Рет қаралды 5,147
لـ طلب التصميمم ادخل الرابط واتسس مباشرة 👇🏻
wa.me/message/AORQ4VDYGYFSB1
كلمات
استعدي يالقريحه واستهلي
وابحري بي في ميادين الجزاله
الجزاله في شواردها مفلي
شاعرٍ متنومس بـ عمه و خاله
من جفير القاف يـ الافكار سلي
سيفك اللي اخضابه الهزل وخماله
هلي الجزله على ابن ابعيث هلي
شيخنا اللي مايعشق الا الجماله
الفهد بالطيب والعز امتحلي
ذا فهدنا ذا غريم الاستحاله
يا سعدنا ياعمى عين المغلي
يا فخرنا لـ افتخر كلن في آلـه
المراجل ماتورث غير لـ اللي
دون ربعه ساق ماله عقب حاله
المراجل يافهدنا ما تولي
السلاله ينحدر منها سلاله
ياظنى عبدالله بن بعيث ياللي
ماخذ من فعل ابو خالد وكاله
فلي الذكرى على المرحوم فلي
ياقريحة شاعراً طربٍ و داله
على الصعيد الخارجي ويا المحلي
اسمه اثقل من طويق ومن جباله
ماتعلى لو له حق التعلي
التواضع والتسامح راس ماله
فاقده بيت الله اللي به يصلي
من قبل لاينفقد عند الشكاله
ال حمرا في ذرا اسمه تستضلي
الفخر مزنٍ يداعبهم اخياله
ال حمرا عند ذكره تسفهلي
واتنومس به الى حد الثماله
باب ديوانه لضيفانه يهلي
مدهل اصحاب الفخامه والجلاله
الوصيه ردت الزمل المفلي
نصها واضح في مضمون الرساله
الله الله ياعيالي في محلي
افتحو بيبانه ومسو حباله
والدليل اليا بغينا نستدلي
ذي معاميله وهذولا عياله
المراجل عندهم مثل التسلي
كل ابوها لوجه ربي ذو الجلاله
ويش ابقي ياقصيده ويش اخلي
الطوال اقصار عند اهل الاصاله
و القصيده دونها شاعر مظلي
والفخر ساق المظله صوب خاله
#الاسكندر_للمونتاج