غريبية الورقة⁦🇩🇿⁩ بأسهل طريقة وبمقادير مضبوطة/كيلو كاوكاو شحال يخرج من حبة

#غريبية_الورقة_مشروع_ناجح
-مرحبا بيكم اخواتي أن شاء الله يعجبكم الفيديو ماتنساوش تزوروني على الانستغرام تخليلولي رأيكم وتعرفوا الأسعار للمهتمات ...
-رابط الانستغرام:👇👇👇
/ wasafat_oom_tasnim
🍂🍂🍁🍁🍀🍀⁦☘️⁩⁦☘️⁩🌿🌾
المقادير :
-العجينة :
-ثلاث كيلات فرينة يكونو منخولين (الكيل المستعمل هيا علبة زبدة وزن250غ).
-قرصة ملح.
-ملعقة صغيرة فاني .
-ملعقة صغيرة ملون ابيض غبرة (يمكن الاستغناء عليه).
-كيلة إلا ربع سمن ذايب وبارد.
-ماء وماء الزهر لجمع العجينة .
-الحشو:
-حوالي 900غ كاوكاو مقلي ومرحي مليح(راني غلط في الفيديو قلت 800غ) نكيلهم ثلاث كيلات معمرين ومشوشيين .
-نصف كيلة سكر ناعم .
-زوج ملاعق كبار حلوة الترك .
-كيلة فرينة محمصة على نار هادئة حتى تأخذ اللون البني .
-بياض بيضة .
-للتزيين :
-بيستاش قيس 20الف .
-لاجولي أو عسيلة حوالي زوج ملاعق كبار.
-ورقة ذهبية.
🍂🍁🍁🍀⁦☘️⁩⁦☘️⁩🌿🌾🌿🍀🍁
-ملاحظات مهمة👇👇👇👇
-اول ملاحظة حول الطياب نتاعها :
-غريبية الورقة طيب على 170درجة مدة لا تتجاوز 10دقائق علاه: لأنو الحشو كلش فيه طايب كاوكاو مقلي مليح والفرينة محمصة يعني قيس ما تتماسك الحبة برك وإذا طولت في الفرن راح تتنفخ العجينة ويتخسر كامل شكل الحبة .
-كاين اللي ما يديرلهاش النار من الفوق ولكن أنا طيبتها من فوق قيس 3دقائق باش ما تبقاليش معجنة.
-بالنسبة للعجينة يمكن الاستغناء على الملون أو ديروا اي ملون تحبوه ولا تخليو العجينة عادي.
-سمك العجينة يكون رقيق مليح انا درت الرقم 6في المشينة يعني حاولوا تحلوها رقيقة مليح واستعينوا بالنشاء أو الفرينة لأنو العجينة مبسسة مليح.
🍂🍂⁦☘️⁩🌾🌾🌿🍀🍁🌿⁦☘️⁩

[@azertyazerty4999]

ما شاء الله على قناتك هايله وخدمتك وكلامك كلش فيك راقي وهايل اثبتي تعليقي وادعولي بالذريه الصالحه

[@Oom_Tasnim_Gateaux]

ربي يحل حزامك ويرزقك يارب بتووام 😍😍😍😍

[@azertyazerty4999]

امين ياربي أنا اصلا توميه عندي اختي 😍😍😍

[@qurandz5345]

سلام عليكم ممكن اشتراك صدقة جارية بارك الله فيكم ستغلق 💔😢

[@soundousbtr6666]

راكي روعا يدك تتلف فلحرير رابي يصلحلك ولدك

[@hacenchefrag227]

ان شاء الله ربي يرزقك يا اختي لعزيزة بتوأم ربي فرح قلبك متخميش يا اختي ربي حنين كريم ويرزقك بإذنه تعالى اختي انا من متتبعات قناة طبخ وحلويات وحكايات الباتنية فيها فيدوات على الموضوع ادخلي اختي بلاك تستفادي وربي معاك

[@samah4218]

سر غريبية ورقة فرينة محمصة و حلوة ترك نتي وحيدة ل قلتي عليهم يعطيك الصحة

[@mayadamassa3432]

كاين وحدة دارتها بلاما تحمص الفرينة وبلامادير حلوة الترك جاتها مليحة

[@amelmana5317]

تجي تهبل بالفرينة محمصه و حلوة الترك

[@mounirasahli2871]

