Gazteen arteko herri-kirolak (Abaltzisketa, 2024-06-23) (19'20'')

Herri kirol saio bikaina antolatu eta burutu dute bertako gazteek San Joan jaien baitan. Herriko hogeita hamar gaztek hartu dute parte antolatu dituzten 10 jarduera ezberdinetan: sokatira, ingude jasotzea, sagarrak kizkiarekin saskiratzea, txinga-eroatea, zaku-eramatea, zaku karrera, korrika, harri-jasotzea, pisua arrastan eramatea eta lokotx-biltzea.
Hamabost laguneko bi taldetan banaturik, sokatirarekin eman diote hasiera eta lokotx-biltzearekin amaitu, eta hori, bi alditan. Eguraldi euritsua izanik, ateri eutsi dio baina zorua bustia zegoenez, arriskua ere hortxe egon da. Jende andana hurbildu da plazara eta biziki txalotu du gazteen ahalegina.