في هذه الاعطال يمكن تصليح اوتوماتيك موتور المياه كالبيدا / ضبط حساس المضخة بدلا من التغيير

كيف تصلح اوتوماتيك موتور مياه لا يفصل / بيعلق وتكشف اعطال الاتوماتيك واسبابها وضبط صواميل منظم ضغط المضخة ومتى لا ينفع ويجب تغيير اوتوماتيك مضخة الماء لا يتوقف عن العمل ؟ وافضل انواع اتوماتيك الموتور أو حساس موتور المياه 2021 الايطالي .
رابط الفيديو السابق اخطاء فك وتركيب اوتوماتيك الموتور : • احذر هذه الأخطاء عند ف...
رابط اتوماتيك الموتور بيعلق وسرعة كشف العطل واصلاحه: • اتوماتيك الموتور بيعلق...
رابط موتور المياه يفصل ويشتغل بسرعة : • فكرة اوتوماتيك موتور ا...
رابط لغز الاتوماتيك سليم والموتور شغال ساعات لا يفصل : • هل يشتعل الموتور لو ضخ...
تابع الفيديو السهل الممتنع في طريقة ضبط حساس موتور المياه وصيانة واصلاح اتوماتيك مضخة المياه وكيفية #تصليح_اوتوماتيك_موتور_مياه_كالبيدا_واعادته_للعمل #تصليح_اوتوماتيك_موتور_المياه أو #ضبط_اوتوماتيك_موتور_المياه
يعرض هذا الفيديو على قناة الحاسة الهندسية - طريقة كشف اعطال اتوماتيك موتور المياة واسبابها وحلولها
وشكرا على مشاهدة الفيديو على قناة الحاسة الهندسية , تشجيعكم يساعدنا على تقديم محتوى أفضل وكل احترامي وتقديري لمتابعتكم وآرائكم . فضلاً إذا كان الفيديو مفيدا لك في شيء فلا تبخل علينا بضغط زر الإعجاب .. شير لمن تعتقد أنه سيستفيد, تفاعل, مرحبا بالتفاعل الإيجابي ولا تنسى الاشتراك . مع تمنياتي أن تعم الفائدة على الجميع
للتواصل أو لأي استفسار أو استشارة بدون مقابل:
تابعوني على انستجرام : / eng_ta_mer
حسابي على فيس بوك : / tamer.elseyoury
مهندس تامر عوض
فيديوهات أخرى قد تنال إعجابك :
اخطاء فك وتركيب اتوماتيك موتور الماء : • احذر هذه الأخطاء عند ف...
فيديو تصميم شبكة ري بالتنقيط للحديقة : • صمم بنفسك شبكة ري بالت...
فيديو ارخص شبكة ري بالرش للنجيلة : • كيف تركب شبكة ري بالرش...
فيديو كل شيء عن اقوى لاصق سيليكون : • كل شيء عن السيليكون ال...
فيديو صيانة سخان مياه غاز اوليمبيك : • فك وتركيب سخان الغاز ا...
فيديو سبب مهم لانتفاخ بلاط الارضيات : • سبب مهم لانتفاخ سيرامي...

[@hanyragheb3921]

جزاك الله خير استفدت كتير من الفيديو ربنا يجعله فى ميزان حسناتك بأذن الله

[@Tamer_3awad]

شكراً لذوق حضرتك ربنا يوفقك ويبارك فيك ويا رب أكون دائما عند حسن ظنكم

[@inasmahfouz1011]

حضرتك مشكور جدا على الشرح عندي الاتوماتيك بيكون شغال وكويس لكن بعد شويه بيفصل وميشتغلشي يادوب اخبط عليه بضهر المفك يشتغل ياترى هو بيعلق من ايه؟؟؟

[@Tamer_3awad]

عفوا .. الاتوماتيك ممكن بيعلق ويفصل عشان مسامير التوصيل الأربعة عايزة إعادة ربط بإحكام باستخدام مفك تست معزول , وده بيحصل بسبب الانكماش والتمدد واختلاف الحرارة بين الفصول . ويفضل فصل الكهرباء من المفتاح أولاً أو الاستعانة بفني بس يا ريت ما يلعبش في ظبط الصواميل , وتحت أمر حضرتك في أي استفسار

[@sherifismail3256]

اشكرك بشده كان عندي ناحيه لادعة لدرجة انها سيحت البلاستك والناحيه التانيه سليمه فلغيت الارضي وخليته مباشر والكهربا وصلتها ع الناحيه السليمه شكرا جزيلا

[@Tamer_3awad]

عفواً جزاك الله خيراً كثيراً وأحسنت صنعاً والحمد لله على وصول المعلومة لمن يستحقها فعلاً ويفهمها ويقدرها

