فيلم "الأصليين" | مراجعة من "فيلم جامد"

[@malakhossam1508]

الاصليين" ام "الرجعيين"؟! "" فيلم فنى من الدرجة الأولى.....و له رموز عديدة يمكن أن تنطبق على جهات و منظمات متعددة فى مصر و العالم......الفيلم يجيب على سؤال مهم.....كيف تنحدر الحضارة العريقة لأى دولة؟.......بطل الفيلم ......."سمير".....هو نموذج الإنسان المعاصر الذى يعيش منساق لر غبات اسرته و عائلته و تقاليد المجتمع الذى يعيش فيه بدون تفكير.....يستهلك مالا ينفع و يعيش بشكل روتينى لدرجة الملل....كل تفاصيل حياته كانت مفروضة عليه....زواجه التقليدى بلا حب ....حتى لعبته الرياضية التى حقق فيها البطولات....تم إلزامه بها...... نقطة التحول الاولى فى الفيلم هى التخلص من هذا الموظف الذى يعمل فى بنك....من خلال اجباره على الاستقالة من العمل بحجة توفير المصروفات...و تعيين موظفة صغيرة براتب اصغر....مع وجود إشارة واضحة لسطوة المادة و الشكل الجمالى على الكفاءة فى هذا العالم النمطى و الأجوف......نقطة التحول الثانية تكون من خلال اتصال من مجهول...."رشدى أباظة" الذى يظهر فى صورة مسئول فى تنظيم سرى ضخم يراقب جميع السكان داخل الدولة بحجة حماية الوطن.....يتم تجنيد بطل الفيلم ليكون أحد المراقبين داخل التنظيم بمقابل مجزى......الضائقة المالية التى يمر بها تجبره على الانضمام......ليكون عمله اليومى مراقبة الأخريين من خلال غرفة بها تكنولوجيا متقدمة لمراقبة المجتمع بمنتهى البساطة فى جميع الأماكن من خلال كاميرات مراقبة و على كل قنوات التواصل الاجتماعي....اهم شئ يحب ان يفهمه المتفرج هو مواصفات هذا التنظيم السيادى.......تنظيم يريد السيطرة على الشعوب من خلال بث الفكر الرجعى على الجميع.....شبه الفيلم افراد المجتمع على انهم دواجن داخل مزرعة.....و هم كذلك فى نظر من فوضو أنفسهم حكام....بل الهه لتلك المزرعة....و ذلك برغم جهلهم و قلة ثقافتهم الواضحة جداً.....يريدون المجتمع جاهل و حبيس تقاليد و افكار ثابتة و عادات نمطية......ليتمكنوا من السيطرة عليه ........و فى سبيل تلك السيطرة وصلوا الى ابعد مدى.... حاربوا الحرية بكل اشكالها .....حتى فى الحب.....بل لجأو الى نشر اكاذيب و خرافات لتحقيق هذه الغاية....و الاخطر من ذلك .......... قاموا بتزييف التاريخ.....و طمس روح الابداع فيه.....حتى يظل المجتمع غير مبدع.......و ذلك من خلال قتل الخيال فى ذهنه......و أشار الفيلم الى نظام التعليم الذى جعل سمير يجمع الصحف القديمة دون ان يقرأ منها شيئاً.......ليعيش جاهل و سهل السيطرة عليه مثل الفراخ داخل الأسوار......يأكل ما يتم تقديمه اليه بدون رفض.......سواء كان الاكل طعام أو غذاء فكرى غير سليم......مهمة "سمير هى مراقبة "ثريا" .......التنظيم يعتبر من هم مثل ثريا خطر عليهم.....لأنهم مثقفين و احرار و مبدعيين......لديهم القدرة أن يوسعو مدارك المجتمع .....و بالتالى يصبح المجتمع مبدع و حر....و بالتالى خارج السيطرة......تتوالى حداث الفيلم ليكتشف البطل بشاعة هذا التنظيم الذى يحاول غسيل دماغ المجتمع......بل توصل أنه هو أيضاً ضحية هذا النظام طوال حياته.....ليهرب و يغيير حياته و يصبح مبدع و حر ......متأثراً بثريا التى انارت له الطريق بأفكارها التقدمية و المستوحاة من ابداع الحضارة المصرية القديمة.......تحفة فنية غير مسبوقة و نقد سياسى رفيع المستوى لأى نظام شمولى و قمعى يمارس تلك الممارسات المتسلطة التى تجعل الشعوب رجعية و متخلفة.........تحية لكل من احمد مراد و مروان حامد......و لإنتاج جازف بفيلم يميل الى السريالية و الرمزية و الخيال فى الكثير من أحداثه......و اخيراً يبقى السؤال الذى حير الجمهور فى السنيما.......و الذى لم يتم الإجابة عليه........من هم الاصليين؟..........هم فى الحقيقة مزيفيين......مخادعين.........هم نموذج لكل إدارة سيئة و مستبدة فى هذا العالم......د. حسام سامى

[@mustafahafedh8591]

بالنسبه للنهاية؟؟؟!!!

