Рет қаралды 12,328
جديد2021
رؤى وتطلعات
*كلمات*:الراحل محمد الحسن سالم حميد
*الحان*:عبدالعظيم منصور
*اداء*:الساحر المعز تبت
رابط التحميل
www.mediafire....
النص
ـــــــــــ
ﺯﻱ ﻣﺎ ﺗﻘﻮﻝ ﺑﻴﻦ ﺍﻟﺠﺮﻭﻑ
ﻭﺍﻟﻘﺶ ﻣﻘﻬِّﻲ ﻣﻊ ﺍﻟﻨﺪﻯ
ﺯﺭﺯﻭﺭ ﻳﻔﺮﻓﺮ ﺩﺍﺭ ﻳﺸﻮﻑ
ﺃﻡ ﺭﺃﺱ ﻣﻄﺮِّﻓﻲ ﻳﻨﻘﺪﺍ
… … …
ﺣﺲ ﺍﻟﺮﻭﺍﻭﻳﺲ ﻭﺍﻟﻜﻔﻮﻑ
ﺍﻟﻤﻮﺝ ﺭﺯﺍﺯﻭ ﻳﺒﺮِّﺩﺍ
ﻗﻮﻟﺔ ﺍﻟﻠﻪ ﻫﻮﻱ هوي
ﺗﻨﺰﻝ ﺻﻔﻮﻑ ﻭﺯِّﻳﻦ يعوم
وزين ﺿﻔﺎﻓﻮ ﻣﺰﻏﺮﺩﺓ
تفتح ﻣﺸﺎﺭﻉ ﺍﻟﻬﻢ
ﺣﺮﻭﻑ ﺻﺎﻓﻲ ﻭﺣﻼﻝ ﺍﻟﻮﺍﺭﺩﻩ
ﻋﻠﻰ ﻗﺪﺭ ﻋﻴﻨﻴﻚ ﻣﺎ ﺗﺸﻮﻑ
ﺟﻨّﺎﺕ ﻃﻴﻮﺭﻩ ﺗﻐﺎﺭﺩﻩ
… … …
ﻓﻮﻕ ﻓﻲ ﺍﻟﻤﺘﺮ ﺯﻭﻻً ﻭﻟﻮﻑ
ﻋﻠﻰ ﺃﺭﺽ ﻋﺎﻭﻟﻲ ﻳﺮﺍﻗﺪﻩ
ﻭﻳﺮﻗﺪ ﻋﻠﻴﻬﺎ ﻳﺠﻢ ﻟﻮ ﺟﻮﻑ
ﻣﻦ ﺷﻤﺸﻮ ﺷﺮﻗﺖ ﻣﺎ ﻫِﺪﻯ
ﺷﺮﺑﻮﻛﻮ ﻟﻲ ﻋﻄﺸﻮ ﺍﻟﻜﻔﻮﻑ
ﻭﺍﻟﻄَﻴﺒﺔ ﺟﺎﻳﺒﺎﻟﻮ ﺍﻟﻐﺪﺍ
ﺧﺒﺮ ﺍﻟﺒﻠﺪ ؟
ﻭﺩﺍ ﺁﻣﻨﻲ ﻋﻮﻑ
ﻣﺸﻰ ﻟﻲ ﺳﻌﺎﺩﻭ ﻳﺼﺪﺩﻩ
ﺍﻟﻠﻪ .. ﻭﻳﺎﺭﻳﺖ ﺍﻟﻈﺮﻭﻑ
ﺗﺮﺣﻢ ﺗﻌﺪﻟﻮ ﺣﻮﻳﻠﻲ ﺩﺍ
ﺁﺧﺪ ﻟﻲ ﺑﻜﺮﺍً ﻻ ﺗﺸﻮﻑ
ﻣﺤﻨﺔ ﻗﺮﺍﻋﻲ ﻻ ﺃﻭﺭّﺩﻩ
_ نمشي ﺍﻟﺨﺮﺍﺗﻴﻢ ﻃﻮﻑ ﺗﻄﻮﻑ
ﺑﺎﻟﺴﻴﻠﻤﺎﺕ ﻗﺎﺷﺮﻳﻦ ﻛﺪﺓ ؟ !
