港超聯 傑志陣容大變 慈英由布力般流浪回歸

上季港超僅排第4的傑志，周一（8日）在位於石門的賽馬會傑志中心復操，備戰新球季。會長伍健表示班費料維持2,000多萬，目標擺脫上季季尾低潮、重返高峰。同時他又透露其餘兩名外援為進攻中場、中鋒，惟目前仍在接洽當中，兩人將直接飛往泰國參與季前集訓，全力備戰8月7日友賽馬德里體育會。
「藍鳥」今季陣容大變，基爾頓、羅拔圖、米基爾、保羅、陳晉一等主力悉數離隊，簽入慈英、巴登卡、馬查度、泰利、鐘樂安和林樂勤等新兵，並回收顏卓彬、陳傲軒多名年輕球員。同時又組成新教練團，由上季助教卡度素擔正，名宿列斯奧與葡萄牙籍的蘇沙則任助教。是日操練接近全部球員皆有參與，僅巴西翼鋒伊高沙托尼未歸隊，而金信煜、畢頓僅獨自訓練，球隊會在下周一赴泰國集訓。值得一提，被指赴西班牙試腳的趙聡悟亦有現身，據悉他將待月尾才正式離隊。
傑志會長伍健早前接受記者訪問，透露今季將簽入6名新援，惟暫時只公布4人，收操後他再提到目前組軍進度：「另外兩個係中鋒同進攻中場，嚟自歐洲，已經有目標同提供咗合約。但攻中嗰邊球會有啲手續上阻滯，中鋒方面都要少少時間，應該趕得切直接飛去泰國集訓。」伍健續指今季班費繼續維持約2,000多萬，笑言球隊會「知恥近乎勇」：「今季表現要同傑志過去十幾年相若，舊年年尾有個低潮，但相信依家嘅球員，有能力恢復大家信心。」
另外，金信煜是日未有隨大軍操練，伍健澄清這名南韓中鋒仍有傷在身：「佢最近呢兩日正接受治療，同埋舊年季尾佢有個Personal improvement plan（個人發展計劃），首先要將體能提升到一個地步，唔係咁熱嘅天氣，跟唔到或者健康出現問題就唔係咁好。佢係一個亞洲有名嘅中鋒，我哋都希望佢重拾狀態。」對於決定改由卡度素取代金東進領軍，伍健則盼外界不用解讀太多：「金東進問題係純粹冇個Pro牌，佢年中會全力攞，到時候先再爭過，所以今季會負責帶隊出戰U22聯賽。卡度素就注重足球理論、數據分析，係一個幾適合人選。」
除此之外，有傳前鋒潘沛軒將會離隊，伍健回應道傳聞屬實，但暫時此刻「潘沛」仍屬傑志球員：「『潘沛』曾經簽咗借用約，但中國足協個邊手續上出現問題，所以返番嚟。呢兩日都有中甲球會表示對佢有興趣，要再睇吓係咪真。」
------------------
港超聯　未申請特區護照　慈英：想睇定啲
上屆失落港超冠軍的傑志周一（8日）開操，其中1位焦點新兵，必屬曾效力布力般流浪U21的慈英，他稱會觀望香港足球發展環境，才決定是否申請特區護照。
「藍鳥」早前先後公布慈英、鐘樂安、林樂勤、巴登卡、馬查度及泰利加盟，6名新兵是日悉數亮相操練，惟巴登卡開始操練後不久就疑似因傷，未有繼續練習。
慈英在收操後接受傳媒訪問，透露自己未申請特區護照，打算視乎自己在香港的發展，才再作決定：「想睇吓香港足球嗰環境，可唔可以令自己繼續進步先再諗，始終我仲後生，要好好計劃之後嘅職業生涯點行落去。」
8歲時曾經加入傑志青訓學院的慈英，又坦言「藍鳥」去季戰績並不理想，盼助球隊重奪聯賽冠軍及亞洲賽資格：「傑志擁有好多資源建立陣容，同培育新人，理應要攞到好成績，所以今季目標好簡單，就係要攞聯賽冠軍兼踢番亞洲賽，咁先對得住球會！」
鐘樂安去季助東方奪得「足總盃」冠軍和「亞冠盃2」入場劵，最終選擇轉會至來季未能出席亞洲賽的傑志，但他有信心可以在新球會繼續進步：「雖然打亞洲賽係個好難得嘅機會，但始終傑志有好多好球員，同佢哋一齊練波，點都會令自己有進步，只要大家發揮應有水準，未來一定有機會踢番亞洲賽。」
從均業北區來投的林樂勤，就指雖然自己能司職左閘，但絕不會與早前外流的陳晉一作比較：「我比較多上前助攻，而『一仔』（陳晉一）技術同意識好啲，大家特點唔同好難比較，希望自己應付到踢大球會嘅壓力，爭取入選『大港腳』。」至於年僅21歲的英格蘭門將泰利，則笑言對香港炎熱天氣感到吃力，但相信幾個星期後有改善。
#本地足球 #傑志 #慈英 #我撐本地波 #港超聯 #中銀人壽香港超級聯賽 #睇體
------------------
支持香港運動員，快啲follow埋《睇體》個 IG： / ontv_sports
再再訂閱《睇體》個KZbin頻道：bit.ly/2lD6cD7

[@user-tk6lz7ry3t]

錯失咗一年咁所有錦標要簽約咁多人

傑志總算唔係又執埋D香港聯賽踢左N年接近入籍既老鬼過來, 簽既人總算有D新鮮感, 好事來

[@D3Z112]

I really hope that the new signings can help rejuvenate Kitchee after their disappointing campaign last season.

[@lowowolo9386]

講真，勁嘅係唔會嚟香港踢波！

[@Lekkjason]

邊有咁多勁人呀，每年西甲青訓只有20-30%人先入到西班牙職業league(西甲-西丙)，仲要只係簽約。不過一開始喺香港踢就返唔到轉頭啦，當搵錢吧！

[@leetatwai7086]

幾難啦！簽左鐘樂安

係, 而家勁廢, 不過仲年輕, 睇下過多兩年有無進步

[@user-ox7ej4jv9j]

就算畀你贏曬全香港嘅錦標有如何 出到去亞洲都唔夠人打😢

[@Jerffy6287]

港超些路迪

[@jackycheung4892]

正如其他師兄所講, 我預左球星唔會來香港搵食, 但傑志近幾年差唔多全隊正選用晒鬼佬包括入籍兵, 本地華人無得踢, 如果球迷要睇鬼佬, 何不直接睇歐聯？而去睇沉悶港超？例如丹恩奴域雖然好波但太老, 踢行多過跑的港超還可以, 但踢亞冠明顯唔夠氣力, 我希望睇到後生的華人球員有得踢, 起碼有90分鐘鬥跑鬥撞的氣力, 請睇下越南, 泰國U23球員並非好大隻, 但好跑得, 佢哋唔出名但必定踢死港超班老鬼, 傑志再唔改革好快變成修頓, 麥花臣班老坑玩波

[@BubuzWu-pk2co]

其實依家傑志青訓成績係好好，羅生帶起南華時傑志先一齊大攪，青訓係要時間，你硬夾啲u19上黎踢唔掂無意思，一隊要成績用入藉就緊，慢慢會新舊交替