Гүлнар Молдашева мен Рудный музыкалық колледжінің студенті Мэлс Марксов QOSTANAI TV бағдарламасында

Облыстық халық шығармашылығы орталығының қызметкері Гүлнар Молдашева мен Рудный музыкалық колледжінің 2 курс студенті Мэлс Марксов «Қостанай» телеарнасының «Тобыл тынысы» бағдарламасында қонақта болды. Олар 7-8 шілдеде өтетін Ұлттық домбыра күні жайында әңгімелеп, қара домбыраның қасиетін тілге тиек етті. Облыста 7 мың домбырашыдан құралған күй шеруі өтеді деп күтілуде. Бұл бастама Арқалық қаласынан басталып, барлық аудан, қалалардың өнерпаздары жалғастырады. Бірден 7 күй ойналады. Қазір күй таңдап алынды. Үйрету жұмыстары да жүргізілуде. Қазіргі таңда аспапты меңгерген жастар қатары артып келеді, осы дәстүрді сақтап, кейінгі ұрпаққа жеткізу біздің қолымызда.