اغتيال السادات.. لماذا تجاهل الجيش تحذير المخابرات الحربية من خالد الاسلامبولى

حلقات مقترحة
خطة المشير
• كيف أطاح المشير أحمد ا...
خيانة عظمى
• أمريكا تتعرض لخيانة أه...
العراق وحرب اكتوبر
• العراق وحرب اكتوبر
الجزائر وحرب اكتوبر
• ماذا قدمت الجزائر لمصر...
من هزم التتار
• التتار
مصر وغزو الكويت
• غزو الكويت
للأسف الشديد مصر مكنلهاش حظ فى حكامها.. طول الوقت بيعاملونا كأننا عبيد.. صحيح حققوا شوية انجازات.. لكن لسه أخطاءهم كتير.. السلطة عمت الرئيس لدرجة انه اتوهم بكرسي الحكم.. فتخيل نفسه اله واحنا فى نظره بقينا شوية عبيد.. حتى لما ربنا بيوفقه فى قرار ولا إنجاز بيزلنا بيه.. يا راجل ده حتى فى خطاباته بيتكلم عن مشروعات لسه هيعملها كأنه هيحكمنا مليون سنه.. مش عارف ان نهياته هتكون ايدنا بعد 3 أيام..
هو ده نص الحوار اللى دار بين خالد الاسلامبولى ورجالته.. قبل اغتيال الرئيس السادات بأيام قليله فى العرض العسكري الخاص باحتفالات نصر أكتوبر سنة 81.. وهى دى حكاية النهاردة.. حكاية اغتيال الرئيس السادات اللى بنعرضها لأول مرة بكل تفاصيلها.. من أول إبر ضرب النار اللى اتهربت للعرض العسكرى.. مرورا بالتصاريح المزورة اللى اطبعت لرجالة خالد الاسلامبولى.. لحد علاقة الرئيس مبارك - واللى كان نائب للرئيس وقتها - بعملية الاغتيال.. أهلا بيكم فى حكاية جديدة من حكايات المواطن سعيد..
لكن قبل ما نبدأ خلينا نلفت انتباه الجميع ان واحد من أهم المصادر اللى اعتمدنا عليها فى جمع المعلومات.. هى كتاب اغتيال رئيس للكاتب الصحفى عادل حموده.. وأهميه عادل حموده هنا هى انه الصحفى الوحيد اللى انفرد بالكلام مع خالد الاسلامبولى ورجالته.. ده غير انه كان حاضر العرض العسكرى لحظة الاغتيال.. وحضر جلسات المحاكمة.. واطلع على كل أوراق القضية.. سواء اعترافات المتهمين أو حيثيات المحكمة أو دفاع المحامين.. والأهم.. انه وجه كل الأسئلة اللى ملهاش إجابات لحرم الرئيس.. السيدة جيهان السادات.. وقارن كل المعلومات اللى جمعها بمعلومات نشرتها كتب تانيه لمحققين تانيين فى اسرائيل وأمريكا.. وفى النهاية نشر كل المعلومات دى فى 311 صفحة.. الكتاب اسمه اغتيال رئيس ومتاح فى مصر للى يحب يطلع عليه..
فى شهر أكتوبر سنة 1980.. المخابرات الحربية استدعت ظابط اسمه خالد الاسلامبولى علشان تحقيق صغير المفروض انه كان روتيني.. قعد الملازم أول خالد الاسلامبولى.. أو خالد أحمد شوقى الاسلامبولى علشان نكون اكثر دقه.. وقعد قصاده ظابط فى المخابرات الحربية اسمه المقدم مجدى.. أو ده الاسم اللى اتقال لخالد وقتها.. غالبا مفيش ظابط مخابرات حربية بيقولك اسمه الحقيقى..
المهم.. اسمك.. ملازم أول خالد أحمد شوقى الاسلامبولى.. سنك 23 سنة.. وظيفتك.. قائد سرية مدفعية باللواء 333.. وحدتك معسكر الهايكستب.. عمرك اتأخرت فى يوم عن تنفيذ مهمه اتكلفت بيها؟.. أبدا يا فندم.. ليك أصحاب؟.. أيوه يا فندم.. جوه وحدتك؟.. أيوه يا فندم.. ومن بره وحدتك؟.. أيوه يا فندم.. قولى أسماءهم.. هنا حس خالد ان ظابط المخابرات الحربية زنقه.. لأنه لو قاله أسماء أصحابه خارج الجيش.. غالبا هيتشدوا وهيتعصروا لحد ما يجيبوا أخرهم.. لكن مكنتش دى أخطر مشكله بتواجه خالد الاسلامبولى فى اللحظة دى.. أخطر مشكله انه لو قال أسماء أصحابه أول واحد هيتشد فيهم هو أخوه محمد.. واللى معروف بانتماءه لجماعات متطرفة..
فرد خالد بثبات انفعالى وقاله على كام اسم بعيد خالص عن دايرة أخوه محمد.. لكن برده ظابط المخابرات الحربية مكنش تلميذ.. فلحقه بالسؤال التانى.. تعرف عبدالله السماوى؟.. وهنا خالد اترعب.. ظابط المخابرات جبهاله صريحه.. السؤال ده معناه ان خالد متراقب من المخابرات الحربية.. ودى حاجه بدون ما ندخل فى تفاصيلها كده.. تقلق وتخوف..
طيب هو مين عبدالله السماوى ده أصلا؟.. ده سيدى المواطن كان زعيم من زعماء جماعة التكفير والهجرة.. وخالد الاسلامبولى كان على علاقه بالناس دى بسبب انتماء أخوه محمد ليهم بالأساس.. أخوه محمد كان عضو فى الجماعات المتطرفة.. وخالد كان الأخ الأصغر لمحمد.. المهم رد خالد على ظابط المخابرات الحربية وقاله لأ معرفوش..
طيب هو ليه أنكر إذا كان شاكك ان المخابرات الحربية بتراقبه.. لأنه قال لنفسه ان المخابرات لو فعلا بتراقبنى وماسكه عليا حاجه.. مكنتش هتسألنى بالشكل الروتينى ده.. الاستجواب كان هياخد شكل مختلف.. خصوصا وان وجود علاقة بينى وبين زعيم من زعماء جماعة التكفير والهجرة.. كفيل بإنه ينهى حياتى العسكرية تماما..
فيدخل ظابط المخابرات على السؤال التالت.. هل سبق لك التردد على مسجد أنصار السنة المحمدية؟.. وهنا بقى خالد مكنش ينفع يكدب.. لأن ده المسجد اللى بيصلى فيه.. وبالتالى لو المسجد متراقب يبقى المخابرات الحربية عارفه ومتأكده ان خالد بيصلى فيه؟.. ولو كذب فى السؤال ده.. يبقى أكيد كذب فى الأسئلة اللى قبله.. فرد بكل صراحه وقال أيوه بصلى فيه باستمرار..
حضرتك هنا تقولى طيب وايه المشكلة لما يصلى فى مسجد أنصار السنة المحمدية؟.. ايه الجريمة اللى ارتكبها يعنى؟.. أقولك الصلاة فى حد ذاتها طبعا مش جريمة.. لكن المسجد ده تحديدا كان بيعتبر ملتقى أعضاء الجماعات الاسلامية.. وبالتالى هنا مكنش المسجد هو اللى متراقب.. لكن أعضاء الجماعات اللى بيصلوا فيه هما اللى كانوا متراقبين..
فدخل عليه ظابط المخابرات بالسؤال اللى بعده.. قابلت حد من اعضاء الجماعات الاسلامية فى المسجد قبل كده؟.. فقاله خالد لو هما بيصلوا فيه يبقى أكيد قابلتهم ولو صدفه.. لكن محدش فيهم قالى قبل كده انه من جماعات اسلامية..
وهنا ولأن ظابط المخابرات الحربية مكنش فعليا يمتلك حاجه ضد خالد.. قفل التحقيق ونصحه بشكل أخوى انه يبعد عن الجماعات دى ويركز فى مستقبله وحياته العسكرية.. وقاله بالنص.. ان الناس دى ممكن توقعك فى تصرفات تندم عليها اللى باقى من عمرك.. فرفع خالد ايده وأداله التحيه العسكرية وانصرف..

