حكايتي مع التعليم: الضغوطات الرهيبة التي تلقيتها من طرف الإدارة والأساتذة والأوليات: حرب ضد الأستاذ

السلام عليكم في هذا الفيديو سنتكلم عن الضغوطات التي يتلقاها الأستاذ في المؤسسة التربوية من طرف الإدارة والأولياء والأساتذة والحلول التي لابد منها لمواجهة هذه المواقف
لاتنسوا الاشتراك في القناة وتفعيل الجرس
تابعوني على الانستغرام @glam.dz
#التعليم #الأستاذ #العمل #النجاح #الثقة_بالنفس

[@souben1246]

كثرينا من هذي الفديوهات 💋 انا استاذة جديدة و راني متعطشة لهذو النصائح يا اختي العزيزة و في نفس الوقت أنا عروس جديدة و راني حابة نوفق بين الخدمة و داري و نرضي راجلي

[@Mimi-maryama]

يااا ربي و فرج على الزينة لي راهي تقرا ف كمنتاااار و دخلت لعندي و شجعتني نقلك ربي يقضي حاجتك و ينسيك همك و يزين سعدك و يعلي شانك قدام عديانك و تفرحي كيما فرحتيني ان شاء الله راني دعيتلك من. قلبي ان شاء الله ماتبخلينيش و ماتنساوش تخلولي ارائكم ففديوهاتي

[@fehcouchafehchoucha6208]

انشاء الله

[@fehcouchafehchoucha6208]

راني دارتلك ابوني مقبل الاخت

[@Sabrina-ol7wu]

عجبني كلامك حبيبتي راني رح ندخل نقري و شجعتيني في هذا المجال ان شاء الله نطبق نصائحك كامل واصلي في هذه السلسلة ربي يوفقك

[@salsabilla-wr3od]

أنتي جوهرة و المبادئ لي طرحتيها في الفيديو هي اللي نحبها و لازم تكون هي النورمال مش النقيل و نزيدو النقاط.. شكراااا

[@GLAMdz]

شكرا حبيبتي

[@risarsa4749]

ربي يعطينا القوة للإستمرار. والله التعليم متعب بزاف بالنسبة للأساتذة اللي يخدمو بقلوبهم وبضمائرهم. إنشاء ربي يقدرنا ويجازينا هو من عنده.

[@waliddjem1715]

حقيقة التعليم في بلادنا ولا من أصعب المهن.،وانا شخصيا منستغناش على مبادءي مهما يكون..كامل واش قلتي صح وربي يكتر من مثالك.

[@FatmaOkbaoui-k6o]

جزاك الله خيرا على هذو المعلومات الثمينة والقيمة لي يحتاجهم كل استاذ جديد او قديم في التعليم ❤❤❤

[@lalacelia4988]

تعرضت لضغوطات كثيرة خاصة انو كنت صغيرة فلعمر ونية وعاقلة حڨروني وهانوني بصح حمد لله عامي الثاني توكلت على ربي ونجحت ورديت الصاع صاعين

[@safiasofia3768]

Fina men tajrobtk

[@hanenhanen9488]

قاع شيئ لقلتيه صح انا استاذة مدرسة ابتدائي وأصغر أستاذ تم في اقصر مدة فرضت رأيي وكسبت محبة زملاء وحتى مدير والأولياء الحمد لله هذا كلش بفضل الله.

[@safiasofia3768]

Hkilna kifach kant tjrobtk

[@hanenhanen9488]

@@safiasofia3768 قبل مندخل ميدان كنت سطاج يعني خريجة مدرسة العليا استاذ لتربصت عندها الله يذكرها على خير فهمنتني كلاش تتحكم في التلاميذ وعلاقة مع أولياء والمدير واساتذة وزيد قريت تشريع مدرسي غاية عرفت حقوقي واجباتي من هذا منطلق صدقيني والله مكان ليدانا ليك.

[@safiasofia3768]

@@hanenhanen9488 sahiti lah yjazik ma3lich htkili ktar bach nfhal

[@hanenhanen9488]

@@safiasofia3768 كي تعرفي حقوق واجبات تكوني واثقة من نفسك ويعرفوا عندك شخصية هدرة في بلاصتها جواب مقنع خدمي خدمتك على شريعة قدمي دروس كل درس بحقو كي يخرجو تلاميذ فاهمين يوصلولها لاولياء. ........ ولا ختي عيت من كتبة باغية تواصل شخصي مرحبا.