غريبة الورقة متجيش فيها الفرينة وحلوة الترك

[@shrokaboshady6176]

سلمت أياديكى الطيبة ام تسنيم ...فكرة جميلة الفرينة المحمصة علشان تشد الحشوة شوية ..ماشاء الله عليكى ...تحياتى وتقديرى ...من مصر

[@kenzabougarnne6579]

روعة. عندي طلبية و رايحة نعتمد الوصفة تاعك لافوخ ولا زوخ ربي يعطيك ماتتمناي

[@hanane9692]

وش نقولك يا ختي كنت متخوفة منها وتبانلي صعيبة تبعت الوصفة تاعك خرجتلي رووووعة شكلا ومذاقا جزاك الله كل خير وحفظك من كل سوء

[@OumZaim-wz2bm]

عيشك جاتك طرية

[@amedhako8480]

يعطيك الصحة وصفتك دائما روعة قوليلنا بشحال تسحبي الطلبية انتاع كل نوع💗💗💗💗

[@samtou5930]

لي حابة تجربها تجرب وعينيها مغمضين وصفة ناجحة تهببل من اول تجربة ⁦❤️⁩⁦❤️⁩⁦❤️⁩

[@FerielChahin]

نقدر نعوض السمن بالزبدة؟

[@aminamimi1950]

ولي معندوش مشينة لي تحل بيها تريح تتعدب بالحلاال

[@doniahlwacome2541]

والله احسن واسهل طريقة شفتها غير عندك في غريبية الورقة يعطيك الف صحة يافحلة اعانك الله وسدد خطاك بالتوفيق ان شاء الله واصلي

[@amalamoula7063]

درتها في العيد جات تهبل كامل عجبتهم وراح نزيد نخدمها لعرس خويا

[@daliarije6773]

يعطيك الصحة اختي الكريمة. طريقتكي واضحة وشرحكي مبسط و واضح. شكرا

[@manelmanoula6378]

ربي يبارك تسلم ايدك جربت مخبز الكاوكاو تاعك والمقروض جاوني روووووعة 😘😘😘😘

[@kouki6845]

حبيبتي حبيت نقلك الف الف شكر وجزاك الله خير على مصداقيتك اني جربت وصفة غربية جاتني دوب دوب يعطيك الصحة الوصفة ناجحة مليون بالمئة والله ماني نزيد لي محتارة تجربها غير تجربها

[@Oom_Tasnim_Gateaux]

الحمد لله وبالصحة ولهناء حبيبتي 🥰💛

[@MounaDidil]

يعطيك الف صحة راني شفتها عند وحدة ومفهمتهاش ودخلت صدفة عندك لقيتها شكراولكن متتعسلش خلاص راني متتبع جديدة وصفة رائعة ماشا الله

[@aichouchakimou7599]

جربتها وناجحة والله كامل لي ذاقها عجباتوووو يعيطك الصحة

[@user-wb9cj1pb7z]

مشاء الله روعة وتبان بنة عظيمة يعطيك صحة ختي نسقسيك برك بقده الحبة وشكرا❤

[@zora4654]

راني جربتها اختي وجاتني روعة يعطيك الصحة ❤️

[@bouboubouti4575]

جربتي كيما قالت بعد

[@zora4654]

​@@bouboubouti4575نعم اختي جربتها كيما قالت والله جات اكتر من روعة وهادي اول مرة نجربها

[@nawalbb4770]

جاتك روعة يعطيك الصحة. بالنسبة للفرينة فالحشو نورمال خاطر اول مرة وحدة تحطها

[@ishakstaihi5124]

جربت غربية لكاوكاو وحلوة الترك جات روعة وصفاتك ولااروع

[@sipringrose9384]

يعطيك الصحة جات تهبل قاع عجبتهم وراني جايا نتفرج باغيا نعاود نخدمها ❤

[@boutarfafayza6133]

يعطيك الصحة على مصداقيتك ربي يعطيك ما تتمناي ام تسنيم

[@user-sy7yp1lx2v]

جربت وصفتك خرجتلي تهبل تهبل ماشاء الله عليك

[@Oom_Tasnim_Gateaux]

بالصحة ولهناء غاليتي 🥰🥰🥰🥰

[@frfr-oj4xb]

