Рет қаралды 32,088
Meeɗii arde e sahaa gooto e nder jamaanu ɓennuɗo, nokku ɗo wiyetee Maasina. Waɗi laamɗo gooto ene laamii toon ene wiyee Satige. Saare mawnde ene ɗoon, ɓiɗɗo dewbo gooto ene jibinaa ɗoon ene wiyee Faatimata Baaba Lobbo. Sonndu honndu ñaamaani goroole, o suddaa o diwni.
E nder duuɓi jeeɗiɗi omo diwni, ñalawma fof mo Allah addi. E nder galle baaba makko, ujunnaaje tato surga ene ñalla ɗoon ndeysaan, tawa ko ɓiɓɓe fulɓe. « Mo woni fof fooɗa simme almakam. Jooɗoo jaɓɓoo juɓuule gaawooje ɗi kirimeeje mbonna njiima mbonnanee njiima. Ƴakka jamɗe tuuta ƴiiƴam, nawa nallala artira kabaaru. Ɓe kaɓɓa gorbe ɓe njaɓɓa tati ɗala tati tati keddoo e weendu, boote buteeɓe caggal. Dimaaɗi egga ɓe egga, mbeddoo birle, ɓe mbeddoo koyɗe, ɓe njaɓɓa e waare sakke, safa ne ɓe njooɗoo e lawbo. Ɓe cokka dimaaɗi jamɗe, njagga e sofindiru, ɓe njagga e sake. Dimaaɗi njogoo e waali jam jagga hakkunde leydi e asamaan, juraa juraa ! Haa ɓe njettoo galle baaba makko ».
O moƴƴa e maɓɓe, o teddinaɓe huunde fof ene waɗee ɗoon. Nde wonnoo woni ɗoon ko cumee cahee jaggu ɗoo ɗal ɗoo furum cakhum hettere e tawre e wooɓre. E ndi ɗoon e ɗi ɗoon e ɗam ɗoon. Gawri ene woodi, teew ene woodi, kosam ene woodi, nebam ene woodi. Ɗo ñaamee, ɗo wuuree, ɗo joɗee, ɗo yeewtee ene woodi...