Рет қаралды 6,344
Сёння мы прэзентуем дэма-ролік праекту "Спяваем Разам - гімн Пагоня", у якім беларусы з амаль 30 краін сабраліся разам у анлайне і праспявалі нацыянальны гімн Беларусі «Пагоня».
Яго зрабілі для ўрачыстай цырымоніі адкрыцця Народных Амбасад Беларусі, якая прайшла 10 снежня ў анлайне. Гэта відеа - маленькі рэ-мейк чэрвеньскага роліка на канале Годна з далучэннем восеньскіх матерыялаў ад беларускіх дыяспар, якія зрабілі запісы спеваў на вуліцах сваіх гарадоў і наваколля, каб перадаць на Радзіму хвалю салідарнасці з розных канцоў свету.
Фінальны ролік ад беларусаў замежжа чакаецца пазней.
У запісе песні летам і восенню паўдзельнічалі:
- оперны барытон Ілля Сільчукоў
- гусляр Алесь Чумакоў і спявачка Таццяна Ячная
- мастацкі кіраўнік і дырыжор хору "Concordia" Галіна Казіміроўская
- вакаліст украінскага гурта "Антитіла" Тарас Таполя
- спявачка беларускага гурта "Shuma" Марына Шукюрова (Руся)
- бразільская музыка Cristiane Nogueira Miguel
- беларускамоўны бэнд з Францыі "Lounata"
- актрыса і фотамадэль Elee Nova
- а таксама беларусы з Аб’яднанных Арабскіх Эміратаў, Аўстраліі, Аўстрыі, Беларусі, Бельгіі, Бразіліі, Вялікабрытаніі, Германіі, Грэцыі, Грузіі, Ізраіля, Ірландыі, Італіі, Канады, Кіпра, Латвіі, Літвы, Люксембурга, Нідэрландаў, Польшчы, Партугаліі, Расіі, ЗША, Тайваня, Турцыі, Украіны, Фінляндыі, Францыі, Чылі, Швейцарыі, Швецыі і Эстоніі.
Відеа мантаж - дыяспара Вялікабрытаніі: www.nadzeya-by.co.uk/
Арыгінальная ідэя кліпа - кампанія «Годна»: hodna.by/
Тэкст: Максім Багдановіч
Музыка: Мікола Шчаглоў-Куліковіч
Толькi ў сэрцы трывожным пачую
За краiну радзiмую жах,
Успомню Вострую Браму святую
I ваякаў на грозных канях.
У белай пене праносяцца конi,
Рвуцца, мкнуцца i цяжка хрыпяць,
Старадаўняй Лiтоўскай Пагонi
Не разбiць, не спынiць, не стрымаць!
Старадаўняй Лiтоўскай Пагонi
Не разбiць, не спынiць, не стрымаць!
У бязмерную даль вы ляцiце,
А за вамi, прад вамi - гады.
Вы за кiм у пагоню спяшыце?
Дзе шляхi вашы йдуць i куды?
Мо яны, Беларусь, паняслiся
За тваiмi дзяцьмi наўздагон,
Што забылi цябе, адраклiся,
Прадалi i аддалi ў палон?
Што забылi цябе, адраклiся,
Прадалi i аддалi ў палон?
Бiце ў сэрцы iх - бiце мячамi,
Не давайце чужынцамi быць!
Хай пачуюць, як сэрца начамi
Аб радзiмай старонцы балiць.
Мацi родная, Мацi-Краiна!
Не ўсцiшыцца гэтакi боль.
Ты прабач, ты прымi свайго сына,
За Цябе яму ўмерцi дазволь!
Ўсё лятуць і лятуць тыя коні,
Срэбнай збруяй далёка грымяць...
Старадаўняй Літоўскай Пагоні
Не разьбіць, не спыніць, не стрымаць.
Старадаўняй Літоўскай Пагоні
Не разьбіць, не спыніць, не стрымаць.
Падрабязней пра кампанію «Годна»: hodna.by/