Рет қаралды 445
كلمات القصيدة
إمتا يجي الزين ينقذ العالم من الخيوبة
حلو باب الدنيا ودخلو لينا عيشة خرا
راه هادي كحالت وفيها تغطات البيوضية
شربنا شراب مزور وتيقنا السكرة
قتلنا الموت وصلينا عليها بلا وضو وسط عرس تقامت صلاتنا وعلى الصف القدامي كانضاربو
المفروض علينا كلشي رافضو رخاصت الرواح على العداوة الناس تحابوا
وقوم الحق حسو مقطوع وسيدو حالهم عاجبو
صاب لسانهم مرض السكات والشيفا دعاتلو بالموت
خسر الصالح وتوسخات النقاوة ولا الشواري كايخنز الحوت
بغاو المرا زينة بلا حشمة تاكل مع الديب وتواسي الراعي في كسيبتو
وعيبو الراجل في الجيب ونساو تربيتو
الحرة توحم على العبد والشر بيضتو في عش الخير فقصات
بين القلوب نتاشرات العدوة السر المدفون تحللات ريحتو
هانت العشرة بين النتوة والذكر مدارو بوجه فراخهم
مابقات لسرارهم قيمة بين الطيور شاعت خبارهم
عراو الكسدات وقالو وسخ الكلام على ود البارطاح والجيم.
سكتو الحق وعطاو كلامو للباطل بيه يبان حكيم
في الدنيا نتأمل نگول كون غا كنا حاجة خرا
جينا غافسدناها كنا حنا الساس ولينا حفرة
جتة الحشمة عريانة ودمها في حيط الوقاحة مطلي
كلشي ملاهي بعسل الدنيا وناسي السم لي فيه كيغلي
إمتا نرجعو للصواب راه حالنا بالخير ماكيبشر
قنع قلبك وحسابك راجعو راك كاتسال غاشبر
تفعلات كاع فعايل لقوام لي دازو وباقي ربي ساتر
بكامل قوة العقول الدنيا معيوشة بحالا في حلمة العصر.
صفحتي على الفيس بوك
/ الـشـعـر-الـمـجـدوب-10...