[@safiasofia3768]

@@hanenhanen9488 oui madabiya kheti menha nt3alm mnk w mrc w smhili ida 3ayitk

[@ninaenglish6453]

بردتيلي قلبي . بارك الله فيك

[@Heyyline_]

تحية ليك و الله نحب الأساتذة لي كيما نتي أنتم قدوة لنا

[@loucifibtissem5616]

ولله صح كلامك كامل صح ربي يقدرك وعاونك على فكرة انا تاني استاذة لغة فرنسية وفهمتك بلحق انا دايمن نتبعك بصح هادي اول مرة نكومونتي عجبتني بزااف لحلقة تاع اليوم

[@GLAMdz]

شكرا حبيبتي

[@loucifibtissem5616]

@@GLAMdz ولله انتي لحبيبة ربي يطول في عمرك وناس العلمة بزاف لي يحبوك bon courage

[@ikramikram-gy3jk]

يعطيك الصحة حبيبتي كثرينا من هاد لي فيديو راني نستفاد منك مازال مابديتش نخدم وراني نتعلم من الخبرة نتاعك شكراا❤❤

[@amanialg6720]

كل مرة يزيد تقديري لك ربي يحفظك ويفرحك أستاذة ويكثر من أمثالك

[@GLAMdz]

😘😘😘😘😘😘😘😘

[@oumquassim9620]

انا بنتي دخلت تقري هاد العام وتخرجت من المدرسة العليا الاساتذة ربي يقدرها انشاء الله ربيتها تكون correcte يعطيك الصحة

[@fatimaihsane6354]

بارك الله فيك و جزاك خيرا

[@imenouais1370]

جزاك الله خيرا نتمنى ان نرى كثيرا من هذه النوعية من الاساتذة

[@hibabatila4991]

وجعني قلبي من هذا كلام معرفتش علاش كلام في القمة

[@enseignerestunart7059]

والله جوزت 15 يوم سطاج وليت منحبش ندخل قاعة الاساتذة . هذا عامي الاول ربي اقدرنا

[@maloukamalouk1002]

اختي تعيشي ديريلنا فيديو على القوانين تاع المدرسة خاطر انا كنت مستخلفة وتحقرت بحكم منعرفش القانون

[@chaimafe3519]

بارك الله فيك

[@francaislmd996]

الله يعطيك الصحة كل يوم نزيد نحبك أكثر وأكثر

[@nadananou6923]

يرحم اللي رباوك والله بردتيلي ڨلبي.....يعطيك الصحة حسيت بكل كلمة قلتيها 👌👌👌👌👌

[@GLAMdz]

ويرحم والديك حبيبة

[@ikrambentrar2791]

@@GLAMdz نستعرف بيك 👌👌

[@fatimaihsane6354]

اللهم صل و سلم على الحبيب المصطفى و على آله و صحبه و سلم تسليما فلنكثر من الصلاة على الحبيب المصطفى اللهم اجعلنا من الذين يستمعون القول فيتبعون أحسنه

[@sihemsimo4344]

سلسلة تقتل تهبل انا عامي اللول هدا لي جاز تع كورونا والحمد لله كانت اروع تجربة مي والله استفدت منك بزاف كملي فيها

[@GLAMdz]

شكرااااا

[@nouryakin132]

يعطيك صحة

[@assia4237]

أفضل يوتيوپوز💞 عجبتني بزاف هاد السلسلة واصلي و ربي يجازيك وكامل واش راكي تهدري جاز عليا رغم اني قريت مدة قصيرة

[@GLAMdz]

شكرا حبيبتي شكرا

[@دنياالعجب-ط1ح]

عطيك الصحة أستاذة.