[@moooooooooomify]

Malak Hossam لو سمحت تقولنا النهاية انا مفهمتها ابدا لو سمحت بالله عليك باين عليك فاهم

[@hazemhussein6818]

Malak Hossam مظنش استاذنا ان غرض الفيلم الاسقاط السياسى وان المنظمه السريه دى بتمثل الدوله او انظمه الحكم اظن ان احمد مراد بيرمى لما هو ابعد من كدا هو رمى الفكره و زى ما تجيبك دماغك انت ومحددش جهه معينه بالنسبه للفيلم نفسه هو نجح فى طرح الفكره بس القصه نفسها حسيت انها هربت منى شويه ولو كانت فيها خيط يرشد المشاهد كان حيبقا افضل اما بالنسبه للمزيكا و الكادرات مفيش اجمل والا احلى من كدا بس فى المجمل الفيلم مهم للسينما المصريه شكل جديد ولون جديد لازم ندخل فيه لان التاريخ السينمائى المصرى عيب اوى لما نختصره فى محمد رمضان و عبده موته

[@mnjs2753]

بااختصار النهايه هوه طفش من البلد الى المانيه والكثير من البلدان الناميه تتعامل مع المبدعباظطهاد وبصوره انتقاديه من قبل الكاتب للسياسات الحكومات ضد المبدعين سواء مقصوده او غير مقصوده والغايه نهائيه هيه ان يبدع في بلاد الغرب

[@ojenymamdouh506]

Malak Hossam انت موضح القصة احسن من الفيلم

[@amrharby1442]

عايزين حلقة للحرق و مناقشة الفكرة

[@hawaryhawary8414]

فعلا يا ريت

[@RahmaElsaeed-cf6ru]

+1

[@Khaled_Gamal]

3سنين و مفهمتش

[@nouranibrahim10]

الفيلم في رأيي ممتااااز.. من كتر ماتفاجئت بقد ايه الفيلم حلو ومتقن حسيت كإني بتفرج على فيلم أجنبي.. بأمانة الاصليين من أجمل واهم افلام السينما المصرية في آخر ١٠ سنين

[@-.999.]

اين اجد الفيلم كيف اشاهده

[@marwanadel6510]

والله انت ميتزهقش منك وصوتك رائع وتحليلك اروع استمر👍👏👏👏

[@FilmGamed]

الله يخليك يا باشا :)

[@maxpien1]

فين مراجعة واحة الغروب الاخيرة

[@shroukayman5011]

ممكن تشترك في القناه بتاعتي وانا بالفعل اشتركت بقناتك 👍

[@malekessam216]

ن

[@dr.samiaelhariry5951]

الفيلم كان فيه كل حاجه وعكسها زى قصه ياسين وبهيه كان مطلوب منه يبحث عن حقيقة القصه ..ممكن يكون كتب التاريخ بتكذب وممكن يكون عازف الربابه الى بيحكى القصة عنده الحقيقة..كان لازم يبحث عن الحقيقة بنفسه وعشان كداا قرب من منه شلبى وعرف انها باحثة وليست تاجرة اثار كما اعتقد ..قرب من ولاده وزوجته واكتشف حقيقتهم ..حتى قرب من امه واكتشف انها لم توظف مهامه صح منذ طفولته ولم تعرفه بما فيه الكفاية وشايفه فيه حاجه هو مش حاببها وبتعمل له البسله بالجزر برضه مع انه طول عمره مش بيحب الجزر الفيلم روعة ..روعة ..وكل ما افكر فى مواقفه اكتر كل ما اكتشف رسايل اكتر بجد رسايل الفيلم كتير جدا للمشاهد تحيه للقائمين عليه

[@Mrstrongman002]

مشكلة الفيلم يا استاذ محمود في القصة والحاجات الغريبة في تصاعد الاحداث، يعني مثلاً هما الاصليين دول ليه معملش خلفية عنهم او مقالش هما فادوا البلد في ايه قبل كده ؟! ازاي بيراقبوا الناس من زمان مع ان مكنش فيه كاميرات ؟! ليه تم اختيار ماجد الكدواني في الجماعة بالتحديد ؟! ليه متعاقبش تاني مره لما راح شاف منة شلبي ؟! ازاي احمد فهمي ومنه شلبي متقابلوش ورا مره ؟! ايه العلاقة بين المصريين القدماء والاصليين ؟! وغيره اسئلة كثير مش محضرهم في دماغي حالياً. انا متفهم وعارف ان عناصر الفيلم حلوة بس المشكلة بالنسبالي في القصة ذات نفسها وعدم عرضها بشكل كافي، شايف ان الفيلم كان محتاج بكون اطول من كده مثلاً.

[@memeaass6082]

الفلم اسقاطاته كثيره مثلا قصة بهيه اعتقد تبين كمية تزييف الحقائق اعلاميا اما اسئلتك هم ردت اله اجابه

[@mohamedwaled7422]

لو افترضنا ان قصة بهية اللي قالها خالد الصاوي هي اللي صح والجرنال كذب يبقي فعلا بيوضح ان الاعلام بيكذب بس لو العكس لو الجرنال هو اللي صح وخالد الصوي هو اللي بيكذب في الحالة دي الاصليين هما اللي بيكذبوا

[@amiraahmed4559]

strong man هو فعلا الأسئلة دى جت فى بالى ومنها برضو أنه حصل ايه لما منة شلبى شافت رسالة ماجد الكدوانى ليها ؟ وازاى جماعة الأصليين سابوا ماجد الكدوانى فى حاله تلات سنين من غير ما يحصل على الاقل حدث واحد يبين موقفهم كان المفروض حبكة الفيلم من وجهة نظرى تتعمل بحيث يكون فيه جزء تانى تحددلنا كل دا او ان الفيلم يختصر كل الحوارات الغامضة والقصص الغريبة زى " بهية " اللى محدش عارف ليه جابوا سيرتها من الاساس ويبين لنا كل الأسئلة دى ممكن تبقى النهاية مفتوحة لكن مينفعش يفتح لنا قصص جوا الفيلم كدا ويسيبها .