[@Ahmed_Said]

اوصف اللى حصل فى العرض العسكرى بكلمة واحدة

[@mhmod_sami10]

زود من التاريخ والتاريخ العربى برضه محتواك فااخر جدا ♥️♥️👏

[@AhmedMohamed-fq1kj]

لية مصر مينفعش يحكمها مدني”و كل الروساء عسكريين و موجودين في السلطة 70 عاما”و لسة دولة فقيرة”تعليم صحة دخل فرد زبالة”و الحال اسوء و مفيش اي مدني بيحكم البلد لية

[@emadrahal1175]

استاذ احمد في صناعه كامله بتنهار وفي 3 مليون واحد حرفيا بمعني الكلمة هيتشردو. بسبب شويه حراميه 10 أفراد. بيضيعو صناعه أمن قومي

[@AhmedMohamed-fq1kj]

حكم العسكر فاشل”التجربة خير دليل”العسكر بيحكم منذ 70 عاما”احنا في عنق الزجاجة الخ”في النهاية”هي هي بلد فقيرة”تعليم صحة دخل فرد مش موجودين😂”و الغريبة في مؤيدين له

[@AhmedMohamed-fq1kj]

ليه العسكر هم بس الي بيحكموا معن فاشلين و الدليل 70 عاما في السلطة،،،ليه الجيش مينفعش يترك السلطة و الاقتصاد،،ما نجرب النظام المدني،و نبعد الجيش عن الاقتصاد للقطاع الخاص

[@mhamadalhamdan1499]

ممتاز اخوك من سوريا و بوجه سلامي لمصر 🇸🇾🇪🇬

[@user-kn8uh4kw8x]

قال تعالى: ﴿ مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ﴾ [المائدة: 32]

[@madooday3]