[@nihalnani7623]

بارك الله فيك سلسلة مهمة بزاف

[@aboumimouna6905]

يعطيك الصحة استاذة راني متخرجة ادب نصائحك مميزة جدا خاصة وأني مزال مدخلتش سلك التعليم ربي يوفقك وربي يرزقني خدمة ان شاء الله

[@ال_سمراء]

انا مقبلة على تربص راني نتفرج لي فيديو نتاعك شكراااااااا جزيلا بارك الله فيك ❤

[@roumaissa987]

اهلا حبيبتي ربي يخليك و يوفقك و يوفقنا جميعا والله تعبنا التعليم

[@GLAMdz]

شكرا حبيبتي شكرا

[@user-rg7ev4vg5e]

ممكن نتبادل بصدق بدون إلغاء

[@user-rg7ev4vg5e]

@@GLAMdz الله يبارك عليك اختي زينة♥ياريت تزوري قناتي صغيرة مي حابة تشجيعات وكلام زين

[@khaoulamimi8910]

ربي يوفقك انشاء الله وينور طريقك

[@laylalayla5502]

موفقة ان شاءلله حبيبتي

[@hanaahayaty369]

دايما في القمة رب يرضي عليك دنيا واخرة إنشاء الله

[@asmab8821]

ما نعرف علاه ما نيش قادرة نكمل الفيديو ...قلبي مريض من هذه الذكرايات 😥

[@fatimabouaissa9348]

يعطيك الصحة أنا كما انتي بديت هكدا بصح راني نشوف بلي نوعنا منقرض قريب أنا كنت رح نستسلم وندير كما هم درك عطيتيلي القوة والارادة ان شاء الله ماننساش وصايتك ونحرص على الحق والعدل مع الجميع ألف شكر لك حبيبتي

[@GLAMdz]

اياك حبيبة تنجري معاهم. لانو كل واحد وقبرو. خلي تكوني غريبة عليهم يدزو معاهم. بدأ الدين غريبا ويعود غريبا فطوبى للغرباء

[@fatimabouaissa9348]

@@GLAMdz الله يحفظك حبيبتي راكي درتيلي الكوراج بارك الله فيك

[@bestandgreat2144]

@@fatimabouaissa9348 وي التعليم صعيب بزاف انا راني نخمم نحبس كرهت هاد اول عام ليا كنت حاسبة حاجة و لقيت حاجة مغايرة تماما

[@hadjaralger916]

سلام .انا شفت كل الحالات اللي تكلمتي عليهم،حقيقة مريت عليهم خدمت جميع الأطوار في إطار عقود ما قبل التشغيل.والحمد لله تم ادماجي عندي ستة أشهربمنصب بلا معرفة .وتهنيت من الاستغلال .

[@safiasofia3768]

Fidina bkhibrtk kifach konti tet3amli m3a talamid w idara W tani 3o9od tachghil kiymcho....... Fidina btajrobtk svp

[@زهرةمنالجنة-ض7ل]

ياريت تقراااي تعليقي. Glam..... أنا لعروسة الأولى فالدار... قريت جبت الباك تاعي 14علمي.... وحبست قرايتي..... راني نربي في طفل...... عندي لوسي راح يتزوج عن قريب بواحدة خدامة وكلاص.... حبيتك تنصحيني كيفاش نتعامل معها.... وكيفاش نكون قوية فشخصيتي..... مع العلم هي دارها وحدها بصح أنا ساكنة مع العايلة.... 😔😔😔🌹🌹🌹

[@GLAMdz]

يا ختي اتعاملي معاها بكل طبيعتك. بكل حسن نية. بلا حسابات. اذا شفتيها بدات تتكبر او تتسلط هنا ابداي تجبدي روحك بالشوية وماتدسريهاش ابدا لا فالبداية ولا من بعد. او تحكيلها اسرار حتى اذا حكاتلك ماتحكيش. ومايخلعك حتى واحد. لانهم كلهم يدخلو للحمام. حاشاك.

