Günay Novruz "Ayrılacam"

AYRILIĞIN LAP KƏNDARINDA
Səndən gizlin ayrılacam Səndən,
Elə Səndən gizlin də qovuşmuşduq.
Hər gün qol-qola gəzib, söhbətləşər,
Mən sağdan Sən soldan…
-“O kimdi”? soruşmuşduq.
Ayrılığın lap kəndarında dayanmış xəyalım
Bir addım…
- bircə addım Sən atmadın.
Bircə addım mən qaçmadım.
Bir gün gəlib deyəcəm ki, “Ayrılıram”
Sual: “Kimdən”?
Səndən…
-gizlin deyəcəm ki, Səndən.
Adını eşitməyəcəksən dilimdən.
Mən şübhələr doğan ana,
Sən şüphələrin atası olacaqsan.
Yetim qoyacam şübhələrini,
Lap doğduğum gündən,
Səndən gizlin ayrılıb gedəcəm Səndən.