بتوفر الحلق التاني لما بتيجي تشتري باب بتشتري الضلفة بس و ده بيركب زي الحلق الزفر بكانة برده في معظم الاوقات الحلق ده لما بنركبه بندهن الباب لاكيه علشان نداري اي اثار حصلت من طرطشة اسمنت او دهان و ممكن النجار يصنفر و يشتغل استر بس هتحتاج استرجي نضيف
3- تاميم فتحات الباب بدون حلق : و ده بيخلينا مندخلش نجار اصلا في المرحلة دي و سعتها بنخلي مبيض المحارة يامم الفتحات و هنتكلم علي ده بالتفصيل في بوست المحارة
***احنا بنفضل اخر نوع لان النوع الاول مكلف بسبب تركيب حلقين و النوع التاني احنا بحاول نتلاشي عيوبه اللي هيا
ـ تلف الحلوق بسبب اللياسه والبلاط
بسبب العمال والحركه والقدد والمسطرين
المستخدم في اللياسه والبلاط وكذلك
رش المياه لمعالجة اللياسه
2ـ وجود فراغ بين الحلق واللياسه تكون
جو ممتاز للحشرات
3ـ لايمكن تبديل الباب اذا احتجنا تبديله
بعد سنوات لانه مثبت بالاسمنت ويسبب
خلل في الجدران ( سبب التبديل ربما كسر
في الحلق او تلف او تأثره من النمل الأبيض)
4ـ ملامسة الحلق للارض تحت البلاط ليكون
دعوه ووليمه ممتازه للنمل الابيض (الارضه)
علشان كده احنا بنفضل النوع الثالث و ان الباب بيجي بعد التاميم بالمحارة و يتم تثبيته بخوابير و هتتلقط بعد كده و مش هتبان و التثبيت بيكون عن طريق 4 خوابير في كل جنب و 2 بالراس و بعده بالفوم بين الفواصل
ـــــــــــــــــــــــــــــــــــــــــ
طيب انا لو ركبت الحلق استلمه ازاي ؟؟؟؟
اقولك انا بقا ده اهم حاجة فيه الوزنات بتاعته اوزنه افقي و اوزنه مع البؤج و اتاكد انه مخدم معاها مظبوط و اقيس الفتحة مرة من فوق و مرة من تحت و مرة من النصف و اتاكد ان كل المقاسات مظبوطة تماما
ــــــــــــــــــــــــــــ
كده احنا خلصنا المرحلة دي كمان و جاهزين للمرحلة اللي بعدها تابعونا هتعرفو اكتر و تابعو عروض الصفحة و عندنا عرض حاليا لو اتعقدت معانا فالتصميم و المعاينة و الرسومات مجانا
تابعو الصفحة لمعرفة معلومات اكتر عن كل بند و ازاي تتعامل فيه لو حابب تعرف هنتكلم في ايه اقرا البوست ده
www.facebook.c...
تابع البوستات اللي قبل ده
1- مرحلة التجهيز
www.facebook.c...
2-مرحلة المباني
www.facebook.c...
3- مرحلة تاسيس السباكة
www.facebook.c...
4-مرحلة الطرطشة و البؤج و الاوتار
www.facebook.c...
5 - تكملة البؤج و السلك الشبك
www.facebook.c...
6-اعمال الكهرباء
www.facebook.c...
شاركنا برائيك نضيف معلومات لبعض و لو عندك اي استفسار اسالنا هنجاوبك عليه
اعمل شير و تاج للناس علشان تستفيد من الموضوعات اللي بنقدمها

[@yking9926]

شكرا جدا لحضرتك

[@architect.salama]

العفو يا فندم

[@user-ql1nr5oj8l]

وبتعمل افيهات كمان

[@user-zr7sp9pu4i]

انا نجار ومركب شقتى كدة حلق زفر وبعد كدة باب كامل

[@rararara2541]

طيب كده مش لو وصل للحلق رطوبه أو مياه هيبوظ والخشب بيتمدد ولو حصل مشكله بعد كده وعايزه اغير الباب بالحلق الحلق كده هيبقي مدفون وهضطر اكسر في سيراميك الارض طب ليه مركبش الباب بالحلق بتاعه بعد التشطيب ويكون فوق السيراميك مش مدفون فيه

[@architect.salama]

للتوضيح الحلق الزفر بيتعمل من جهة الحائط ومن المكان المدفون ببوتاميين وهو منفصل عن حلق الباب ممكن تستغني عن الحلق الزفر لكنه بيدي متانة لتثبيت حلق الباب لأنه بيركب بكانات وبيدي دقة في تركيب الحلق الأخير أكتر اللي بيكون خارج البلاط زي ما ذكرتي حضرتك

[@architect.salama]

#we_love_mohammad_ﷺ_challenge

[@user-ql1nr5oj8l]

انت كدة ماشي في الشارع الصح

[@fatemamaro1840]

واذا كنت هركب الوميتال او بى فى سى لازم الحلوق دى ؟

[@architect.salama]

يفضل بس مش لازم لا الا لو مش واثقة في مبيض المحارة يطلعلك الأبعاد مظبوطة

[@user-ql1nr5oj8l]

متر السويدي بقي 7500

[@architect.salama]

حاليا ي ١٢٠٠٠

[@daliaabdallh2136]

ممكن الحلق السويدي يكون بكام

[@architect.salama]

بالتركيب ولا خشب بس ؟ الحلق الزفر ولا حلق الباب العادي ؟

[@user-ql1nr5oj8l]

ملكش دعوة بالخرسانات

[@a5tra3264]

هو انت بتركب الحلق قبل المحاره ؟!! وانت كده الحلق هو اللي هيقدك في المحاره

[@user-mz5ch7fe9b]

هل تركيب الحلوق قبل الياسه ام بعد

[@architect.salama]

قبل اللياسة للحلوق الزفرة وبعد اللياسة لو الحلوق النهائية .

[@AshrafMohamed-tp4ux]

عندى سؤالين من فضلك .. نوع خشب الحلوق الشائع ايه ... و لو هجيب ابواب مصفحة للغرف هتحتاج اركب لها حلوق

[@architect.salama]

خشب موسكي للغرف وخشب زان لباب الشقة

[@architect.salama]

منصحش ببان مصفحة للغرف مكلفة والفيديو بتاعها مش بيتحمل انصحك بالخشب الموسكي هيتكلف عليك الباب الواحد ٢٥٠٠ جنيه بالتشطيب لحد ٣٠٠٠ ج حسب الشغل اللي فيه

[@omadel5776]

هو المفروض السيراميك الأول ولا تركيب الحلوق

[@architect.salama]

لو حلق زفر يبقي هو الأول لو حلق الباب مباشر يفضل تركيبه قبل السيراميك بس لازم يتعدل من تحت بعزل بوتامين عشان الرطوبة لحد مستوي البلاط

[@ahmedsolo1604]

ممكن رقم حضرتك عندى مشكلة فى التأسيس

[@architect.salama]

٠١٢٨٠٥٩١١٢٠دا

[@user-ql1nr5oj8l]

خليك في الشطيبات