انا نحب الغريبية بكل انواعها ٠٠٠ عجبتني ااوصفة انشاء الله نجربها يعطيك الصحة

[@zaidi2657]

هايلة ام تسنيم كون مدرتيش لبيسطاش والله هكاك وتهبل

[@sanasouna5542]

يعطيك الصحة ❤️ قررت نطيبها بطريقتك من قبيل وانا ندور في اليوتيوب مالقيتش طريقة تعجبني وتفهمني لأنه هذه اول مرة نديرها في العيد 2023 ... تعيدو بالصحة و الهناء يا رب ❤

[@salimagigi8687]

اختي درتيها هكا بعد وجات مليحا؟مام انا عييت نحوص على وصفة تعها قدقد والفرينة لي زادتها في الكاوكاو نرمال

[@user-vv1mj4rj5l]

جربتيها اختي من فضلك نحوس نديرها

[@tulip_926]

يعطيك الصحه ام تسنيم جاتك الغريبية تحفه ماشاء الله فضلا و ليس امرا اكتبي في العنوان غريبية الورقة القسنطينية الجزائرية مع العلم الجزائري لان مع الاسف سرقوها الجيران و نسبوها لبلادهم و رجعت تسمى حلوى اللوز

[@wissambch2662]

ماشاء الله من فضلك زيدي قوليلنا على سعر الحبة و شكراً

[@assouma1921]

الله ايبارك يعطيك ألف صحة و عافية على كل الوصفات ممكن تقولينا علي سعر الحبة

[@djouri4389]

كن سبب في كثرة الصلاة على سيدنا محمد صلي الله عليه و سلم ❤️❤️❤️

[@laouicibilal3973]

خدمتك ما شاء الله ،شكرا على الوصفة راكي عطيتهم سر الغريبة أنا نخدم ليكوموند بهاد الطريقةإلا حلوة الترك ما نحطهاش

[@wiwiwiwi9636]

وصفاتك اكل فالقمة جربت وصفة قريوش لمرحة في ختان ابني جا فووووور الناس اكل عجبها

[@zinaatik2940]

جات رووووووووعة.يعطيك الصحة.سعر البيع من فضلك

[@ZakiZaki-sg3ii]

يعيك الصحة درتها وجاتني ماشاء الله

[@manelange6707]

ياختي لعزيز ة يعطيك الصحة وربي يحفضك ويسترك من العين غير الوصفات نتاعك لنديرهم ويقولولي ماشاء الله نقولهم راني مع الأستاذة نتاعي ربي يخليهالي انشاء لله

[@missifaysal8188]

جات تهبل يعطيك صحة نحب واحد كي مد الوصفة قدقد

[@sabrinabendiaf1823]

يعطيك الصحة يسلمو الايادي جات تهبل و البنة أكيدة بصحة مولاتها

[@arbiarahma2036]

جربتها وجاتني تهبل بالطريقة تاعك يعطيك الصحة ❤❤❤

[@bdj6750]

نصيحة من حلوجية زيدو بياظ بيضة في العجينة باش ماتترتقس في الطياب فيها كاوكاو فيه الزيت عن تجربة و شكرا صاحبة القناة

[@aboudaboud7689]

ختي نقدر نزيدلها حلوة ترك

[@bdj6750]

تقدري بياض البيض يحكمها ما تتشققش

[@nassimabela]

​@@bdj6750 اختي لعجينة جتني يابسة واش نديرلها

[@moumenmouhamed238]

يعطيك الصحة 👍👍 خرجت تهبل مذابيك في الفيديوهات تفيدينا بالأسعار

[@rayaneuniverstv5097]

اللهم صل وسلم على سيدنا وحبيبنا محمد عليه افضل الصلاة والسلام

[@ibtissemmekhalfa5838]

يعطيك الصحة درتها اليوم الوصفة و خرجتلي اكثر من رائعة

[@tatemnadjia2264]

ماشاء الله تبارك الله فيك كونت نحوس عليه سلم يديكي حبيبتي

[@user-qh5fb7jv5r]

جاااام بلا مانكمل وزيدي حطي السعر وتكوني top كيما انا نعتمد اسعارك فالخدمةوشكرا دمت متالقة🌹

[@bendjaballahidris3570]

باذن الله نجربها ىعمرة امي ❤ تهبببببل

[@binabibiya958]