[@hassanelbehiry9519]

عملتها ازاي انا عايز اعملها زي مانت بتقول

[@mousakenawy5846]

@@Tamer_3awad ازاى لغه الارضي

[@RABIASABDALLA]

بعد اذن حضرتك يابشمهندس عندي الميه بتفصل اطفي الماتور واسيبو دقايق واولع بعدها بيشتغل وجبت فني بيقول مفيش حاجة ايه ممكن تكون المشكلة في الماتور او الاوتماتك

[@Tamer_3awad]

احتمال لو الميه بتفصل والماتور صوته شغال يبقى الاتوماتيك عايز ظبط , احتمال تاني الماتور بيسخن حط إيدك جمب الموتور وشوف في شفط هوا وللا لأ ؟

[@Tamer_3awad]

لازم معلومات أكتر زي هل الموتور لشقة واحدة أم للعمارة كلها ؟ وقراءة عداد الموتور بيفصل ويشتغل عند ضغط كام ؟

[@user-jg4gz9wc8d]

أرجوا المساعدة عندي الموتور غيرت اولسيه وبعدها الأوتوماتيك لا يفصل الفني ركب ٢ أوتوماتيك والمشكلة موجودة قال المشكلة في الموتور بس هو مش عارفها إيه السبب اللي يخلي الموتور شغال ولا يفصل والمية طالعة ضعيفة بالنهار وتقوي بالليل بس برضه لايفصل

[@Tamer_3awad]

الفني لازم يظبط الاتوكاتيك الجديد من الصواميل ويغير ظبط المصنع .. غالباً هو مش عارف يظبطه !! أما الميه ضعيفة بالنهار وقوية بالليل ده حسب تغير استهلاك سكان العمارة وأوقات الذروة

[@aymanmano2025]

السلام عليكم ممكن اعرف ايه سبب ان الاتوماتيك بيلسع كتير جدا وغيرت اكتر من 6انواع ايطالى وكلبيده وميكسيكى وصينى وكله بيلسع برضو فيه حل للموضوع ده

[@Tamer_3awad]

عليكم السلام ورحمة الله . هذا لا يحدث عادة , عمر الاتوماتيك في المتوسط باغيره كل سنتين - 3 سنوات لو كالبيدا إيطالي . الأسباب عندك غالباً هتكون 1- ضعف أو جهل الفنيين بطريقة تغيير ظبط الاتوماتيك الجديد عن ظبظ المصنع وتربيط مسامير نقاط التلامس جيداً . 2- تلف البلونة أو عدم وجودها يزيد مرات تشغيل وفصل الاتوماتيك بسرعة ويقلل عمره الافتراضي . 3- نوع الاتوماتيك سيء

[@Tamer_3awad]

الحل ممكن تقول للفني يوصل فردتين كهربة المصدر والموتور دايركت من بره الاتوماتيك , وتوصيل فردتين ارضي المصدر والموتور فقط من خلال الاتوماتيك

[@aymanmano2025]

متشكر جدا لو فيه فيديو لظبط المسامير ممكن اللينك

[@Tamer_3awad]

عفواً .. ظبط المسامير بزيادة تربيطها بمفك صليبة معزول بعد فصل مفتاح الكهرباء حتى لا تكون نقاط ضعف تسبب شرز أو ماس ----> kzbin.info/www/bejne/hX7HY6awdreLn80 من الدقيقة 7,55 إلى 9,00 أما ظبط صواميل الاتوماتيك من هنا ---> kzbin.infofLWM3asEgus

[@ahmedmohamed6412]

طب انا عندي الموتور بيعلق لازم اخبط علي الاتوماتيك علشان يشتغل ويعللق تاني بعدها بيوم

[@Tamer_3awad]

kzbin.info/www/bejne/hX7HY6awdreLn80

[@Tamer_3awad]

احتمال آخر إن الاتوماتيك ممكن بيعلق ويفصل عشان مسامير التوصيل الأربعة عايزة إعادة ربط بإحكام باستخدام مفك تست معزول , وده بيحصل بسبب الانكماش والتمدد واختلاف الحرارة بين الفصول . ويفضل فصل الكهرباء من المفتاح أولاً أو الاستعانة بفني بس يا ريت ما يلعبش في ظبط الصواميل

[@mody171958]

مادة تعليمية ممتازة ربنا يبارك فيك يا باشمهندس سؤال فني لما الموتور يقوم ويفصل من نفسه كل عشر ثواني مع ان الاتوماتيك سليم والبالونة سليمة يبقي العيب فين

[@Tamer_3awad]

@@mody171958 ايوة بس 10 ثواني مدة كويسة

[@mody171958]

@@Tamer_3awad هو بيقوم ويفصل لوحده من غير سحب مياه

[@mody171958]