[@waleedalzkre2539]

عشان القصه مفتوحه وكل اللى قولته دا صح لو بتابع اجنبى فى مخرج اسمه نولان بيعمل كدا فى كل افلامه ب استثناء فارس الظلام ف اينسبشن و دانكيرك وما قبلهم

[@MohammedSamireviews]

من الصبح عمال اعمل ريفريش مستنى الحلقة !!

[@heathledger1087]

انت بتعمل ايه هنا يسطا

[@alibassiouny]

بطولة ماجد الكدواني وخالد الصاوي ومنة شلبي ومحمد ممدوح وكندة علوش قصة وسيناريو لأحمد مراد والإخراج لمروان حامد That's enough to know that you are getting a very nice cinematography. These movies live longer and become part of cinema history of countries.

[@gygymoon3383]

الفيلم كله فيه فكرا مش بالسهوله توصل لكل الناس والميزه فى الاخراج انه فضل المخرج يشد انتباهنا كلنا حتى اخر لحظه فى الفيلم وكأنها بدايه ليه والتصوير تحفه والمعنى لو تعمقنا فى كل كلمه ومشهد هنفهم القصد من الفيلم ايه شابوه لاحمد مراد اولا وماجد الكدوانى ثانيا واخيرا خالد الصاوى انا استمتعت 😍

[@dukaman7614]

انا اتفرجت علي اعمال معقدة كتير و فهمتها ،، بس الفيلم دة مش عارف اوصل عاوز يوصلنا. اية لو حد فاهم يا ريت يوضحلنا

[@كريمنورالدين-ر6ف]

اول فيلم اتفرجت عليه لمروان كان لي لي وكان فيلم ينبأ بمخرج متميز وبصراحه كل افلام مروان حامد فيها شئ مميز وتحس ان فيها شغل كتير وابداع

[@manayree9358]

في تصوري ان مروان حامد أبدع جدا في الفيل الأزرق , بالذات ان فكرة الفيلم و التحويل الدرامي من الرواية للفيلم و ترتيب الأحداث و سيناريو التصوير مكانش سهل اطلاقا بالذات في المشاهد اللي بتيجي بعد ما الدكتور يحيى بياخد حباية الفيل الأزرق

[@ahmadgaafar9208]

كمطلع للفلسفة، دا اروع فلم فلسفي، طرح العديد من الرؤى الفلسفية. وجود الزوايا الفلسفية خلتني اتمنى الفيلم يطول ل٣ ساعات. افضل فلم عربي 😍

[@sali6138]

فين آخر تقيم من المسلسلات زي حصان الأسود و أوركيد و واحة الهروب ، بقالي بستناهم طول العيد

[@mazenibrahem9641]

ممكن اقتراح بالنسبه لل thumbnail .. اعمل نصه كامل الشمال البوستر .. ونصه اليمين صورتك ع الكورسي .. عشان اعرف علطول المراجعه بتاعه فيلم ايه ويبقي لكل فيديو thumbnail خاص بيه

[@ابورامزالماوي]

وسؤالي لك مارأيك بالناقد المصري المثير للجدل طارق الشناوي وهل تتفق معة في أراءة في الأفلام والمسلسلات والممثلين بشكل عام وياليت ترد عليا ...ولك الشكر

[@khaledmohamed4639]

مراجعة ممتازة ومنطقية تماما للفيلم، اعتقد هتبقي فكرة عظيمة لو قدرت تعمل حلقة بتحرق فيها القصة عادي وبتناقش فيها الرمزيات في القصة او تفسير المشاهد المهمة بشكل عام

[@mikeahmad1559]

تحمست إني أشوفه .. أي حاجة ل مروان حامد لازم تكون نظيفة .. + الكدواني + المؤلف .. كل حاجة تحمسك إنك تشوفه

[@aamerahmed3102]

أولا احب احييك علي بساطتك وتلقائيتك في تناول الفيلم وحياديتك الشديدة جدا ده غير اسلوب يكشف عن دماغ بتفهم سينما جدا انت مشروع ناقد كبير ثانيا احب اوضح ان انا من عشاق مروان حامد وشايف انه متأثر جدا بستانلي كوبريك وبول توماس اندرسون ومنتظر اشوف الأصليين ثالثا افضل فيلم لمروان حامد في رأيي كان عمارة يعقوبيان وممكن يجي معاه في منطقة قريبة جدا الفيل الأزرق رابعا -النقطة الرابعة دي خاصة بيا- انا نفسي تعمل مراجعات الكلاسيكيات العالمية والمصرية وبالتحديد افلام الراحل أحمد زكي ياريت بجد نشوف المراجعات دي خصوصا وأن مراجعة فيلم Fight Club بتاعت حضرتك شوفتها يجي ٧ مرات كده 😊

[@yasiralhasnawi9708]

اقسم بأني اول مره اشوف فلم مصري جميل لهذه الدرجه .القصه غريبه ومخيفه .الموسيقى راقيه والتصوير والاخراج رهيب .فلم متعوب عليه .ماجد الكدواني وخالد الصاوي ومنه شلبي مبدعين احسنتم .