حسبي الله ونعم الوكيل في اللي قتل الرئيس الإنسان الجميل رئيسي محمد انور السادات قال تعالى: "مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً

[@goopysapien]

السادات عميل كافر

[@JJJJJletr]

احسن انا كنت مش بحبه يستاهل الوقف مع إسرائيل يستاهل الطاغي 🙃

[@Jo-bk8tf]

يسطا يعني واحد حبس كل فئات المجتمع إسلام سياسي رجال دين مسلمين ومسحين وعلمنياين يسارين متوقع يعني يحصله ايه بعد ده​@@JJJJJletr

[@lebaba8201]

لعنة الله عليه اول واحد طبع مع اسرائيل😮

[@raniakelany5450]

لو كل المدرسين اللي في مصر عندهم إبداع حضرتك في الشرح،،، مش حيكون في مصر حد جاهل ربنا يوفقك،،،، اتمني لقناتكم الاستمرار والمزيد من المتابعين

[@khalidksa9562]

ههههه دا فلاح

[@fathitalyani9350]

🤣🤣 اية يا عم انت مسحور ولا اية مش للدرجة ديه دة بيحكى حكاية

[@raniaelkordy7322]

فعلاً عندك حق

[@user-wf3yp7do6c]

شكرا يا رانيا متشكرين اوي حلو جدا

[@AsmaaMohamed-ul4gd]

@@khalidksa9562 ومالهم الفلاحين تحبى اعدلك عظماء مصر من الفلاحين

[@salahkooja5478]

قناة تعرف منها تاريخ بلدك اللى للاسف اغلب الاجيال متعرفهاش لا من المناهج ولا من الاجيال اللى عاصرت تحياتى لحضرتك دائماً مبدع فى طرحك للمواضيع 🌺🌺🌺

[@sinankareem8990]

تحية خاصة الى الشعب المصري العظيم Big fan from Iraq 🇮🇶 🙏

[@user-nv9pr1bf8x]

انتا انسان محترم وسردك للأحداث شيق جدا ورائع

[@HAMODI1117]

عظيم جابتك جاهل 🇸🇩

[@mohamedellong7979]

​@@user-nv9pr1bf8x ❤٠٦٦😂

[@user-ny5zz7zz4d]

عدم تركيز أرجوا التوضيح 😂

[@hodagharib9354]

اسمع الحلقة اكثر من مرة فعلا اسلوب جميل فى الشرح ولا تشعر بالملل .. تحياتى أ. احمد سعيد

[@__-wb9du]

تحية من العراق الى مصر وشعبها العظيم❤

[@popking3743]

مليون تحيه لشعب العراق الباسل الشجاع ❤😂😂🎉

[@hamadasalim1884]

الظروف الداخلية السياسية و الاقتصادية و الأمنية و اعتقالات الرئيس و العوامل الخارجية ...كلها ضد الرئيس السادات ...و القدر لعب دوره ...القدر لعب دوره ...رغم ملاحظة ظابط المخابرات الحربية ...

[@aminalatreche2343]

نحن في انتظار الحلقات القادمة بفارغ الصبر..... متابعة من الجزائر 🇩🇿 👏👏👏👏👏👏👏

[@mahmoudhassan9366]

حلقة أكتر من ممتازة .. ومشكور عليها فعلاً☺👍

[@mansour3967]

من الاردن .............. رحم الله الزعيم انور السادات

[@amgda3wa]

حلقة مبكية على إخواني اللي بجهل ماتوا بداية من القاتلين اللي فاهمين الدين غلط ومش فهمين شروط وموانع التكفير وضل سعيهم ويحسبون أنهم يحسنون صنعا وجهل الرئيس في عدم أخه بالأسباب من قميص واقي ودفاع وبسجن من ليس له ذنب بخطأ منه الحمد لله الذي جعلني أنتمي للجماعة الصحيحة لا لجماعة تكفير بغير حق ولا جهاد بغير حق .. ربنا يرحمنا برحمته

[@MohamedDtao]

عاوز تعرف مين مات علي الباطل ومين مات علي الحق .. شوف مين الناس بتترحم عليهم الي اللحظة الحالية .. الله يرحم الجميع ويهدي الجميع ويحفظ مصر واهلها

[@alielsayed7999]

والله عندك حق، الله يرحم الزعيم بطل الحرب و السلام السادات ❤️🦅

[@madihashoeib]

الان الناس تترحم على السادات

[@SS-qc3ii]

الله يرحمه ويسكنه فسيح جناته .....اسد جسور ....بطل الحرب والسلام 😢😢😢

[@Shaheen___]

قانون غبي مثل قائله الناس ترحمت حتى على زنادقة و كفار و شخصيات جدلية

[@naloaida]

الدقيقتين الى اتكلمت عليهم على السادات فى اخر الفيديو بكل حلقاتك والله من العظمه .. الواحد كان سامعك و باصص على صوره السادات - الله يرحمه - و صدره بيضيق من الحزن - رحم الله السادات بطل الحرب و السلام - الى عمله معملهوش حد قبله ولا بعده. اتحمل مسئوليه كبيره و رفع مصر كل مصرى لحد الان .