[@زهرةمنالجنة-ض7ل]

@@GLAMdz أعزك الله ربي يجازيك ويعطيك ربي ماتتمناي.... ربي يوفقك فكل حياتك انشاء الله وربي يلاقينا في الجنة يارب العالمين

[@helpmamandz9778]

تنوروني باشتراككم في قناتي فيها فيديوهات رائعة و مفيد للأمهات المبتدءات

[@youcefboutouchent7432]

شكرا

[@madrasatjyhane]

*وصراحة منذ 10 سنوات دخلت التعليم والله كنت جديدة وفيما يخص الحقرة والله ماحقرني واحد أثبت قوة شخصيتي وأثبت ذلك في الميدان في القسم لدرجة أنّي كُرّمت بشهادة اعترافا بجهودي نحو التلاميذ والنتائج الإيجابية وقال المدير قولته (قالي انتِ غيّرت نظرة أنّ الأستاذ الجديد والمسختلف ما يعرفش وما يخدمش)*

[@lojaynefirdawse8069]

أستاذة انا أستاذة مستخلفة في المتوسط اريد منك نصائح

[@madrasatjyhane]

@@lojaynefirdawse8069 أتمنى لك التوفيق يمكن أن تكلميني في الانستا مرحبا بك jihane_madrasa

[@lojaynefirdawse8069]

@@madrasatjyhane أستاذة عندي فايس Farida yakhlef معنديش أنستغرام

[@HoudaHouda-nr4eg]

رب يوفقك حبوبتي 😘😘😘😘😘

[@GLAMdz]

شكرا جزيلا حبيبتي

[@houdaha4797]

صراتلي حكاية الكالكولاتريس وقيتهم كاتبين فيها بقلم الرصاص نحيتهالهم وقولت للاستاذ تاع المادة الاسامي تاعهم قالي نورمال خليهم تم قولت بلي التعليم راح فيها هدا فعامي الاول تاع الاستخلاف بصح دوق عندي ربع سنين عام على عام نزيد نحسن من روحي

[@silabentchikou30]

ربي يوفقنا و يكون معانا مهنة التعليم صعيبة بالبزاف خاصة في الايام الاولى

[@francaislmd996]

ماشاء الله عليك

[@aounihadria5807]

بارك الله فيك زيديلنا فيديوهات هكا انا استاذة جديدة 😍😘

[@imeneimy-]

عجبتني بزااف هدرتك ياريت تطولي فيديو اكثر باش نستفادو اكثر

[@larjounehamid3801]

الفيديو روعة ربي يحفظك يااحلى اخت

[@laprincesseamoula3729]

براك الله و فيك مشاء الله عجبتني بزاف 😔⁦☺️⁩⁦☺️⁩

[@oneplus5980]

ربي يفتح عليك

[@norina2409]

كلام من ذهب

[@maissa8779]

يعيطك الصحة مرااا و نص كون جاو الاساتذة كامل كيفك راهي تعدلت الحالة في البلاد هاذي خاطر بعض الاساتذة ربي يهديهم نساو بلي وسمها وزارة التربية ثم التعليم ما ترباو ما يقدرو يربيو الاجيال

[@GLAMdz]

شكرا يا عمري. ربي يهدي ما خلق

[@maissa8779]

@@GLAMdz آمين ياارب ⁦♥️⁩

[@zahraarchi7330]

حبيت مبادئ تاعك تشبهيلي و الحمد لله لكاين ناس هكا و ليت نحبك من هاد الفيديو مع انو كنت نختلف معاك في بعض الأحيان حول رأيك في التعامل مع الزوج و اهله و الحياة الزوجية بصفة عامة

[@rynnatha7081]

ما شاء الله عليك ماشاءالله والله عقليتك ربي يبارك ❤️❤️❤️

[@minamoon5229]

وأخيرا لقيت وحدة تشبهلي في الشخصية العادلة رغم أنف الجميع هههههه أنا تان كي دخلت عامي الاول عانيت من جهة الاساتذة وخاصة المشرفات وحتى عون الأمن بسكو ماكنتش نخدم بالمعريفة واش نقلك جوزت عام كحل بصح من بعد حطيت الخطوط الحمراء وفرضت شخصيتي كيما يقولك لي يتقي الله في خدمتو ربي ديما يكون معاه

[@lililoulou9526]

كيفاش أختي فرضيتها أعطينا نصيحة

[@imeneben4]

لي قيديوات تاوعك واااااااااااااااااااااااو , ماشاء الله عليك, نحبك

[@GLAMdz]

شكراااااااااااا

[@aminaghecham4404]

