Рет қаралды 24,981
【高歌堂食】喜聚火鍋雞煲專門店 $88 午市火鍋套餐 + 超抵好味點心 環境舒適 + 必食推介! 真係幾十蚊幾個人分!!
今次我哋又有口福,本來以為表妹介紹我哋去旺角一間酒樓食點心,點知原來另有乾坤,除咗即叫即蒸嘅點心之外,依度仲推出咗午市無限時火鍋套餐,可以選擇雞煲、酸菜魚、水煮魚或胡椒豬肚雞,再配美國特級肥牛拼盤、蔬菜盤加主食....成份餐都係 HK$88 起,講真以依個份量,最少2人先食得晒!店家亦好好,無限我哋時間,啱晒高川依啲鐘意慢慢嘆嘅朋友。
食物質素方面,不論係點心還是火鍋,所有食材都好新鮮,我哋今次揀咗『金湯酸菜魚』同『胡椒豬肚雞』煲,兩個煲滾起嘅時候都香氣撲鼻,湯底鮮甜,濃度啱啱好,魚片好滑,豬肚超腍,連高川唔係好食魚嘅都話 ok!食唔到辣嘅朋友仔,可以叫店員少辣 (因為我覺得酸菜魚都係有啲辣)
點心方面,基本上即叫即蒸嘅都無得輸,推介大家必食『鮮蝦網皮腸粉』,『懷舊芝麻卷』同『芝麻雷沙煎堆』,返叫指數超高!
喜聚火鍋雞煲專門店
地址: 旺角豉油街126號明威閣地下及1樓 (港鐵旺角站 E2 出口,步行約7分鐘)
電話: +852 23111108
#喜聚火鍋雞煲專門店 #喜聚火鍋 #點心 #飲茶 #午市 #旺角