[@saadizwaini1356]

أحب كل شغل مروان حامد لكن بالترتيب ١-ابراهيم الأبيض ٢-عمارة يعقوبيان ٣-الفيل الأزرق و متحمس اشوف الأصليين بعد التحليل النقدي في فديو حضرتك

[@ahmad73824osman]

فيلم ابراهيم الابيض أسخف افلام احمد السقا

[@mahmoudelsheref3720]

الناس اللى مستنية شرح الفكرة بتاعت الفيلم صدقونى محدش هيشرحها الفكرة راقية جدا ولازم توصلها بنفسك او تفهمها مع الوقت

[@michomounir]

أنا الصراحة تخيلت انه كان بيتعاطى حاجة بتخليه يتخيل كل ده .. وهو ثار على الموضوع ده في الأخر الروتين اللي كان فيه كان اشبه بفرخة في مزرعة دواجن .. فهو تغلب على ده .. بس واضح ان منظومة مزرعة الدواجن والروتين هتفضل تلاحقه ..

[@دكتورربيع]

مراجعه باقي الافلام العيد هتنزل امته

[@RahmaElsaeed-cf6ru]

بص كلامك صح.. تصوير ودراما وصوت حلو وتمثيل ماجد عظيم والفكاهة حلو.. ملامح ماجد الكدواني... الحتة اللي في الأول حلوة ولطيفة لكن في مشكلة كبيرة جدا في الفيلم أنه مش بيدور حوالين (موضوع واحد رئيسي). يعني وأنت بتتفرج كل فترة بتقول الفيلم عايز يوصل فكرة كذا وبعدين تغير رأيك وتقول لأ فكرة كذا.. اللي هو أنت مش فاهم عايز يقول إيه بالظبط.. عايز يقول أن كل البشر بتراقب بعض ودا بسبب السوشل ميديا وقربنا الزايد لبعض وعلشان كدا (كلنا أخوات ولازم نقف جنب بعض ونراقب بعض على لسان خالد الصاوى) ولا كلنا مراقبين وكلنا لينا خطايا ولينا جانب مظلم زي ما احنا مراقبين من الملائكة ولا بيتكلم عن تدهور الحضارات بسبب التكنولوجيا السريعة المتطورة مؤخرا... ولا بيقول أن الحب بيضيع الإنسان والخطر مش في سرقة الآثار مثلا وإنما في الحب... ولا بيقول أن الواحد لازم يتبع شغفه ويصحح مسار حياته (أخر مشهد وافتتاح قرية اللوتس الزرقاء).. ولا بيقول الأم هي اللي عارفة كل حاجة.. ولا بيقول أن الأهل اللي مش بيرقبوا ولادهم هيقعوا في مشكلة.. دا غير الجملة الختامية اللي مش مفهومة اللي قالها خالد الصاوى في النهاية... (فين بقى ال coherent اللي في الفكرة) أين الcoherent أنا لا أراه 🤔😄.. يمكن اللي مش مخليني ندمانة على مشاهدة الفيلم أنه تمثيل ماجد الكدواني وباقي الممثلين حلو والفيلم فنيا حلو ومش ممل..وممكن تشوفه لحد الأخر بسلاسة...لكن في عشوائية رهيبة في توصيل الفكرة.. مش فاهمة يعني إيه فيلم فني بس الفكرة أو الرسالة فيها مشكلة.. آنا شايفة الاتنين مرتبطين ببعض ووجود عنصر واحد فيهم في الفيلم لا يكفي.

[@mahmoodhamed5172]

أفضل فيلم لمروان حامد هو الفيل الأزرق وهذا الفيلم اعتبره الأفضل في تاريخ السينما المصرية على الإطلاق وانت يا استاذ أجمد وأحسن ناقد سينمائي

[@zekas2010]

الفيل الازرق علامة من علامة السينما المصرية واظنه افضل ابداعات مروان حامد وان شاء الله يكون عنده افضل منه في القادم

[@AliKurdi49]

انا كارزان من كوردستان عراق انا متابع جديد وغيرت نظرتي بافلام مبدع استمر

[@mohamedibrahem234]

هتعمل مراجعه ل pirates of the caribbean5?

[@alisalah965]

الاختيار صعب...انت بتختار بين يعقوبيان و الفيل الازرق و ابراهيم الابيض😂😂✋..... انا اول مرة اكتب كومنت علي KZbin بس انا big fan .....keep on و احلي فيلم او اقوي فيلم ابراهيم الابيض

[@nourtv2566]

السلام عليكم ..انا اول مره اتابع حضرتك بس اوعدك انى هتابعك باستمرار...........👌👌👌

[@mahmoudezzeldin3728]

هروب اضطراري بقي انا فعلا بحبك جدا مع اني مبتفرجش غير علي حلقات معينة وبستمتع برضه😂

[@karamfattahi9945]

والله نجم وبستنا فيديوهات , وما مفعل التنبيهات غير لصفحتك الرجاء اعطائي طريقة للتواصل معك اريد اهدائك لوغو وتصميم هدية

[@mr3zzoz]

من افضل الافلام العربيه اللي شفتها، بالعكس الفلم فيه عمق قليل قليل يفهمه ومخصص لنوعية من الناس اللي تهتم في الخيال والتراث.

