Gramoste - Numa ta lea feata

Follow gramostemusic
Facebook Gramoste Music
Visit Gramoste.com
Numa ta lea feata
1.
A curi eshtsâ tini feată
Di tuti hii naima-msheatâ
Spuni-nj numa ta, lea bună,
S-tsâ grescu, îmsheatâ-armanâ
2.
Mutrits-u în cor s-acatsâ
Cu îmsheatu arâsu pi fatsâ
Trup di anghil, ochi di dzânã
Sh-hârsitâ câ iasti-armanâ.
3.
Nu-s vidzu ahtari feată
Ca luna pi tser 'msheata
Frâmtea scapiră ca soari
Nu-i altâ tu lumi-ahtari
4.
Di gaitanã sufrânţeaua
Fatsa ei albă ca neaua
Albă, roshi ca mirgeanâ,
Spuni-nji numa, pirusheanâ.
5.
Bunã-ts inima, lea featã,
Tsi hii ca luna di mseatâ
Hii a vreariei lunjinâ
Inji hii fronimã sh-kiskinâ.
6.
S-tsâ grescu unu zboru, lea feată
Câ ts-bâgaiu vreari aleaptâ
Hii îmsheatâ, hii undzitâ
Sh-dorlu inima-nji frimitâ
Alecu Libu - Februarie 2019