[@Aboyassin00]

😂😂😂 والله عمال يعمل زي فيلم تايتنك لما في الفيلم اطفال ونساء وكبار ال سن ماتوا ماحدش اهتم الى فقط للبطل، وبالضبط ده عمال يروي القصة مع موسيقى حزينة وطول الحلقة بقول انا عمال بنقل لحصل ( تحت قناع التطبيل ) تكلم في الحق وقول عملوا هاولاء المجرمون ان كان السادات او مبارك او حتى الخسيسي ده عملوا ابشع جرائم الحياة وانا اكيد ضد قتل الفراعنة والطغاة

[@user-oj4yo1vs7m]

​@@Aboyassin00 البطل السادات لن يجود الزمان بمثله وهو شهيد تكلم بأدب

[@yusuf.mahjoub]

السادات اسد من أسود الأمة العربية والإسلامية رحمة الله عليه اللهم اغفر له وارحمه وعافه واعف عنه ووسع مدخله واكرم نزله واسكنه فسيح جناتك و انزل السكينة والطمأنينة على قبره .. تحياتي لحضرتك من ليبيا

[@azizqq5147]

هو بيع الأقصى و القدس لليهو.د بمعاهدة سلام و ذل و انبطاح....صارت بطولة و شجاعة.....قلب المفاهيم😂

[@monaamer5242]

بجد حلقة تحفة بتفكرنا بالاحداث اللى عشناها واكيد هما بس نفذو ارادة الله

[@ismailnashawati6256]

الله يعطيك العافية ويحمى مصر وشعب مصر وكل البلاد العربية من الفتن والتضليل ... انا اطلعت على مضمون حادثة الاغتيال من خلال كتاب خريف الغضب للكاتب محمد حسنين هيكل شكرا لجهودك وزادك الله من المعرفة والعلم ...

[@mohamedabdelaal7515]

الله يرحمك يا سادات 🇪🇬🇪🇬

[@user-fj6pp5pc2f]

الحلقة المفقودة من الأحداث هو المدبر الرئيسي و هو المستفيد الأول من عملية الإغتيال و الذي عرقل نمو مصر لمدة 30 سنة و شق عصا المسلمين و فرق الدول العربية .

[@mohamedserag5795]

ليست بمفقودة أنها امريكا واسرائيل والسوڤيت وارجع بالتاريخ

[@user-arabic.news24]

كلامو صحيح ولو كنا في مصر نعيش الحرية حتسمع صوت الشعب

[@thrwatel-masry1516]

لأول مرة .استمع لأحداث غاية فى الأهمية .. ويشرد ذهنى تأملا فى موهبة المتحدث فى تناول وتسلسل التخطيط ببراعة ولسان منطلق ...واحتواء تحليلى مذهل وغاية فى الروعة وعدالة التقييم المنصف لكل الأطراف......اللهم ارحم الجميع ...ونعوذ بك من الشيطان .....تحية تقدير للمعلق الموهوب

[@quran-8324]

س

[@hanyelshabrawy6449]

رحم الله الرئيس السادات بالنسبالي شخصيا اهم رئيس في تاريخ مصر الي الان تحياتي لحضرتك واحد من اهم الكُتاب كلام سهل وسلس وممتع 🌹بتوفيق

[@user-gu6iv8ub7v]

إيه رأيك في الخضوع لليهود وعار كامب ديفيد نسميه الخليفة

[@user-tg6uy4wg2l]

الرئيس أنور السادات رحمه الله كان ريس بيحب بلدة ويحب شعبه وبيحب أبناء شعب مصر وخوفه. على مصر وشعبها ومفاوضات التنازل وذهابة الى تل أبيب لمعاهدة السلام لمصلحة رجال وشباب وأبناء شعب مصر والمحافظة عليهم وعلى مصر والحفاظ على مصر ومن الخراب الحرب وموت الرجال والشباب وخراب الأسرة المصرية ولكن كان الريس بيحب شعبه وخوفه على أبناء شعبه وضحى بعمرة وحياته من أجل شعبه ولكن الغدر والخيانه من أبناء الشعب كانت خيانه كبيرة وخسارة كبيرة فى قتل الريس السادات الف رحمة ليك يااشجع الرجال واقوى الرحال فى الجنة ونعيمها الف رحمة الرئيس المؤمن محمد انور السادات ​@@user-gu6iv8ub7v

[@user-oh6yl1lp5m]

سيدى ورئيسى وابى وابنى وأخى سيادة الرئيس المومن محمد انور السادات يا شهيد مصر لك منى كل التحية والتقدير والاحترام لشخصك الكريم أن شاء اللة احتسبك فى الفردوس الاعلى

[@user-ut4lw6ni6w]

الله يرحم البطل الشهيد السيد الرئيس محمد السيدات رفع راية النصر ورد الكرامة لمصر تعظيم سلام تشريفه له

[@user-su9vi5pi2d]