يعني شغال مع نفسه فاضطر افصل الكهرباء عنه وعند التشغيل بيقوم ويفصل من نفسه سواء فتحت الميه أو اغلقتها

[@Tamer_3awad]

@@mody171958 كده يبقى احتمال في تسريب مياه في المواسير بيخلي الاوتوماتيك يشتغل ويفصل لوحده . دور على السبب الرئيسي للمشكلة الأول قبل ما تتسرع وتعمل شغل وتتعب نفسك ع الفاضي

[@Tamer_3awad]

المفروض الموتور ( الاوتوماتيك ) ما يشتغلش ويفصل مع نفسه خالص , إلا لو كان في تسريب ميه , بيخلي الضغط المحبوس يقل في المواسير فيحس الاوتوماتيك ويبدأ يشتغل , دور ع التسريب وارجع قوللنا إيه الاخبار

[@amoraspice]

السلام عليكم هل ممكن انى ازود نقط التلامس بلحام القصدير لانها بتتاكل من كثرة التشغيل والفصل الي ان يصل لمرحلة تلامس نقط التلامس ولا يعمل الموتور وبعود للعمل مرة اخري اذا قمت بالضغط علي نقط التلامس

[@Tamer_3awad]

عليكم السلام ممكن تزويد النقط بالقصدير كحل مؤقت فقط لأنه ممكن يسيح بارتفاع التيار الكهربائي ويفضل تغيير الاتوماتيك بنوع جيد

[@alahlystats9797]

لو سمحت الماتور عندي بيشتغل وبعد شويه يفصل لوحده ولازم افصل الكهرباء واشغلها كذا مره لولا ما يشتغل وشويه ويفصل تاني

[@Tamer_3awad]

أنا بحاول أفهم سؤال حضرتك , ما هو كده الوضع طبيعي إن الماتور يشتغل ويفصل أوتوماتيك , أنا مش شايف مشكلة

[@tansik642]

لو سمحت يا باش مهندس انا عند اتوماتيك شغال علي ماتور ايطالي فجاه الاتوماتك عمل قفله وطلع منه دخان و المطور واصلة فيها الكهرباء ومكنش شغال لايوجد احد في الشقة ممكن حضرتك تقولي ايه السبب . جزاك الله كل خير

[@Tamer_3awad]

عفواً ... غالباً جلدة ضغط الاوتوماتيك عمرها انتهى فسربت ميه جوه الاوتوماتيك فحرقته, وبيبقى اطراف الاوتوماتيك فيها كهربا حتى لو هوه فاصل, وده وضحته في الدقيقة 4:28 من الفيديو, لأن حضرتك ماتضمنش انك فصلت الكهربا تماماً من المفتاح

[@dukefleed7919]

انا الاوتوماتيك عندي بيفصل و كل فتره اخبط عليه عشان يشتغل و شلت الغطاء بتاعه لاقيته ماشي كويس بس بيرجع يفصل كل يومين او تلاته مع العلم ان اتوماتيك نوعه كالبيدا شاريه من ٦ شهور و مش عارف العيب من ايه . افدني جزاك الله خيرا

[@Tamer_3awad]

ممكن يحتاج ربط زيادة على مسامير التوصيل الأربعة تحت الغطاء باستخدام مفك تست أو تفصل مفتاح الكهرباء الأول عشان متتكهربش أوتستعين بفني يربط المسامير لو ما عندكش خلفية . أرجو أكون قد أفدتك

[@dukefleed7919]

@@Tamer_3awad ربنا يبارك فيك و يوسع عليك . متشكر اوي

[@tahaelbehery1507]

الاوتوماتيك بيشتغل عادي بس قبل ما يكمل المؤشر الاتوامتيك بيفضل بيشرز ويفصل ويشتغل ايه الحل

[@Tamer_3awad]

المشكلة مش واضحة : بيفصل عند رقم كام في المؤشر , وبيشتغل عند رقم كام ؟ ولازم يكون الرقمين ثابتين بانتظام

[@tahaelbehery1507]

@@Tamer_3awad بيفصل قبل ما يتم الملء وبيشرز ويشتغل تاني من نفسه

[@Tamer_3awad]

أخي في احتمالات كتير : ممكن يكون ضبط صواميل الاوتوماتيك على قيمة أعلى من ضغط الموتور , فيسخن الموتور ويشرز ويفصل ويشتغل لوحده , وهنا تحتاج لإعادة ضبط الصواميل وأيضأ شيِّك على مروحة تبريد الموتور هل شغالة وبتطلع هوا جنب الموتور ؟ هل المياه مقطوعه أصلاً والموتور شغال بدون مياه ؟ وهنا هيسخن على الفاضي ويجب إيقافه تماماً . هل حضرتك بتملأ خزان وليه عوامة ؟ افتح الخزان وشوف مشكلة العوامة ممكن تكون محشورة , يا ريت تذكر تفاصيل أوضح.