ﺍﻟﺸﻲ ﺍﻟﻔﻨﺎﺩﻕ ﻭﻛﻞ ﺻﻨﻮﻑ
ﺍﻟﻔﺨﻔﺨﺔ ﺍﻟﻤﺴﺘﻮﺭﺩﺓ
ﺁﻣﻴﻦ ﻭﺃﻛﻮﻥ ﻣﺎﻧﻲ ﺍﻟﺮﺩﻭﻑ
ﺍﺭﺗﺤﺖَ ﻟﻔّﺎﻧﻲ ﺍﻟﺮﺩﻯ
ﺁﺍﻟﻄﻴﺒﺔ ﺃﺗﺒﻨﻲ ﺍﻟﻮﺍﻃﺔ ﺃﺷﻮﻑ
ﺑﻮﺧﻚ ﻭﻻ ﺍﻟﺸﺎﻑ ﻭﺍﻟﻨﺪﻯ ..
ﺧﻮﻓﺘﻨﻲ ؟ ! ؟
ﻭﻛﻴﻠﺘﻴﻨﻲ ﺧﻮﻑ
ﻭﺃﻧﺎ ﻟﺴّﻪ ﻓﻲ ﺇﺿني صدى
ﺍﻟﺪﺍﺭﺓ
ﻭﺍﻟﺤﻨّﻲ
ﺍﻟﺪﻓﻮﻑ ..
ﻭﺃﻧﺎ ﻗﺮﻣﺼﻴﺼﻲ ﺗﺮﺍﻫﻮ ﺩﺍ ! ؟
ﺻﺪﻯ ﺍﻟﺼﻮﺭ _:
ﻳﺎ ﺃﺭﺿﻨﺎ ﺍﻟﺒﻜﺮ ﺍﻟﺤﻨﻮﻥ
ﻳﺎ ﺍﻟﺪﻟَّﻬﺎ
ﻭﻳﺎ ﺍﻟﺘﻠَّﻬﺎ
ﺇﻳﺪ ﺍﻟﻤﺮﻭّﺓ ﻧﺪﻟّﻬﺎ
؟؟؟ …؟؟؟
ﻳﺎ ﺷﺎﻛﻲ ﻣﻦ ﻋﻘﺪ ﺍﻟﺪﻳﻮﻥ
ﺣﻘِّﻚ ﻋﻠﻴﻨﺎ ﻧﺤﻠَّﻬﺎ
ﻧﺼﺤﻰ ﻭﻧﺼﺎﺑﺤﻚ ﺑﺎﻟﺘﻌﺐ
ﺷﻤﺸﻚ ﺿﺮﺍﻋﻨﺎ ﻳﺴﻠَّﻬﺎ
ﺗﻔﻘﻪ ﺷﻌﺎﻋﺎﺕ ﺍﻟﻐﻀﺐ
ﻓِﻘﺮ ﺍﻟﻤﺴﺎﺧﻴﺖ ﻗﻮﻟَّﻬﺎ
ﺷﻴﺘﺎً ﻧﺴﻮِّﻱ ﺁﺏ ﻧﻨﻜﺮﻭ
ﻭﻧﺤﻨﺎ ﺍﻟﻌﻮﺍﺭﺽ ﺷﻠَّﻬﺎ
ﺍﻟﻨﻴﻞ ﻗﺪﺭﻧﺎ ﻭﻧﻘﺪﺭﻭ
ﺿﺒﻠﻴﻦ ﺃﺭﺿﻨﺎ ﻧﺨﺪِّﺭﻭ
ﻭﻣﺎﺏ ﻧﺮﺟﻰ ﻏﻴﻤﺔ ﺗﺒﻠَّﻬﺎ
ﺍﻟﻤﻮﻳﺔ ﻳﻮﻣﻨﺎ ﺍﻟﻨﻔﺘﺤﺎ
ﺗﺮﻭﻱ ﺍﻟﺠﻨﺎﺋﻦ ﻛﻠَّﻬﺎ
ﺗﻨﻔﺾ ﺷﻘﻮﻗﻪ ﻣﻦ ﺍﻟﺪﻋﺖ
ﻳﺨﺘﺎ ﺍﻟﺠﺪﺍﻭﻝ ﺳﻠَّﻬﺎ
ﻭﻃﻴﺮ ﺍﻟﺒﻘﺮ ﻳﻤﻸ ﺍﻟﻜﺮﻭ
ﻭﺷﺪﺭﺍﺗﻨﺎ ﻳﺮﺟﻊ ﺿﻠّﻬﺎ