[@marcokhar3935]

سؤال حد يعرف websites القي عليها سيناريوهات افلام عربي بالأخص مصرية؟؟

[@احجاركريمةوكتبقيمه]

الصراحه من افضل قنوات اليوتيوب في تحليل الافلام

[@ابورامزالماوي]

إستاذ محمود مهدي السلام عليكم ورحمه الله وبركاته وشكراً لك على التحليل الفني الممتاز والبعيد عن المجاملات شكراً لك من القلب ⁦❤️⁩

[@ahmedmamesh4006]

حمدا لله ع السلامة يا كبير :D الواحد مكنش عارف يدخل ايه ف العيد من غير ريفيوهاتك :D

[@iishrodingerscatii]

ما عملت التقييم النهائي لواحة الغروب؟

[@abdelrahmanhany2113]

عايزين نعرف ايه رأيك في تريلر الشيخ چاكسون

[@mohammedyoussefjooo3448]

فين التقييم بتاع واحة الغروب ؟؟!!!

[@FilmGamed]

هذا الأسبوع إن شاء الله

[@betalordgaming4560]

Film Gamed بسرعه بقي عشان محبطه و عايزه اعرف رأيك

[@abdallahghonimi6751]

الفيلم من اوله لاخره و انا حاسس اني بشوف تقليد لفكرة فيلم the adjustment bureau بس الفرق هو ان الفيلم التاني كان فيه قصة و لغز و رومانسية و كل حاجة ، لكن الاصليين قعد يلوش بأفكار غير مترابطة برمزيات مباشرة و سطحية بدون اي قصة مترابطة حتى و المهم انه مجاوبش على اهم سؤال المفروض يتجاوب عليه ، الاصليين هيعملوا ايه بالمعلومات الي هيجمعوها و ازاي بيتدخلوا بعد كدة في حياة الي بيراقبوهم

[@ahmedmatouk4383]

ده كان بداية تيار الكمايته

[@batman0021]

ايه هو احلي فيلم السنادى بعد اذنك جاوبني

[@gem2148]

4:56 معلش سؤال فني! هو ايه الفرق بين الفكرة، و الموضوع و الحبكة و الرسالة ؟

[@emann312]

التحليل حلو جداا وشامل جدا وحقيقي...الفيلم مش لكل الناس دي حاجة تضايق....لان فكرة الفيلم والمضمون اساسا يمس كل انسان...لما مش كله يفهمه ويستوعبه..يبقي مش كل "داجن" حاسس بمشكلته اساسا او شايف ان فيه مشكلة في حياته ! ده شئ مؤسف

[@Mohamed_Elsebaei]

يعني رأيك باختصار: ان العيب فينا احنا المشاهدين اولا ثم في توقيت العرض ثانيا. لكن الفلم زي الفل و بعدين انا توهت منك: قولت ان الفيلم مش فيلم مهرجانات لكن بعدها وصفته بنفس اوصاف افلام المهرجانات. باختصار: الفيلم مجرد استعراض عضلات لمروان حامد على قصه هشه لأحمد مراد اللي معتمد على نجاحه في الفيل الازرق.

[@FilmGamed]

عمري ما هاقول إن العيب في المشاهدين - فعلاً في مشكلة في توقيت العرض - الفيلم عجبني جداً - الفيلم مش فيلم مهرجانات ولكنه مهتم بالفكرة قبل أي شيء

[@AhmedMagdy-rk5zq]

Film Gamed طيب ياريت تشرح الفيلم بتعمق في حلقة تانية زي ما عملت في split علشان انا شوفت الفيلم وعجبني اداء الممثلين جدا بس الفيلم كان ممل

[@ibraheemfathy]

أحييك علي طرح النقطه دي بالفعل مروان حامد واحمد مراد وهشام نزيه متأثرين بالفيل الازرق والتسلسل الدرامي سيء وفيه غموض اكثر من اللازم و مغامره علي كل حال وكمان توقيت العرض غير موفق فعلا

[@mohammedasemedelbi709]

كلامك هو خلاصة الحقيقة يا دكتور .. مع الأسف فيلم مبني على نجاح الفيل الأزرق بأفكار وعناصر مسروقة من أفلام أجنبية حتى الموسيقى التصويرية .. الإبداع لا يعني جودة التمثيل والإخراج فقط بل يتطلب تكامل العناصر من قصة وحبكة وسيناريو وفرادة في تقديم عمل فني جدير بالمشاهدة ولا يحضر مشاهد من أفلام أخرى للزبون أو "المشاهد"

[@alyaaasaad1802]

شكرا عالمراجعة الجميلة دي ومتنساناش بقي عاوزين مراجعة wonder woman

[@mohzaher2000]

اكيد الفيل الأزرق الي شوفته في مصر مرتين و في الامارات مرة دا غير انه عندي ع اللابتوب على طول و لسة شايفه النهاردة :) تحليل رائع خلاني فعلا عايز اتفرج ع الفيلم

[@فارسالكلمهالعربيه]

طب على ضمانتك ادخل الفيلم و على فكره بسال بجد ومستانى الرد

[@kinggta2180]

انت مش هتعمل مراجعة لفيلم هروب اضطراري

[@saeidovich3932]

هو حضرتك هتعمل تريلر ريكشن علي فيلم الشيخ جاكسون

[@kingnooriing]

fe spoilers ya gama3a fel video dah ?

