Рет қаралды 25,361
27 საუკუნის წინანდელი წარწერების კვალი საქართველოში -კასპის რაიონის სოფელი გრაკალი ქართველი მეცნიერების განსაკუთრებული ყურადღების ცენტრში ექცევა. აღმოჩენილია არტეფაქტები, რომლებმაც შესაძლოა მსოფლიოს დამწერლობის ისტორია შეცვალოს.
არქეოლოგიური გათხრების დაწყებიდან 8 წლის შემდეგ, გრაკლიან გორაზე ამ დრომდე დაუდგენელი შინაარსის წარწერებს მიაკვლიეს. ასოები ძველი წელთაღრიცხვით მე-7 საუკუნის დროინდელი ტაძრის საკურთხევლებთან იკითხება, რითაც დასტურდება, რომ საქართველოში დამწერლობას ჯერ კიდევ 2 700 წლის წინ იყენებდნენ.
უნიკალური და საერთაშორისო მნიშვნელობის მქონე აღმოჩენას უკვე გაეცნო კულტურის მინისტრი, რომელიც ისტორიულ სოფელში ჩავიდა. ახლა ქართველი მკვლევარები წარწერების გასაშიფრად ემზადებიან, პროცესში შესაძლოა, უცხოელი სპეციალისტებიც ჩაერთონ.