فيديو كليب لأغنية : بغيت نفهم، كلمات و غناء: يونس الطويل، موسيقى و ألحان: مارتان شيليكانس

[@oumsaid9266]

❤

[@blablafilm4440]

الرابط دالأغنية فسبوتيفاي :spotify.link/socxIkv65Db Spotify link: spotify.link/socxIkv65Db

[@outbackmorocco5983]

😃ياسلام صوة رائع 🎼 عمل جميل تبرك الله عليك يأستاد 👍

[@blablafilm4440]

الله يبارك فيك آخاي، و شكرا بزاف على التشجيع

[@مصطفىالقرشي-ك1ك]

جميل يا جميل!

[@blablafilm4440]

الله يزين يامك آ خاي

[@albikrimahjoub2865]

تبارك الله عليك إختيارك لهذه الموسيقى و الغناء في المستوى

[@blablafilm4440]

الله يبارك فيك و شكرا بزاف على التشجيع

[@blablafilm4440]

السلام عليكم و مرحبا بكم فبلابلا فلم، واخا ليوم مانهدرلكومش على عالم السينما، ليوم بغيتكم تكتاشفو معايا واحد الأغنية لصايبت أنا وواحد السيد من سويسرا ما تانعرفو ما تايعرفني، و لكن جمعنا الفن بواحد الطريقة فشيشكل، غانحاول نحكيلكم بإختصار كيفاش تزاد هاد الديسك. واحد النهار كنت كانقلب على موسيقى فابور فأنترنت، ما فيهاش المشكلل دالحقوق ، باش نستعملها فالفيديوات على السينما لتاندير، لقيت واحد ديسك جميل مافيهش لغناء غير لموسيقى، خليت فالجانب باش نخدم بيه و لين ملبديت المونطاج من بعد و عاودت سمعت الديسك، نساني فداكشي لكنت كاندير، و رفعني لبلاسة خرى، وبديت كانسمع فيه و نعاود، و عجبني بزاف، قاس عليا مزيان، ومابانتلياش نستعملو مزال فشفيديو، بانليا خاصها تعطاه قيمة كما ينبغي، وانايا تانسمع فيه و نعاود بديت كانتخايل واحد الشخصية لهي السلم ولا السلام، لمابقا عندو حتى شمعنى فلوقيتة لعايشين فيها، وبدا تايذبال و تايمشي منو الضوء لكان فيه، وبدا تايسول راسو شأسئلة على مصير البشرية فواحد الزمان لتقلبو فيه المفاهيم و بنادم غير حال فمو، بديت كانكتب فالنص، ومن بعد غنيتو مع الموسيقى مطلوقة غير عشوائيا و بانتليا لفكرة بدات كاتكون، شفت مع واحد دري صاحبي عندو ستوديو فالدار و موسيقي سمو جمال باش نديرو une demo واحد التجربة نشوفوا من خلالها واش الغناء و الكلمات ديالي جاو مع الألحان الموسيقية، ولا غير كانخربق، والنتيجة كانت بيخير، غير هي تقدر تخدم حسن يلا كان الوقت و صاحبي جمال ديما مشغول، و زايدون كنت باغي غير ندير لراسي خاطرو نشوف واش تقدر تصدق، والموسيقا ديال مولاها واخا فابورفأنترنت، ماكاينلاش نحمق راسي، و لكن قررت نحمق راسي، وتاصلت بمارتن شيليكانس مول ديسك،و عاودتليه شنو دار فيا ديسك ديالو، و الأفكار لعطاني و سمع DEMO، و مافهمت والو ملعجبو لغنا ديالي على موسيقتو، و قليا don't be shy to let your voice shine above my music, ما تحشمش أنك تخلي صوتك يتألق فوق موسيقتي، و قاليا خاصنا نكومبزيو شموسيقى خرى وانا نفرااح، و عجبني الحال بزاف و عطاني الإذن أنني نعاود نسجلو مزيان، و شرحتليه الكلمات بلسان السلم و عجبوه بزاف حيت الموضوع تايهم الناس كاملين، و من بعد عاودت التسجال فستوديو صوت بمساعدة آليكس تارتيير ، مهنس فالصوت و موسيقي،لقام بعمل رائع، و سيفت ديسك لمارتن وزاد عجبو و حطو عندو فSPOTIFY دابا نخليليكم الرابط، وكنت باغي نديرليه كليب مكيات، فيهم شخصية السلم و لا السلام، تالفة و تاتدبال فوسط عالم تقلبو فيه المفاهيم، كتبت سيناريو و لكن لغايدير مكيات ماكاينش، داكشي لاش خدمت على واحد لكليب بشفيديوات كانو عندي صورتهم، مع فيديوات من أنترنت، في إنتظار شنهار نرجعوا مكيات، لمهم هاد الديسك خرج من لقلب للإنسانية و الله يهدي البشر، نخليكم تكتاشفو