جربت وصفتك في غريبية الورقة جاتني تحفة الله يبارك عجبتني ياسر يعطيك الصحة

[@MedMed-eh4xe]

سلام اختي صحا فطورك اختي

[@MedMed-eh4xe]

درتي نفس لمقادير

[@MedMed-eh4xe]

الكوكاو جاني حلو ياسر وخرجلي كيما حطيتو يطيب

[@binabibiya958]

@@MedMed-eh4xe ايه درت نفس المقادير مازدت مانقصت وجاتني تحفة

[@binabibiya958]

@@MedMed-eh4xe ايه لازم تقطعها وتدوريها بالحذر وتدخلي الحواشي بيدك

[@SimoSimo-xb9jg]

اللهم صلي و سلم على سيدنا و نببنا محمد صلى الله عليه و سلم

[@siarmine7407]

جاتك تحفة ، شكرا على الوصفة حبيبتي 💟

[@rachabena3017]

يعطيك الصحة شحال نفرح كي نلقي فيديو ليك موفقه عزيزتي ومشكورة

[@sirinelag8121]

اللهم صل على محمد و على آل محمد كما صليت على ابراهيم و على آل ابراهيم إنك حميد مجيد اللهم بارك على محمد و على آل محمد كما باركت على ابراهيم و على آل ابراهيم إنك حميد مجيد

[@user-kt2hl6om7q]

يعطيك الصحة ما شاء الله...ختي شحال حبة يجيب هذ المقدار....وتعيشي نحوس على لكروكي لمعسل راه فقلبي

[@nesrinehalit1098]

جربتها مشاءالله تبارك الرحمن ربي بارك لك

[@zinakadour8469]

ماشاء الله عليك راكي ديما تووب ❤️🥰 حبيت نسقسيك بشحال تحسبي الحبة انا مبتداة فهاذ المهنة و منعرفش السومة جاوبيني ربي يحفضك 🌼🍯

[@raniarania7106]

الله يبارك عليك ربي يوفقك اختك في الله

[@ilyassesajed9926]

كنت نستنا فلوصفة متتبعة وفية

[@harouneharouni8136]

تحفة ماشاء الله

[@sousou9574]

يعطيك الصحة ام تسنيم وصفاتك كلها روعة بالتوفيق والمزيد من النجاح

[@islam-tm1ov]

يعطيك الصحة جات التهبل

[@rosadamer6588]

وعليكم السلام ورحمة الله وبركاته اعطيك الصحة حبوبتي ماشاء الله عليك روعة top ربي يسعدك ويحفظك ❤️❤️❤️❤️

[@redouanehamedi1713]

يعطيك الصحة جات تهبل قوليلي شحال تخرج من كيلو هذا المقادير ارجوك الله يوفقك

[@akramfethizaali9671]

يعطيك الصحة واخرا لقيت على واش نحوس

[@afifadjellabie4104]

يعطيك مانتمني يا ام تسنيم شحال وانا نبحث على هذا الوصفة ربي يجازيك كل خير

[@SaraSara-xe2js]

لعام لي فات اول مرة ندير غريبية الورقة وكنت هايبة منها جاتني تهبببببل والعام هذا باذن الله ناوية نديرها

[@gateaudelicesconstantine2100]

اعطيك الصحة خرجت تهبل من فضلك أنا حابة نخدم طلبيات بصح حبيتك تنصحيني كيفاه ندير مع العلم مانقدرش نتبعك في الانستقرام ماعنديش من فضلك انصحيني

[@abrarbarkati628]

تبعي قناة مطبخ الاصيل روعة توريلك كلش

[@naimateffah880]

ربي ابارك مشاء الله فيديو فالقيمة او ل مرة نشوف فيديواتك بالتوفيق حبيبتي شرح مفصل هايل سلام

[@user-fg4lk8zo6l]

جربتها جاتني روعة يعطيك الصحة اختي

[@user-pi1ut9os9t]

الله يبارك يعطيك الصحة تستاهلي الاشتراك والجام وكلشي اول مرة نشوف وحدة تقول اول مرة نخدمها والتوضيح رائع بلا بخل

[@asmabenlahrache7674]

الله يجعلها في ميزان حسناتك شكرا اختك من قسنطينة

[@oumamalanani2046]

الله يبارك اول مرة نشوف قناتك وصفاتك تهبل وناجحة تسلم ايديك

[@yassine3197]