اي كرامة وهو قام بالتطبيع مع الصهاينة وهو اعتراف بإسرائيل دبلوماسيا

[@user-su9vi5pi2d]

هو ليس تطبيع بل معاهدة السلام مع اسرائيل من اجل حفظ النفس وعدم موت المسلمين ؟؟؟ اما التطبيع الحقيقي مع اسرائيل هو الذي تقوم به السلطة الفلسطينية من تطبيع مع اسرائيل من اكل وشرب ولقاح وغيره من المساعدات والشعب الفلسطيني يقتل

[@qualityconstruction2971]

الله ينور بجد انا شفت و قرأت كتب كتير في الموضوع دا كتاب هيكل و غيره و أفلام وثائقية مشفتش تفاصيل بهذه الدقة و الموضوعية شكرا جزيلاً

[@mody4_h]

مستحيل كل هذه الاحداث والتسهيلات تكون صدفة مستحيل

[@amjadtaibi9134]

من اغتاله هم العسكر ولكن تحت تربية وعناية اسرائيل

[@koksoul9693]

صديقي في عالمنا هذا توقع كل شيء

[@khalidlawer1685]

😊

[@khalidlawer1685]

😊

[@khalidlawer1685]

😊

[@user-ir3qg3ql2p]

وكان ابوهما صالحا تعرف القادة بالاختيارات و النتائج على الارض التيوتا اليمين لابوسلمان فى الحربية و الاستطلاع f70الترابيين هم الفائزيين مبروك سياد العميد بالتوفيق مفيش كوتش معانا مننا او غيرنا بالتوفيق

[@zaghloulibrahim780]

لله ما أعطى ولله ما أخذ وله ما أعطى وان لله وانا اليه راجعون الله يرحمه رحمه واسعه واسكنه الفردوس الاعلى من الجنه يارب العالمين وصبر أهله وذويه الصبر والسلوان بطل الحرب والسلام

[@user-mo6pe1gh9k]

أصعب شئ الخيانة

[@Green6969]

نعم صحيح ، مثل خيانة الفاسادات عندما ذهب الى الكيان الصهيوني و اعترف بهم

[@Ho_SSam]

بالظبط المجلس العسكري بعد حرب اكتوبر اصبح خائن للوطن

[@badr....]

السادات خان صحابه في الثورة وراح السيما فعادي حيتوقع ايه من الناس

[@user-ki5mq9vh7q]

​@@Green6969الان العرب بيهرولون للتطبيع مع اسرائيل

[@hodasalman4935]

الله يرحم الرءيس الشهيد محمد انور السادات و يحسّن اليه و يسكنه فسيح جناته من النبين و الصدقين و الشهداء ❤️🇪🇬❤️🇪🇬❤️🇪🇬

[@FatmaElsayed1]

يارب احفظ مصر وشعبها ❤❤

[@shakerabo-elfarag4402]

ممتاز . كلام أقرب للصحة . وموزون . وضحت لي أشياء كتير أخ سعيد

[@ghadahadel4495]

حلقه اقوي مما انت تتوقع يا استاذ سعيد . رحمه الله علي الرئيس السادات شايفاه افضل رئيس حكم مصر رغم اخطائه . ومدعيين الاسلام حسبي الله ونعم الوكيل فيهم في كل زمن

[@Shaheen___]

مدعين الإسلام هم السادات و السيسي و ضباط القيش المصري و الا لماذا يطردون كل صاحب لحية من الجيش

[@fromthelast1853]

حلقه مميزه نشكرك على مجهودك الرائع الطيب👌❤️

[@y.hassan]

القدر لا يشاء بل الله هو الذي يشاء

[@shimaahmed9807]

بحييك بجد حلقة اكثر من رائعة شابووووووو استاذ احمد

[@mahmoudmohammed7184]

ونسيت كمان أن عاطف السادات أخوه الصغير مات يوم 6 أكتوبر1973 بداية حرب و نصر أكتوبر

[@mrbadr2011]

ربنا يرحمهم جميعا

[@boosyysalahh4911]

الف رحمة و نور عليه و على خالي صديقه و كل شهداء مصر و سوريا و الأمة العربية و الإسلامية سلام سلاح

[@hassanmarceloo5961]

حلقة رائعة كنت منتظرها و بشده ❤

[@9999oskar9999]

احب الحلقات الطويله ❤

[@mohamedshalan9966]

انا بحبك في الله ربنا يسعدك ويصلح بالك الي اول واحد قابل المتهمين في قضية الاغتيال الصحفي حسن ابو اليزيد في السجن الحربي ودلو الصور الاهم مين صور المتهمين في السجن الحربي وكانو ٢٤ متهم ودي قضيه الي اتحكم عليه في الاعدام خلاف قضية الجهاد الكبرا والي دخل ابر ضرب النار وكان اسمه ممدوح ابو جبل وكان ضابط في المخابرات ولتعمل شاهد ملك وخرج من القضيه وتعين الملحق العسكري في السفارة الاميركيةراجع كلام اللواء فؤاد علام مين الي صور المتهمين داخل السجن الحربي هل كان جهل جهل ولا فساد ولا شراكه ولا من غير زعل مصري وافتخر واللي جاي احسن ان شاء الله بس نحسن النيه والعمل ونجتهد ونفكر خارج الصندوق ونشتغل ونحارب الفساد