[@tefalsherif5462]

تريلر ريأكشن بقا لشيخ جاكسون :]

[@ahmedchr4246]

انت نسيت تعمل مراجعة لمسلسل الحصان الاسود للحلقة الاخيره ولاه ايه؟؟؟

[@cyoussef2458]

واحشتنا مراجعتك يا كبير

[@muhammadelnaghi1337]

يفرق إيه عن فيلم ماتريكس Matrix ؟ :)

[@Dr.Mohamed_Ayad]

استاد مهدي عندي سؤال لحضرتك .... هو تقييم الافلام العربي وتقييم الافلام الاجنبي على نفس المقياس ؟؟؟؟ يعني لما تدي للاصلين تمنيه 8 وتدي ل Deadpool تمنيه ونص 8.5 فهل دا معناه ان الفيلمين نفس الجودة ولا انا فاهم غلط ؟؟؟؟؟؟؟؟؟؟؟؟

[@MeyaAhmedou]

أفضل فيلم عربي في آخر عشرين سنة

[@anwarkamel2565]

حضرتك عميق لدرجة اني افهمك مش عميق لدرجه اللوغريتمات شااابوه استمر وكل فيديو لحضرتك لايك

[@batotakimo2009]

فين مراجعة واحة الغروب التقييم النهائى ؟؟؟

[@smokingget7852]

ممكن اللينك بتاع مراجعة فلم "من الف إلي باء" لو سمحت

[@abduallah9722]

ليش ماحكيت عن اداء كندا علوش🤔🤔🤔

[@mohammadkhatib7882]

مراجعة ووندر وومان اعم مهدي ربنا يخليك، لسا طالع من الفلم من كم ساعة وبستنى مراجعتك..

[@Aliahmed-nk5xu]

ممكن حلقة للشرح القصة و الخيوط الي انا ممسكتهاش في الفليم 😁😁

[@ghofranebenzaied594]

انت من الاصليين يا مبدع لا تستهون بذاتك فلك شأن في ما أنت تسير عليه الآن في مجال السينما او النقد (المراجعة كما تسميها ) .. "الفيل الزرق " كإجابة عن سؤالك هو الافضل في بحر ابداع مروان حامد و احمد مراد و هشام نزيه سبحت فيه سحرة انس السينيما ، كريم عبد العزيز و خالد الصاوي و نيلي كريم و محمد ممدوح .. ثانيا انا متشوق لمتابعة الاصليين لثقة عمياء بثلاثي صناع الفيلم (اخراج و كتابة و موسيقى تصويرية ) من قبل حتى ان ينزل الtrailer لكني مع الاسف لا اعيش في مصر لدخول السينماء فهنئ لكم بوابتها حيث تستمتعون .. ثالثا كلماتك في هذا الفيديو بان عليه الحيرة و التناقض و النقد و المدح و الاستمتاع و القلق لذلك فقد حفزتني اكثر لمشاهدته .. وشكرا اخيرا اريد معرفة حسابك الخاص على الفايسبوك و ارجو قبولي للتواصل معك ..#اما انا فهذا حسابي m.facebook.com/profile.php?ref=bookmarks

[@ibrahemosama8208]

هو في كده في الحقيقي ناس بتراقب اي حد و ممكن كمان تمون بترقبني وانا اعد بكتب كده دلوقتي اارجو الرد بعد اذنكووو

[@MARK-hr1wb]

مراجعه pirates of the carebbian امتى تنزله يا مبدع 😍

[@mohamednasra9173]

أنا اتفرجت على الفيلم في الطيارة و كانت رحلة من تونس للدوحة.. فيلم شيق جدا و شدني ليه بكيفية غريبة

[@ehabmhna]

انا حضرت الفيلم ده تانى يوم العيد وللأسف مكانش عليه اقبال حسب ما عرفت من السينما اليوم الاول محدش حجزه تماماً وما اشتغلش فى ولا حفلة طول اليوم ودخلته انا وزوجتى لوحدنا تماما فى الصالة مكانش فى حد غيرنا ولكن الحقيقة انا استمتعت بيه جدا وفيلم جميل وفيه ابداع من هشام نزيه فى الموسيقى اللى كانت من العوامل الجميلة فى الفيلم ولغة اخراجية جميلة من مروان حامد اما القصة او الخطوط الأساسية من احمد مراد فيها فكرة بس انا حسيت شوية بالتوهان وفعلا مقدرتش اعرف اذا كان فيه رموز واسقاطات سياسة ولا ده مجرد احساسي الشخصى عموما الفيلم ده جرعة سينمائية جميلة وفيها استمتاع ومن ناحية التمثيل او الاداء ماجد الكدوانى ممثل ثقيل العيار بجد وطبعا خالد الصاوى وكل المجموعه وضيوف الشرف ممثلين فى اجادة من المخرج فى الاختيار والتسكين الادوار ، ونسيت اقولك انه مدة العرض طويلة شوية حوالى ساعتين وعشر دقايق تقريبا بس اجمالا انا استمتعت جدا بالفيلم ده . وارجو انك تستمتع بيه زيى وان تقييمي برضة يكون صح :) تحياتى وكل سنة وانت طيب :)

[@andrewwagih6331]

أستاذ مهدى عاوز اقولك كلمة واحدة بس شكراً ليك ... ❤

[@ReemYassin178]

واحة الغروب ... مراجعة آخر حلقة امتى

[@AhmedKhaled-jk1hw]

طب اية هي فكرة الفيلم؟ و ياريت لو حلقة حرق

[@dalalalajmi6498]

ندمانه إني ترددت أشوف هالفيلم بالرغم من إعجابي الأولي للتريلر وقت نزوله .. اليوم بس قررت أشوفه 🥲 و أعجبتني كل تفاصيل الفيلم ♥️ بصراحة تجاهلته بسبب آراء البعض خسارة سمعت كلامهم كل هالسنين و فالأخير طلع نمط الأفلام اللي أفضلها👏🏻 حوارات ذكية و فلسفة راقية براافو لصنّاع الفيلم

[@pioneeridi193]

