„გლობალიზაციის გამოწვევები ეკონომიკასა და ბიზნესში“- საერთაშორისო სამეცნიერო კონფერენცია თსუ-ში

თანამედროვე მსოფლიოში არსებულ ეკონომიკურ გამოწვევებზე, რადიკალურ ცვლილებებზე, გლობალურ ეკონომიკურ პროცესებში საქართველოს ადგილსა და როლზე, აგრეთვე, ეკონომიკური პროცესების განვითარების შესაძლო სცენარებზე მიმდინარეობდა საუბარი VII საერთაშორისო სამეცნიერო კონფერენციაზე „გლობალიზაციის გამოწვევები ეკონომიკასა და ბიზნესში“, რომელიც ივანე ჯავახიშვილის სახელობის თბილისის სახელმწიფო უნივერსიტეტში გაიხსნა. კონფერენცია თსუ ეკონომიკისა და ბიზნესის ფაკულტეტის 100 წლის იუბილეს მიეძღვნა.