[@sabersaid415]

لو الاتوماتيك بيفصل بسرعه يكون ايه السبب يعنى ثانيتين ويفصل

[@Tamer_3awad]

ممكن مفيش بالونة أو هيه بايظه بالإضافة إنه مظبوط غلط من الصامولة الصغيرة

[@sabersaid415]

@@Tamer_3awad البالون لسه جديده والاتومتك جديد مكملوش شهرين

[@Tamer_3awad]

يبقى ممكن اتركب غلط وظبط الصامولة الصغيرة غلط , أخي الكريم هل المشكلة دي من أول ما اتركب من شهرين وهل اللي ركبه متخصص , هل الاوتوماتيك ده إيطالي ؟ تفاصيل كتير ناقصة وصعب أخمن العطل زي الفزورة , مثل رفع المياه في الشقة مظبوط وللا متقطع وهل الموتور داخل شقة وفي الدور الكام ؟ منتظر ردك

[@sabersaid415]

@@Tamer_3awad متركب من شهرين الاتوماتيك والبلونه والعيب ده ظهر النهارده

[@Tamer_3awad]

هل الموتور داخل شقة وفي الدور الكام ورفع المياه في الشقة مظبوط وللا متقطع

[@remonyousef8431]

عندى الموتور بيسخن الميه وبيطلعها عايز اعرف السبب

[@Tamer_3awad]

لازم تتأكد الموتور بيفصل اوتوماتيك وللا شغال على طول وبيسخن؟ وممكن تبص على مروحة تبريد الموتور شغالة شفط وللا لأ وتحس بيها لما تحط إيدك جنب الموتور , غير كده ممكن سخونة الميه من تعرض المواسير للشمس

[@nassershawky5993]

لو سمحت الموتور بيشتغل والمياه طلعه كويسه جدا وعند الاتوماتيك لما يفصل المياه بتقطع ده يبقى عيب ايه

[@Tamer_3awad]

هل الموتور راكب جوه الشقة ؟ والدور الكام ؟

[@nassershawky5993]

@@Tamer_3awad الموتور فى مدخل العماره

[@Tamer_3awad]

هل شقتك في آخر دور في العمارة ؟

[@nassershawky5993]

@@Tamer_3awad العيب ده فى كل الشقق من الاول الى الخامس وراكب اثنين بالونه هل ممكن يكون البلونه باظت

[@Tamer_3awad]

هو دا الاحتمال الكبير بنسبة 80 % بالون واحد أو الاتنين بايظين

[@alqari_albaraa_azema]

بعد اذنك عندي الموتور مش بيشتغل خالص .زي ما يكون مش واصل فيه كهرباء 🤔 قومت انا بقيت اخبط علي كل جزء في الموتور وتحرك الأسلاك. فجاءه الموتور اشتغل شويه ووقف تاني لما خيطت علي الجزء اللي انت شغال فيه ده اللي اسمه اوتوماتيك. ممكن اعرف كده يبقي لازم يتغير.ولا ايه.

[@Tamer_3awad]

طالما الاوتوماتيك لا يعمل إلا عند التخبيط ( بيعلق ) يفضل تغييره لأن ممكن يكون العيب في نقاط التوصيل الكهربية ( الكونتاكتس ) , أو نوعه سيء . أما العكس لو شغال على طول ولا يفصل ممكن إصلاحه .

[@Tamer_3awad]

في حل تاني بس لازم يعمله حد فاهم كهربا : 1- تزود التربيط على الكونتاكتس الاربعة وتجرب , 2- لو احتمال في اتنين كونتاكتس جمب بعض من الاربعة مصديين تلغي الجنب المصدي وتوصل أسلاكه دايركت من برة.

[@alqari_albaraa_azema]

@@Tamer_3awad تمام حضرتك ..هكلم حد كهربائي واقوله علي الحل بتاعك واكيد هو هيفهم. .اشكرك بجد

[@auhoodzidan8904]

٤٥٠ ج ياباشا...و الجهاز مكتوب عليه مكسيكي و العلبة مكتوب عليها تشيكى...يعنى لا ده ولا ده....صيييييييييينىىىىىىىى

[@Tamer_3awad]

للأسف تاريخ الفيديو 18‏/8‏/2021 من سنة و 4 شهور , الاسعار اتضربت في 3 تقريباُ بسبب الأحداث العالمية المعروفة ... ممكن حضرتك تسأل شركة معروفة زي الورداني / الفجالة , ممكن أعطيك رقمهم لو في مدينة 6 أكتوبر