أنت لميت العدة بسرعة لية؟ فين يا عم باقي مراجعات المسلسلات :D أحنا اتضحك علينا يا رجالة .. هههههههههه

[@rehamahmed3781]

انا خفت تحرقلي فروحت علي اخر الفيديو اشوف تقييمك ايه وبصراحة اتشجعت جدا اني اروحة خصوصا بعد ما شفت الاعلان فأكمل الفيديو بقي بعد ماروح اشوفه

[@MohamedAhmed-li5tl]

ممكن توضحلي مين هما الاصليين والمخرج عايز يقول ايه ؟؟

[@user-sw9wv2pz1u]

نريد قائمة لافلام فنية اجنبية وافلام فنية عربية .. ارجوا انك تعملها فديو

[@okamivolgan]

اكره المبالغات ولا احب الافلام السطحيه بل تعجبني الافلام العميقه ولكن ....يمكن اكثر عيب في فلم الاصليين انه كان مخيب للظن فكل من شاهد اول ربع ساعه من الفيلم غصب عنه سيجد نفسه يتابع الفلم حتى النهايه فالفلم جذاب جدا بل وبدون مبالغه يكاد يكون علامه فارقه في عالم الاخراج في السينما المصريه من حيث استخدام الادوات الحديثه في الاخراج وحتى في اختيار الألوان ........وهنا تكمن المشكله زي مهاجم كرة القدم الذي استطاع تجاوز خمسه مدافعين وعندما كان امام المرمى ضيع الكوره فلن يشكره احد على قدراته الخارقه على ترقيص المدافعين بل سيلعنوه لأنها اضاع هدف سهل .....مشكلة الفيلم ان الحبكه وخط سير القصه كان جميل في البدايه ولكن في النهايه تحس ان المخرج قرر انهاء الفلم بدون نهايه مقنعه وربما تكون غلطة المؤلف كل ما كان يحتاجه الفلم هو نهايه تحاكي كل العقول وتفسيرات لكل الأسئله التي تدور في بال المشاهد اثناء المشاهده ولا اخفيكم كنت اشاهد الفلم على نتيفليكس وقبل ان ينتهي الفلم بربع ساعه تقريبا ادركت اني في مأزق وان الفلم لن ينتهي على خير لأنه ببساطه لن يستطيع المخرج في ربع ساعه انهاء الفلم خصوصا من ناحية قصته والاجابه على الاسئلة الغامضه ....عموما من يحب عالم الاخراج والتصوير سيستمتع بالفلم ولكن لا أحد يضمن لك مشاهدة قصه وحبكه مقنعه ..تحياتي

[@ياسرالهاشمي-ت1ب]

والله اكلك شغلة وحدة واسمعها مني #انت_باشا_مصر #اخوك_من_العراق بس طلب اخوي وعشمان بيك ممكن مراجعة مسلسل الصياد ليوسف الشريف وهذا مو بس طلب مني شفت اجماع عليه من خلال تعليقات الجمهور من خلال فقرة رمضان واشياء تحياتي لشخصك الكريم

[@yomnamostafa5119]

الله يخليك عايزين spoiler وشرح للنهايه لانى دخلته امبارح ومافهمتش النهايه خالص 😞

[@swatzero8213]

مرجعه فيلم هروب اضطراري لو سمحت وياريت لو عندك معلومه ليه فيلم الخليه بتاع احمد عز منزلش في سباق العيد

[@muhammadmazzika8154]

عماره يعقوبيان كان ماستربيس بكل المقاييس وبيتجلي عظمته ف انه اول فيلم من اخراج مروان حامد

[@tamer12300]

أنا شوفت حضرتك في بوينت 90 يوم العيد وأنا داخل الأصليين حفلة 1 تقريبا حضرتك كنت لسه خارج من حفلة 10 .. بس ماسلمتش على حضرتك عشان حضرتك كنت واقف مع ناس :)

[@thegeniuswolf]

لم اشاهده بعد لكنني اتوقعه احد افضل افلام السينما العربية ... على الاقل بالنسبة لي احمد مراد ومروان حامد وماجد الكدواني وخالد الصاوي ومحمد ممدوح لم يخيبوا ظني يوما

[@elkhateeb2011]

هو مروان اخرج غير ( الفيل الازرق ) و( عماره يعقوبيان)؟

[@tamermahmoud2134]

ابراهيم الأبيض و فيلم قصير اسمه لى لى

[@solommarouf797]

اكيد مش مطلوب منك انك تقدم نقد ومراجعه لكل عمل ممكن يعجب اى حد و يطلبه منك لكن اعتقد ان مسلسل 30 يوم في حاجه جديده في الدراما مثل كفر دلهاب لكن مكتملتش نرجو افادتنا

[@AbbasHaider]

أني عراقي ، خلصت الفيلم قبل ربع ساعة تقريباً ، العيب الوحيد الي شفته في الفيلم أن هذا الفيلم ممكن تختصره بـ فيلم نص ساعة فقط أو أقل عكس ما مجريات الفيلم طولت ساعتين بالتمام و الكمال و هي لا تستحق هذا الوقت ، الشيء الثاني يمنع منع باتْ ان المراقب الأصلي (سمير) يستخدم التكنولوجيا لأغراض شخصية مع ذلك شفناه يستخدمه لأغراض شخصية و ما صار شي و أنا و أكثر من شخص كنا منتظرين رد فعل قوي من الجهة الي يشتغل فيهة سمير و كان قاتلنة الحماس لكن بالمقابل صدمنا بإعتذار من الجهة الأعلىٰ من رشدي أباضه تعتذر لسمير و هو شيء غير منطقي حتىٰ لإن عائلة سمير كانت مذنبه أصلاً و لا تستحق رحمة