راني جاية بك انا ثاني استاذة والله كبرنا بلا الوقت . راحت الهيبة نتاعنا بكري 🤲 ربي يجيب الخير ان شاء الله

[@samosamo8306]

صح عانيت منها بزاف في عامي الأول الحمد لله كاين ربي خاصة فالابتدائي

[@yousrak3612]

كاين ناس مع الأسف (تلاميذ و أساتذة )مزال ما فهموش انو النقاط كثر من المال و إعطائها أو أخذها بدون حق سرقة و أنك تزيدي لواحد ما قراش معناها ظلمتي لي يقرا .قال تعالى "أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ ۗ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ" .الجزاء من جنس العمل والا ما جعل الله الجنة و النار .

[@rynnatha7081]

راني غير نبعث لبنت خالي راهي داخلة على التعليم تاع صح انتي رائعة 💜💜💜

[@amiraammar9045]

فكرتيني خطرة في تكوين مهني غشو في فرض كي صححت لقيت كوبي كولي على لكراس صححت عاااادي وكي مديت لاوراق ضروسهم بانو من فرحة قلتلهم نقاط هذي اقسموها على نص ونص ثاني مشاركتكم ونشاطاتكم غضبو لانهم مش في مستوى شتكاو للاستاذة المسؤولة وهي بما انها ماتحبنيش وتغير جابت مستشارة وقالتلهم اشكولها 😅 مستشارة سمعتهم وفهمت لي قسم فيه خمسين واحد مش بقدتي نحرسو وحدي وقاتلهم هي تعرف مستواكم تستاهلو😅👌👌👌

[@lililoulou9526]

أختي في تكوين المهني وش هي المواد ليقدروا يدرسوها؟

[@fbncth4086]

ربي يعطينا القوة صح صعيبة

[@fehcouchafehchoucha6208]

جزاك الله خيرت

[@khadidjadora610]

ادعولي يارب ندخل نقري والله حلم حياتي التعليم قريت لعام لي فات استخلاف وقريت من قلبي وحبوني وحبيتهم💕 يارب يفتح الكونكور وننجحوا وندخلو نقروا😇

[@Maram-ni6zu]

كلامك صواب اختي

[@mimimimiya2935]

Merci beaucoup Madame bon courage ❤❤

[@kahinakaho3387]

Merci bcp pour ces conseils

[@lokalook]

تحياتي ليك أستاذة للاسف يلاه سمعتك وانا فالضومين اربع سنوات المعاناة الله المستعان

[@jojomiracle6170]

والله يعطيك الصحة صح الأولياء يجيو يحاولو في اللخر تع التخيمستر و تخيمستر كامل ميجيش يسقسي على ولدو

[@sarahhope9107]

ملقيتش كفاش نعبرلك يا ختي انا استاذة ابتدائي هاد العام باذن الله نبدا قريت هادو سنتين و زملائي يغشو في الامتحانات و بكل فخر حقا هذا الامر مرضني الى درجة متتصوريش وصلوا لدرجة سرقة سوجي و كونا وحد العشرة منغشوش هههه دارولنا هاد التيكي ،تخبينا و نغلقو ودنينا باش منسمعوش الأسئلة و هما اتبعونا حابين برك نولو كيما هوما عيب و الله استاذ لازم اكون قدوة لا يغير الله ما بقوم حتى يغيروا ما بانفسهم الفساد الشائع في الاخلاق ملازمش نشاكو فيه ابدا حتى و لو كان بالكلام يا رب فرج تتسسقم يا رب

[@charifimounia7966]

علابالك اول يوتوبرز من ملش من فيديوهاتك دمتي متألقة

[@GLAMdz]

شرف عظيم حبيبة

[@bouchrasenouci175]

ياااااسبحان الله والله كنت دايرتلك ٱبوني وبدلت الايمايل وليوم تفكرتك وانا استاذة جديدة والعام الجاي عندي ترسام والله لا ڨاع لي حكيتيه عشته وعانييييت ومزالني نعاني😭

[@سوسنسوسن-ص2ر]

احكينا على قوانين تعيشي سيرتو نكون جديدة الله يعطيك ومنيك

[@Maram-ni6zu]

الكلام لي قلتيه كامل صرالي والحمد لله مازدت لحتى واحد

[@ichrakichrak395]

عندك حق 👏

[@sondousinesse3819]

انا استاذة علوم طبيعية ثانوي 8سنين في تعليم الحمد لله صح نكسب تلاميذ بصح النقطة نقطة لانقاش وكامل عارفيني نحط شوي تخدم تدي متخدمش متديش.

