港人北上消費影響香港經濟 💹 | 走訪大灣區城市睇下一啲餐飲🍽️ | 零售🛍️項目用唔同角度同大家探討🔎、研究🕺🏻、分析✅一下希望能夠比到大家一啲思考方向同資訊🎙️📑

Рет қаралды 1,994

Күн бұрын

港人北上消費影響香港經濟? | 究竟係商機定係傷悲？
其實早起6, 7年前 jLo 就已經同身邊嘅朋友或者年青人講返去大陸睇吓當時嘅商場同埋餐飲做成點，當時已經覺得佢哋進步得快過香港。唔好嘅嘢當然唔好去做，但係見到有啲值得參考嘅地方點解唔去探討一下呢？當時好多喺香港嘅餐飲都冇意欲去做呢樣嘢，因為當時環境靠自由行叫做搵到錢就停滯不前。
Anyway而家大家都要面對現實，憑着自己過去嘅經驗同埋相關嘅知識，希望走訪唔同嘅地方用唔同嘅角度同大家探討、研究、分析一下，希望能夠比到大家一啲方向同埋資訊。
如果之前大家有支持買咗大廚嘅著作，就知道大廚除咗烹飪了得，同大家分享烹飪資訊以外，亦都係商界累積唔少經驗。由疫情去到通關之後大環境已經完全改變，而且路變得更加難行。
就以近年社會激烈討論嘅議題，港人北上消費影響香港經濟呢一個環節，大廚就深入走訪大灣區城市。雖然網上已經有好多片講緊呢個話題，但係我都親身上去了解，希望從過往從事餐飲同埋零售行業嘅經驗，喺唔同嘅角度同大家了解更多。透過呢一系列嘅影片同大家分享多啲市場資訊（尤其係零售同埋餐飲業），分享個人見解。
太耐冇拍片啦，突然間拍返，無論係狀態、軟件、硬件都唔能夠做到最好。如果有啲咩做得唔足唔好嘅多多包涵大家俾啲意見🙏🏻 希望大家唔好介意，亦都想聽多啲大家嘅意見咁我之後拍嘅片先至能夠有進步。希望大家多啲留意互動啦。
今次只係去咗深圳福田CBD Area卓越中心睇咗一啲餐飲同零售嘅項目，作簡單分析，請大家多多支持。🙏🏻🫶🏻

Пікірлер: 15

@YosTalk 3 ай бұрын

大陆的服务性行业（包含餐饮）已经是高度专业化运营了，考虑到成本和一些现实情况，香港是很难竞争的。我觉得香港倒不如反其道而行之，结合自身特色将自己定位为“赶客之都”，说不定能吸引到一群SM爱好者😀

@sunnychan4419 3 ай бұрын

餐飲同行，現系香港亦做餐飲，2009年已上內地管理港資經營餐廳。廣州天河太古滙，新世界廣粵會會所，新世界春廈秋冬商場，東莞新世界酒吧街，佛山禪城新天地。。。過去內地餐廳到現在，現時系優勝過香港本地餐廳。人手，食材，培訓，企業餐廳思想教育員工，津貼加班，過節上班公司有加班費與補償假期給員工，員工年度包薪季節免費旅遊，員工包食住與五險一金，員工進升培訓考核等。內地員工就算落場亦可回宿舍休息，晚上回餐廳當夜班。相對香港做餐飲行業員工質素下降，年輕人教育學歷高，不喜歡服務客人，做餐廳系工作量大時間長。過節更做到身心俱疲，無加班費兼補鐘，公司無培訓，工作量大人手小，以一個人要兼顧二個人的工作量。亦無進升與考核機制，餐飲從業員無資歷架構認可。就算我做酒店餐廳前線員工或管理層亦都無行業認受資歷。。反而，本地年輕人多喜歡做咖啡店，茶飲店，因工作量小，無需走動及搬大量餐具，工作環境比較舒適。另一足以餐廳死亡。。租金無減，亦被業主或商場加租。Isola 系IFC 開了10年以上，亦因加租過勁(100萬租再加30%及15%商場抽佣)已不續租下去。大圍圍方對面，茶餐廳放30萬租，1800尺，100個坐位。亦要搵人頂租。30萬租，10人手，人工連MPF已21萬，水電煤7萬。未計食材雜費已經58萬。。😂😂😂。。現時廣州天河太古滙三樓平台泰國餐廳系中檔路線餐廳，220方。租金平過間大圍放租嘅茶餐廳鋪租😂😂😂。。邊個會去供業主嗰鋪位。。