[@fadobz8969]

مشالله على المحتوى الرائع كل توفيق متابعة من الجزائر 👏🏼🇩🇿

[@popking3743]

تحيه لحضزتكم من مصر الي بلد النليون شهيد ❤❤

[@fattomapassion9008]

حلقة بجد من أجمد الحلقات وفيها أبعاد عميقة جدا

[@user-mj2sp2ww6u]

الله يرحمك ويحسن اليك ويغفر لك ويسامحك كان رجل شجاعا الله يرحمك يا ريس الله يرحمك كان رجل شجاعا تحيا مصر تحيا مصر

[@user-li3fb4wr2m]

Great explanation Bravo 👏

[@sherenatia2431]

اللهم على شأن مصر واحفظها وانصرهاوارزقها وأهلها وجيشها وسماءها وارضها واكفها شر الفتن ما ظهر منها و ما بطن وصل الله وسلم على سيدنا محمد وعلى آله وصحبه أجمعين

[@bassemel-sayed243]

انت تعبت كتير وقرأت كتير عشان تعمل حلقه مميزه زي ده استمر يا استاذي ولك جزيل الشكر وربنا يجعله في ميزان حسناتك ممتاز ورائع ومافيش وصف اقدر اوصفه لحضرتك ❤

[@rop36]

ما شاء الله عليك عرفتنا الموضوع بتفاصيله 👍👍 شكرا لك

[@AhmedAdelselim]

حلقة اكتر من روعة ، شكرا لمجهودك يا استاذ احمد

[@emanghallab716]

اللهم احفظ مصر بحفظك..اللهم ارحم شهداء الوطن..تحيا مصر

[@mymathtutoreg2628]

معلومات صادمة وكان الحادث كان قدرى رحم الله الرئيس السادات واما من اغتالوه غدر بسبب افكارهم المسمومة فسوف يحاسب الجميع بين يدى عدل الله الحلقة جميلة جدا

[@user-qn1lu8tj7q]

والله العظيم انت من احسن الشخصيات اللي انا بتفرج عليهم بارك الله فيك ❤❤❤❤

[@mohamedsaid3160]

٤٢ دقيقة ومفيش لحظة زهق أو سرحان رائع كالعادة ❤️❤️

[@ahmedelgendi6716]

حلقة رائعه يا استاذ احمد. تحياتي لك ⚘️👍🏻

[@user-lc8ik4ih3q]

جهد عظيم وشرح مميز عندى تحفظ فقط على وصف موت القتلة الإرهابيين ب(مقابلة رب كريم ) فلقاء الله ورؤية وجهه نعمة ومنة خاصة بفئة المميزين من المؤمنين

[@alakkadWADIE]

محتوى رائع وطريقة سرد جميلة رغم بشاعة القصة، بالتوفيق أيها المواطن ...

[@user-S]

أشكرك جدا أستاذ أحمد على هذا الفيديو العملاق الطويل نسبيا فى مدته السريع جدا فى استقبالنا لمحتواه

[@amiragamal7005]

وكالعادة حلقة عظمة على عظمة 👏👏❤ الله برحم السادات وبحفظ مصر وشعبها اللهم آمين 🙏❤ ومتنساش تكمل سلسلة حلقات الجواسيس 😊✌❤

[@khaledabuzaid6210]

الله يوفقك... أعداد أكثر من رائع و معلومات قيمه و أسلوبك أكثر من رائع

[@iebooo0]

سبحان الله .. كمية صدق عجيبه .. اللهم احفظ مصر ..

[@mahmoudnawar]

هذه مشيت الله أن يكتفي المنتصر يوم انتصاره بالشهاده وانشاء الله الجنه مقامه اللهم ارحم السادات

[@HeshamShata]

This is such a genius script, for the full 42 it kept my attention an enjoyed every second. Bravo for the content creator behind the scene!

[@user-th5fs8te9o]

يا هلا فيج وبيج وعليج ياالعجيب بلزاف 🌹🌹🌹

[@misharyalmuwallad4880]

الحلقة بالعربي و عن احداث عربية و موجهة للجمهور العربي بس هشام ما يقدر الا يرد بالانجليزي سبحان الله

[@HAMODI1117]

💩

[@GreatTaiwan]

@@misharyalmuwallad4880 عشان يوريك انو متفتح و متعلم و بتوع مدارس هاي كلاس

[@georgerizk1631]

@@misharyalmuwallad4880 learn English to fit in the new world.

[@Abdulrahman-Mahmoud]

للأسف الشديد الفتن و الإقتتال بين المسلمين هيا من تعطل نهضة امة محمد و عودة المسلمين أسياد العالم. اللهم اللف بيننا و ازرع الحب في قلوبنا و الرحمه و الموده اللهم امين. و سلطنا علي الصهيونية لابدتهم الشامله. و الله الموفق و المستعان

[@Ibrahim-uo8ys]

فيديو عظيم جدا اشكر القائمين عليه , رحم الله البطل محمد انور السادات عاش من اجل السلام ومات من اجل المبادئ.

