ГАНДИК ГАЛСАН-НИМЫН - АМАТХАН НЮТАГНИ | ПРЕМЬЕРА ПЕСНИ 2023

ПРЕМЬЕРА ПЕСНИ! ШЭНЭ ДУУН!
Үгэнь болон хүгжэмынь Цырен Шойжонимаевай
Галсан- Нимын Гандиг гүйсэдхэнэ.
Хүүгэд наһанһаа нүхэсэһэн, һургуулида суг һураһан гурбан нүхэд басагад Цыренова (Дабаева) Марина Пурбоевна, Бадлуева (Гармаева) Зинаида Павловна, Доржиева Лариса Меркулкеевна түрэл тоонтодоо аялга дуу зорюулан бэлэглэнэ.
Угнаасай, Аматхан, Арзгун нютагуудтаа балшар наһандаа наадажа үндыһэн, һургуулида эрдэм ном шудалһан, ажабайдалаа түхеэрһэн саг үе сэдьхэлдэ дулааханаар һанагдадаг.
Үнгэрһэн үеын бүхы юумэн аятайханаар дурсагдажа түрэл тоонтоороо омогорхонобди!
Маниие үргэн тэнжээһэн нютагтаа, үндэһэндөө хэзээдэшье үнэн сэхэ, хүүгэдтээ энэ дураяа дамжуулан ябаял!
Арзгун нютагай гулваа Тарас Михайловичта, Саяна Намжиловада болон Артур Доржиевта фото-видео зурагуудые эльгээжэ туһалһандань баяр баясхаланаа мэдүүлнэбди.
АМАТХАН НЮТАГНИ
Үгэнь болон хүгжэмынь Цырен Шойжонимаевай
1)
Түби дэлхэй дээрэ түрэл минии нютаг,
Тайбан зохид зоной түбхижэһэн үлгы.
Угнаасай нютаг манаа хүлеэн байнаш хэзээш,
Тала дайдын сэсэгээр, сэбэр агаар сүршэн.
2)
Талаан бэлиг элбэг,уран зонтой үлгым
Тэбхэр дүрбэн сагта тэнюун жаргал эдлыт.
Табан хушуу малаа талаар дүүрэн табяад,
Түхэреэн энэ нютагаа түүрээн, хүгжөөн байгыт.
Дабталга:
Гаарга аршаан голтой Аматхаан манай нютаг
Адис санзайн үнэрөөр хангал татан байнаш.
Боди сада Соодой ламын буян эдлыт,
Булта манай нютагай эжы, абанар, хүүгэд!
3)
Элинсэгэйм зааһан эди шэдитэ һургаал
Эгээл нангин байгаал холын үргэн замда.
Этигэл дүүрэн ябааб, эхэ эсэгым захяа
Энэ зүрхэн соогоо шангаар хадуун хэзээш.
Дабталга:
#Премьерапесни #2023 #Бурятия #Бурятскиепесни #бурятскоекараоке #уланудэ #бурятскаяэстрада #буряаддуунууд #ЦыренШойжонимаев #ГандигГалсанНимын #Аматханнютагни #Шэнэдуун #ВетерВостока #бурдрам #буряадтв #караокепобурятски