[@marouchmira7645]

أختي وش تنصحي وحدة جديدة فمادة العلوم فالطور الثانوي؟ كيفاش تقدر ترضي ربي وتبقا ملتزمة و تتعامل بحدود

[@ladyecute3270]

اقسم بالله كون جات اغلبية الاساتذة امثالك راي بلادنا مش هك جاك الله كل خير انا فات علي هذا الشئ و لحد الان نكرهم الاساتذة هاذو تع المعارف و الوجوه

[@GLAMdz]

الله يعزك حبيبة

[@ilhamilham691]

الله يعطيك الصحة ناس لوكانو ڨاع ناس كيفك لوكان جزائر رآها متقدمة

[@GLAMdz]

الله يعزك حبيبة

[@ilhamilham691]

@@GLAMdz أمين

[@zerroukizohrachaimaa5242]

يعطيك صحة ختي وريتيلنا حاجات ماكاش لي يقولهالنا

[@nourelhoudakhoumies756]

روعة لا فيديو ❤😍

[@fifizora1454]

راه قريب الدخول المدرسي .. دعولي ربي يقدرني نقري طور إبتدائي..جيل صعيب بزاف مي المدير الحمد لله حتى زملائي ماشاء الله ربي يوفقهم انا أصغر وحدة فيهم و جامي ستغلوني بالعكس يبغوني و محترميني عندي 9 سنين خدمة ❤🇩🇿عشت معاهم أجمل أوقات حياتي

[@safiasofia3768]

Nawrina btajrobtk

[@hanenhanen9488]

مام إنا كيفك والله ربي يقدرنا

[@fatimakhokha6270]

كيفاش نعرف القانون ولا وين نسقسي انا بديت خدمة جديدة فالادارة مش استاذة ومس حابة تتكلحلي لاني مزال مانعرفش القانون

[@asmahappy]

و الله كابن وش قلتي ،مللي بديت نخدم هاذ 3سنوات نحس روحب في حرب كيما قلتي مع ذو لجهات كامل، و كي تعارضي ارائهم و تعارضي زيادة النقاط او شرخ موضوع الاختبار يكلاسيوك يشوفوك يبدلو مووع الكلام مايهدروش كلش قدامك، و يلوحولك غير لمعاني....بصح انا مايهمونيش بزاف يهموني التلاميذ و الحرب معاهم نحب كي نقريهم كون نصيب القسم كامل بفهم و يطبق و يحب لقراية بصح هوما الغغالبية يتعبوك و سلوكهم كااارثة يبينلك بللي والديهم لا علاقة ونا نحب نوعا ما المثالية نلقى روحي مانيش متقبلة تصرفاتهم و نولي نتقلق و نتضغط بزاف ملداخل

[@asmahappy]

انا يهبلوني كي يحفرو المادة تاعي نقري اعلام الي و كي يشوفو لي علاماتهم طايحين ونا مانزيدلهمش يقولولي زيدي برك لمادة تاعك تع معاونة ميش تهبطيهم. كي نقولهم هوما لي يطلعو رواحهم ولا يهبطو رواحهم، مادة كغيرها قريت و تعبت مالا نحاسب (مع اني نتسامح في بزاف نقاط)

[@kamimimi7897]

تعيشي حبيبتي اعطيلي الكتب اللي اعتمدتي عليهم في مشوارك ف التعليم (المناهج . . . . )

[@GLAMdz]

كراريس تلاميذ. كتب تاع نحو وصرف مختلفة. الانترنت. كتب دراسية

[@kamimimi7897]

@@GLAMdz مييرسي حبيبتي لوكان تمديلي عناوين الكتب اللي ساعدووك ف المهنة مع العلم انا ابتدائي ⁦❤️⁩⁦❤️⁩ و شكرا مسبقا

[@superhanane9602]

قريبا جدا باذن الله ساودع التعليم و الى الابد

[@fadifadi5242]

لاسف شديد هكذا يحدث في تعليم حتي مدير يقول لازم هذا يطلع لازم تزيد نقاط لا سف شديد 💞💓💓💓💓💓

[@rayanemohamed2522]

ممنوع استعمال المشاعر و الاحاسيس في ميدان العمل.