[@hodakamel9533]

حلقة جامدة اوي كالعادة ، و احلي ما فيها المدة الطويلة ٤٢ دقيقة عظمة 👏👏👍👍👌👌👌

[@mohamedsaed450]

اسلوب راقي

[@madihashoeib]

الف شكر على هذه المعلومات القيمه والسرد الرائع الله يرحم الزعيم السادات بطل الحرب والسلام الذي أعاد لنا سيناء الغاليه حفظ الله مصر وشعبها

[@user-mf7dq9lj7p]

انا بشغل فيديوهاتك ليل نهار عشان اعود ولادي يسمعو اا يفيدهم ويثقفهم وفعلا لقيتهم بيشغلو فيديوهاتك حتي لوحدهم فرحت وتفائلت. جدااا ياريت نحبب اولادنا في الناريخ ونوسع مداركهم بشكل زكي نديلهم الدواء ف العسل وشكرا لك بجد تحياتي ❤

[@chaimaeelh7423]

حلقة جميلة جدّا .. شكرا يا سيدي مواطن سعيد 🌹

[@HAMODI1117]

جميل جابتك انت و مصر و السيسي 💩

[@kamalmuharam2666]

هتصدقني ان مش متابع اي محتوي علئ السوشيال ميديا غيرك رجل محترم ومعلوماتك مبسطة ياريت مدرسين ودكاترت الجامعات زيك❤️❤️

[@elfr3ony]

.

[@user-bo7ri9zq2j]

شيء الذي اعجبني انتقالك من اسئلة المؤامرة الى حدس السادات رحمه الله وهنا تغير كلي من فكر منطقي الى فكر عاطفي وفقك الله وحفظ مصر

[@user-tl1mb3jo8m]

فديوات رائعه تحيه لك عراقيه من بغداد

[@hasanmahomd6387]

امين تحياتي سوري لا اهل مصر العظيم تحيا مصر وشعبها

[@ahmedsalaheldeen1210]

42 دقيقه يا جدع ايه العظمه دى يا سعيد 👍🇪🇬

[@ahmednourelden-ib4ix]

الله يرحم الرئيس السادات ويرفع من شأنه فى الاخره وفى الدنيا

[@mohamedbenmohamed377]

تحية لكم سيدي الفاضل.محتوى مميز و شكر خالص لكم على كل المجهودات.فقط اشير انه عندنا هنا في المغرب الإجراءات جد جد مشددة في مثل هذه الحالات(استعراض /مناسبة خاصة يكون الجيش حاضر او استقبالات او حتا في التداريب بالدخيرة الحية).فمند المحاولتين الانقلابيتين اللتين قاما بها الجيش و القوات الجوية سنة 1971 و سنة 1972 ضد المرحوم الملك الحسن الثاني كل ما يتعلق بالسلاح او الدخيرة او تحريك الاليات كيفما كان نوعها لا يتم بلا بعلم و اشراف من الدرك الملكي الحربي و هو الفرع العسكري من قوات الدرك الملكي.اي قافلة عسكرية يكون هذا الجهاز هو من يشرف عليها من الانطلاق حتى الوصول و هو من يشرف على توزيع الدخيرة كل الدخائر الخفيفة و الثقيلة من قدائف الهاون و قدائف المدفعية.و في التكنات العسكرية و حتا في الحزام الأمني في الصحراء يتواجد عناصر الجهاز في الوحدات و يقومون بكتابة تقارير يومية عن كل شيء و اي شىء.الدرك الملكي جهاز له قيادته منفصلة عن الجيش رغم انه تابع للجيش و قائده يأخد أوامره من الملك مباشرة.هو جهاز النخبة الحارس الامين عن كل ما يتعلق بحماية الملك من جهة العسكر.هناك حماية كذلك خاصة من المخابرات الداخلية و الخارجية و الحرس الملكي و الشرطة العادية.فقط لاقول لكم سيدي ان اغتيال الرئيس السادات رحمه الله برحمته الواسعة و هو صديق للحسن الثاني و للمغرب كان فيه تقصير و اهمال شديدين.رحم الله هذين الرجلين العظيمين الرئيس الشهيد و الملك الحسن الثاني.

[@user-eb6yq3hz6t]

رحمة الله عليه....اللهم ارحمه رحمة واسعه و أدخله فسيح جناتك يارب العالمين واجمعنا به في الجنة يا رب 🤲🤲🤲🤲🇪🇬🇪🇬🇪🇬🇪🇬🇪🇬🇪🇬🇪🇬🇪🇬

[@user-nl6px8xj2v]

الإهمال دا كله الي حصل والتساهيل الي حصلت مع خالد ده أكبر دليل على أن عمره خلص ودا سبب موته تعددت الأسباب والموت واحد هما كانو سبب بس

[@sameeralyamani3454]

نعم صحيح .. الله اراد ان يتوفى بالعرض العسكري لذلك تهيئت الضروف لهذا القدر .