اختي ام تسنيم حبيناك تفتحينا حبة ڨاطو نشوفو طراوة وشةرا

[@wardetelremal625]

جاتك هايلة ما عنديش ايستغرام ممكن تقولي اسعار حلوة لما تعملي فيديو شكرا

[@sidrabachir1376]

حابة نجربها جامي ذقتها

[@naimakhelladi9234]

يعطيك الصحة يرحم والديك اختي راكي تعلمي من قلبك ❣️

[@umkeltumumusama3980]

جبتيها وجبتيها ختي الله يبارك وربي يعطيك الصحة

[@fafabrunette1721]

يعطك الصحة اختي العزيزة خدمتك متحوفة ومتقونة ربي يوفقك.

[@user-el2og6pn4k]

يعطيك الف صحة شفتها فالستوري شهاتني كنت نستنى تحطي الوصفة

[@zahiacheikh3763]

يعطيك الصحة هايلة حتى التزين عجبني راح نخدمها ان شاء الله في فاتحت بنتي شكرا

[@RahimRahim-iv3bm]

جزاك الله كل خير اختي في الله ورزقك من حيث لا تحتسب

[@samsouma9677]

الله يبارك جات تهبل يعطيك الصحة

[@selsabilboubakeur3689]

صباح الورد والياسمين يعطيك الصحة والعافية 😍😍😍😋😋😋

[@rimrimat8792]

يعطيك الصحة كل متجيني طلبية نرجع لقناتك ربي يعطيك الف عافية

[@Oom_Tasnim_Gateaux]

هذا شرف كبيييرر كبير ليا حبيبتي 🧡😍

[@rimrimat8792]

💓💓💕💕💓

[@phonehouse7226]

تهبل يعطيك الصحة اول مرة نشوفك ربي يوفقك

[@user-pq9to8sl2t]

أكيد جبتيها

[@mimimiyami9283]

يعطيك الصحة راح نديرها

[@zinebagg7826]

الله الله عليك يا حرة الحراير 😍😍🥰🥰💗💗💗💗

[@samah4218]

خدمة متقونة

[@mouhamedaichwi4761]

تهبل يعطيك الصحةنفتحها فالرقم الأخير ولا ماقبل الأخير

[@Oom_Tasnim_Gateaux]

ماقبل الاخير اختي

[@user-lm1zl4uu3z]

صباح الايمان بالله والعون علىه بارك الله فيك والنجاح الدائم

[@SaidaMrbt]

يعطيك الصحة اختي خرجت ماشاء الله

[@rahmaasil1133]

فنااااانة وتشرحي مليح يعطيك الف صحة

[@sajidaquen6838]

ربي يبارك ما شاء الله تبارك الرحمن

[@souhilanas8906]

فعلا وثصفاتك ناجحة ولذيذة هذا عن تجربتي اتحدث اعانك الله اختي وبارك فيك وفي عملك

[@samramanal1028]

يعطيك صحة ربي يوفقك خرجت تهبل تهبل 😋😋راكي ديما في القمة كل شيء ماشاءالله 💎💎💎

[@chahrazedtaleb2630]

السعر شحال تحسبي للحبه هكذا اختي ربي يحفظك

[@RekiaBechki-mw9nh]

معرفتيش سعر شحال؟

[@mounirakachabia2637]

توووووب جزاكي الله خيرا ربي يحفظك

[@takwaabir3069]

صباح النور والسرور

[@ac-ep6nv]

الله يبارك خدمتك منظمة ومتقونة

[@arbouzecherine9111]

يعطيك الصحة تشرحي بالتفصيل

[@PubgPubg-fv3bt]

يعطيك الصحة يا الفحلة عمل متقن

[@karimabenarfa9048]

روعة خدمة واتقان

[@haidrawalid996]

الله يبارك كل وصافاتك. تهبل انا حلواجية مبتدئة وراني نتبع معاك كل نصائح. لكن كنتي تقولي أسعار. ودوك. بطلتي. أسعار نستافدو منهم. بزاف وشكرا

[@samah4218]

ل يتفرج فيك احس روحو يقرى ف تكوين ولا في معهد تاع حلويات....كلش واضح معلومات قيمة

[@aminakab5936]

الله يبارك خرجو تحفة ،شحال السعر من فظلك