[@fltaieb6223]

بردتيلي قلبي

[@hadilhadil7867]

نستعرف بيك يا استاذة يأريت لوكان جيتي تقريني حنا الأساتذة نتاوعنا كامل بالمعارف لي ولاد فلان وفلتان يزيدولهم ولوخرين حقهم مايمدوهلمش ويزيدو من لفوق يعايرو وكلمة زوج يقولك نت واش تكون في هذي المؤسسة اذا عندك كاش واحد هنا على لعين وراس واذا ماعندكش برا نستعرف بيك مكانش في هذا الوقت أستاذة ولا أستاذ يخدمو بالضمير والنية صافية كيما ربي يوفقك ونعم الأستاذة ربي يحفظك⁦♥️⁩⁦♥️⁩⁦♥️⁩👏👏👏

[@GLAMdz]

الله يعزك حنونة. للاسف الله المستعان. معليش ثلاث سنوات تجوز بلخف وتتهناو منهم

[@hadilhadil7867]

إن شاء الله أستاذة ربي يوفقك إن شاء الله

[@whiterose6345]

كلامك صحيح ولله لي يمشي بنية يسلك على خير.

[@basmabenali8538]

السلام عليكم ورحمة الله تعالى و بركاته

[@eliflulu6868]

من غشنا ف ليس منا بزاااااف اساتذة هكا ربي وكيلهم

[@jojomiracle6170]

تعيشي حبوبة قوليلي كيفاش نرجع التلاميد يحبوني و تانا كيفاش نتحكم فيهم سورتو انو مراقب العام كيما ندير تقرير يقطعو ملقيت مندير ؟؟؟؟

[@madrasatjyhane]

*فعلا عندك الصح أنا أستاذة وكل لي قلتيه صحيح فقط الحقرة لا ما تعرضتلهاش*

[@zahraarchi7330]

🌹

[@Yasmineyouy]

المعارف دايما يديو بلاصت التلميذ ليتعب و يقرأ صح و انا جربتها

[@roumeilafantazi6422]

ديرينا فيديو على تعليم فالمدارس الخاصة

[@bouhalilatifa8675]

ايييي وي ياختي عندي عامين فهاد المجال راني معمرة منو ومانظنش نكمل فيه حرام عليهم هبلونا ، بعدما سمعت الفيديو راني مشوكية أقسم بالله رانا فوطوكوبي انا ونتي نفس الشخصية ونفس العقلية ونفس المشاكل لي صراولي مع الإدارة والأولياء بسبة هاد العقلية ، أنا حاليا نخدم فالإبتدائي وعمري مازدت ولا رايحة نزيد لواحد مايستاهلش ويكون حتى ولد وزير التربية اون بيغسون مش غير ولد زميلة هادو هوما الحثالة لي طيحو علينا البق كي ولفوهم وش يطلبو يتنفذ حسبونا كامل كيف كيف ، بصح ياختي لي كيما انا ونتي مايقدرش يتعاشر مع هاد الأشكال خاطر في مؤسسة كاملة قادر تكوني وحدك لي من هاد النوع وبالتالي تتعبي بزاف معاهم بزيادة على التعب تاع خدمتك تولي داخلة في جدالات معاهم

[@amilyaimma1727]

كوراج برك حبيبتي رانا كامل كيف كيف إن شاء الله تولي أنجح أستاذة ❤️❤️❤️

[@bouhalilatifa8675]

@@amilyaimma1727 ربي يحفظك الزينة 🌺 ونتي تاني ⁦❤️⁩

[@GLAMdz]

صح صعب ولكن ريي يقدرك ويثبتك لانك على حق

[@user-rg7ev4vg5e]

ممكن نتبادل بصدق بدون إلغاء

[@fofa564]

الي يخدم من قلبو ويتبع واش قال ربي مايحبوهش ويحاولو يهدموه

[@maachelamia418]

نستعرف بيك💪