@jlocookingstudio1575 3 ай бұрын

師兄睇返個時間，大家都應該差唔多時候喺大灣區嘅前身留低唔少腳毛😂。淨係聽到太古匯同埋禪城新天地就已經不得之了，非常有經驗😂😂😂😂。其實系統係要建立之餘，仲要真係有人會用亦都肯聽，老實講用返100%內地嗰一套香港員工又未必接受，但係依家所謂喺香港嘅員工其實都係大部份內地過嚟，有部份人過咗關就好似完全唔受嗰套限制咁冇晒嗰種concept。不過再將時間再推早幾年，其實第一批去內地開餐飲或者做餐飲管理嘅香港人其實都貢獻咗呢種制度唔少，講緊已經係03, 04年開始，身邊都有唔少餐飲朋友上咗北京上海做餐飲管理。其實成本高都唔係完全冇辦法，最重要嘅係冇人肯幫你，完全冇心同你共事嘅一班人就真係想點做都做唔出啲咩樣。而家香港地貧富懸殊越來越遠，喺啲中高檔嘅食肆好似生意都唔錯，但係睇返啲中低端嘅就真係喊到眼淚水都冇。做中價嘅仲更加啞子食黃蓮！💩💩☠☠By the way以我認知好似係今年先至做咗餐飲從業員嘅資歷架構認可，但係我唔100%肯定，可以去睇吓。不過呢樣嘢實際其實對班前線就冇乜幫助，而家大嗰班就只會睇錢同埋舒唔舒服，後生嗰班就要睇型唔型，好唔好玩。真係極少數人先至希望喺個行業入邊做直升機，呢個正正就係好難搵啲正常人返工嘅原因。😔😔

@sunnychan4419 3 ай бұрын

@@jlocookingstudio1575 師兄。。香港做高中都難做。。米之蓮都收皮。。VEA ，魔廚，Eddy Chef 。。。都死了一半。。( 今年聖誕後到現在 ) 只有大集團，酒店重可以頂住。GAIA group Isola 都死咗。內地做餐飲系好過香港。。租平過香港，人手充裕可供選擇。食物貨源可選進口。深圳美奈小館由一間做到開十幾2十間，廣州太古滙尚蓮Lian 一間做到七間。。。以上二間不同老闆系港人投資。。。仍未執笠。。

@jlocookingstudio1575 3 ай бұрын

@@sunnychan4419 係呀，大集團會捱得耐啲，但係其實都唔係話可以避過呢一劫😂。以我所知好多大集團都要諗計，好多都要發展海外市場去填番香港少咗嘅數。好多高檔收皮都有唔同嘅原因，喺而家白熱化嘅餐飲市場，做高檔亦都唔可以一成不變，始終捨得使錢嗰啲人少咗好多。但係都有唔少高檔生意都依然做得唔錯，當然亦都有好多唔同嘅原因啦。

@albertchiu655 3 ай бұрын

支持留港消費!!

@jlocookingstudio1575 3 ай бұрын

10分支持，希望所有香港人留港消費，期望郭郭行業出盡力做到最好維持競爭力！

@albertchiu655 3 ай бұрын

@@jlocookingstudio1575 難回復往日光輝!!

@jlocookingstudio1575 3 ай бұрын

@@albertchiu655 往事現已只能回味，過去已經過去，宜家希望先至少能生存，捱得過再諗計。

@albertchiu655 3 ай бұрын

@@jlocookingstudio1575 互勉!!

@muileechan3813 3 ай бұрын

香港的繁榮是靠排名英國殖民地國際地位高把香港人驕縱慣了自視太高。現在時局已變在國際上不得不承認是中华人民共和國香港。香港的服務行業香港人應從新認識自身不足多改變自己😊😊😊😊

@chunkongchung2746 3 ай бұрын

十年前多,好多茶餐廳開始用新移民,但又沒有訓練,全是用口述大大聲對答.廚房冇魚啊,知啦兩位啊....又沒對講機,百份百,翠華,譚仔習慣成自然,到今天都係一樣,所以係洗牌日子要開始了

@jlocookingstudio1575 3 ай бұрын

同意! 十幾年前嚟嗰班新移民，都幾肯拼搏，因為佢哋都想搵機會向上爬。做嘢勤力又快手，形成咗好似譚仔呢一種嘅成功，亦都可以講打造咗一種獨有嘅文化。而呢一班人好多已經上咗位，亦都響度教緊啲新人。但係始終青黃不接而家同十幾年前比始終都係差啲。至於洗牌，呢幾年就越洗越犀利，尤其是由舊年開始就更加誇張。

@faiyuento7951 3 ай бұрын

簡單去落單買杯茶飲都要被無視，眼尾都唔望你就走開，唔該同客講聲請等等！金口難開。（櫃面有四個店員）唔好講服務了！香港店面就係如此水準。

@jlocookingstudio1575 3 ай бұрын

絕對明白，我諗大部份嘅人都有唔同嘅經歷面對過好多不知所謂嘅前線員工。其實呢幾年好多老闆都叫苦連天，根本想請過正常啲嘅人都難過中頭獎！請到個會呼吸唔射波，已經算係安慰獎！喺出邊久唔久都會見到啲勁好嘅員工，但係只可以眼紅人哋點解人哋可以請到好嘅人。都已經唔係錢嘅問題，亦都唔係品牌問題，十居其九都係個人性格同品格問題。冰封三尺非一日之寒…