[@mohamedkhaled8534]

الفيلم فيه خطين .. الخط الاول هو العمق و الرمزيات و المعاني ( وده مش اي حد يفهمه ) و صناع الفيلم نجحوا فيه بإمتياز أما الخط التاني و هو القصة و الاحداث و التشويق زي اي فيلم عادي ( ده اللي اغلبية الناس عايزاه ) و هما فشلوا في ده جدا فلو المشاهد معندوش إستعداد يتخيل و يحلل و يفهم الرمزيات دي يبقي هيقول عالفيلم فاشل لانه مشافش الخط الاول .. شاف التاني بس و ده كان ضعيف .. أما لو المشاهد من هواة الافلام دي هيحب الفيلم جدا و هيبقي عايز يديله اوسكار فهي علي حسب انت دماغك ايه و فعلاً الفيلم مش لكل الناس رغم انه مش معقد بس اللي داخل عشان يشوف قصة و حبكة و مفاجآت و كدة هيتصدم أما اللي داخل يتأمل معاني و يستمتع برمزيات و إبهار بصري ده اللي هيحب الفيلم فـ هي أزواق و أتمني يا رب يعني انا عارف انها صعبة شوية بس بعد اذنكم يا عرب ممكن متشتموش بعض عشان حد عجبه الفيلم و التاني لا .. انا عارف انها صعبة عليكم تتقبلوا رأي مختلف بس معلش

[@Hanan.Elsayed]

mohamed khaled كانوا المفروض يوزعوا لوتس ازرق مع التذاكر عشان الناس تتابع الفيلم بتخيل

[@karenngeorgee]

@@Hanan.Elsayed 😂😂😂

[@karenngeorgee]

Sa7👌🏻

[@eslamcr5999]

بعيدا عن فيلم الاصليين هل انت شايف ان تامر حسني ممثل متوسط يعني يجي منةولا لا وهل هو افضل مطرب بيمثل

[@Ashraf-uu3bn]

احمد مراد كان عايز يطرح فكره الماسونيه باين جدا جدا من الصور والرموز والعين 👀

[@mostafajabrouni9055]

القصة هيا أن الأصلين واخد من الفيلم الأمريكى placement office و الهدف في الفيلم مش الدكتورة بل حامد لأنه مع سيره في نفس الخط كان حيعمل حاجة مش كويزة في الأخر لكن هم فقط سيرو حياته للأفضل و عرفو أنه حيكون أحسن مع الدكتورة و الدليل هو نجح يعمل مشروع القرية السياحية و الدكتورة عندها إهتمام بالأمر و حينفعو مصر أحسن من لو إستمرو في الطريق لكانو فيه ، ده رأي الشخصى

[@Mundial_934]

ياريت يكون في مراجعة تانيه للفيلم بعد فتره من عرضه عشان اللي مفهمش الفيلم او مشفش صورته بطريقه كامله او صح يفهمه

[@bolamichael7464]

كل سنة وحضرتك طيب لو سمحت ياريت تعمل مراجعة فيلم هروب اضطرارى

[@nouranyasser8949]

can u make a spoiler episode because i would like a discussion for this movie its really worth discussing

[@cheselasheen]

أحلى فيلم لمروان حامد فيلم إبراهيم الأبيض وياريت لو تعمل للفيلم مراجعة هو قديم لكن فية ناس كتير بتشوف انه مجرد فيلم أكشن ومخدرات مع انه فيلم رومانسى جدااا وبيقول فكرة حلوة عن الحياة اللى بتمثلها فى الفيلم شخصية حورية.. ومعرفش طلبى ده ينفع أو لاء بس أتمنى تعمل حلقة أو حلقتين كل شهر لمراجعة فيلم قديم من سنة 2000 وأنت جاى كده لأن ممكن حد يسمع فيلم ميعجبوش لكن لما حد ينورله الفيلم ويظهر إيجابياتة بيرجع يشوف الفيلم بمنظور مختلف.. دى مجرد أمنية ومعرفش هل ينفع تتنفذ أو لاء لكن عموما تسلم على كل مراجعاتك المفيدة والمهمة..

[@omaralali240]

وين باقي المراجعات

[@drahmedadel3904]

أنا الفيلم دة مش عارف ليه أثر فيا جدا بصريا و سمعيا و السيناريو بتاعه عملي قلبان في مخي.. حبيته جدا وأثر فيا جدا وبعتبره واحد من أفضل التجارب البصرية اللي شفتها من فترة.. بس مش عارف ليه بحس فكرته خليط من "مزرعة الحيوانات" و "1984" بتوع جورج أورويل! وبحس المزيكا أقرب ل shutter island منها ل inception

[@khaledalsory3548]

بتتفرجش عل فيلم فين ينفع اشوفو عل تلفون

[@بريقالمعرفه]

مبدع كالعادة وبما أنك مش ناوي تنزل شرح للفيلم أو للنهاية علي الاقل فياريت تعمل مراجعة لفيلم هروب إضطراري

[@hazemhussein6818]

باشا كنا عاوزين حلقه عن المشاهد العادى ازاى اقدر انقد اى فيلم يعنى مثلا تقولنا ٥ ٦ خطوط عريضه كدا لو لقيناها فى الفيلم يبقا فيلم حلو