[@zarefmesood3773]

شرح واضح. معلومات عظيمه

[@user-oy6sx8er4k]

انت من أبرع وأبدع المتحدثين

[@islamelshrefdu]

حلقه ممتازه يااستاذ محمد ❤

[@MohamedAdel_88]

حلقة فوق الوصف و تلخيص ممتاز لحدث مهم في تاريخ مصر رحم الله الرئيس الشهيد محمد انور السادات 🇪🇬

[@Bin_Haballas]

😂 شهيد قال

[@user-vw7pc1vd5x]

ربنا يغفر له ويرحمه احسن رئيس حكم مصر

[@medo1721]

الله يرحمو ويهدي المسلمين ، شكرا على عرض القصة بالتوفيق.

[@user-by6eu3jq8p]

الله يرحمه ويسكنه فسيح جناته ويعظم أجره عاش من أجل السلام ومات من أجل المبادئ الف رحمة ونور واسعة عليه الفاتحة أمانة على روحه الطاهرة وعلى أرواح شهداء الوطن الأبرار أجمعين كل الشكر والتقدير والاحترام لحضرتك استاذنا الفاضل على روعة الحلقة

[@mahmoudmohamed5240]

تخيل مدى الحسرة ان ابنائك اللى انت انتصرت معاهم على اعدائك و رفضت بس مجرد صورة تبين انكم فيه فروق بينكم و بتفتخر بكده امام العالم فيخرج منهم اللى يقتلك .. حسرة كبيرة

[@salahsmart5948]

بس دول كانو معرصين البنا وعلشان كده الخرفان اول ناس بيدخلو ولا الجيش علشان يستخدوهم ف حاجات زي كده وده اللي شوفناه ف فض الاعتصام الملعون بتاعهم

[@nnss485]

قتلوه لانه جعلهم اقزام وخانهم وخان الامه العربيه والاسلاميه وركع للغرب والصهاينه من اجل المنصب .اكثر شخص يستحق الاغتيال هوا العميل السادات😊

[@boosyysalahh4911]

تخيل القائد الأعلى يعترف بكيان الإرهابي الصهيوني القيط المكون من أغلبية من يهود الخزر الارهابين الصهاينة غير العبرانيين و غير بني اسرائيل المجرميين القتلة القتلوا أبناء الشعب المصري و من جيش ومواطنين عديين

[@user-ep4lh9py5r]

لا حول ولا قوة إلا بالله العلي العظيم واتوب اليه استغفرالله العظيم واتوب اليه عدد خلقه ورضا نفسه وزنة عرشه ومداد كلماته الله يعطيكم العافيه جميعا

[@omaromar-vf6rr]

من تقصد ؟ السادات ؟ عم.يل اسرائيل الخائ.ن

[@razhanter]

حلقة رائعة وثبات احييك عليه

[@user-ir3qg3ql2p]

بنتائج الحروب يعرف القادة شكرا صقور الترابيين الفضل بعد الله لاهله🥰😍🤩

[@rehabshalaby8840]

مين الي اخد باله أن الحلقة 42دقيقة 🥰 حلقة عظمة يااستاذ احمد 💪💪

[@user-it4xl4uj7b]

😮😮😢

[@user-iu8tc2pf1y]

الله عليك . عمرى ما ندمت انى اتفرجت على اى حلقة من حلقاتك بجد برافوا عليك ❤#المواطن سعيد نمبر وان

[@madihashoeib]

الله يرحمه بطل الحرب والسلام

[@kamelelamri3621]

من تونس لقد استمتعت ،،،تحية لمصر .أتابع هذه البرامج دائما...تابعت قصة وفاة المشير عبدالحكيم عامر

[@AmiraSSheta76]

حلقه حلوة اوي اوي

[@mohammedshaban18]

ربي احفظ مصر ❤

[@zxcvbyasser6023]

اللهم اغفر له وارحمه واسكنه فسيح جناته ويلهم مصر الحبيبه الصبر والسلوان علي أعظم رجل محترم

[@Alostooracoffee]

سرد جميل للاحداث والقاء ممتاز شكرا لك

[@mostafaabdeen9104]

حلقة جميلة

[@Moka2021]

حلقة ممتازة جدا جدا

[@abdelrahmannegm7580]

بجد مصدوم ومذهول من كمية السبهلله والاهمال في الدوائر الامنية وقتها

[@NN-ck7cu]

وما زال في اهمال وفساد

[@user-rl4sl7qe3y]

هو قال تحس أن القدر كان عايز كدة

[@YaraelgerzawY]

@@user-rl4sl7qe3yمعتقدش خالص الحقيقة هي الاهمال المصري المعتاد و اللي بنشوفه كل يوم

[@barakal-hindal5859]

تحية لكم من دولة الكويت 🇰🇼 اخوانا في مصر الحبيبة حفظكم الله من كل سوء