Рет қаралды 5,820
7-sentyabr, murodbaxsh chorshanba kuni GRAND TA'LIM MAKTABIda tadbir bo‘lib o‘tdi. Maktabga qadam qo‘yayotgan boshlang‘ich sinf o‘quvchilari ustozlari hamrohligida sinf xonalariga yo‘l olishdi.
Undan avval yangi maktab eshigi oldida karnay-surnay sadolari yangradi, animatsion teatr aktyorlari bolalarga shodlik ulashdilar. So‘ng tadbir boshlanib, maktab jamoasi, taklif etilgan mehmonlar va ota-onalarga kichik konsert namoyish etildi.
Birinchi bo‘lib so‘z olgan maktab direktori, tajribali ustoz Dilorom Abdurahmonova yangi o‘quv yilini yangi maktabda boshlayotgan o‘quvchilar va ularning ota-onalarini tabrikladi.
So‘z olgan maktab taʼsischisi, GRAND TAʼLIM muassasasi bosh direktori Muzaffar Sattiyev barcha qatnashchilarga tashakkur aytib, bolajonlarga kelgusi o‘qishlarida muvaffaqiyat va kelajakda Vatanimiz ravnaqiga xizmat qiladigan, xulqu odobda barchaga namuna bo‘ladigan yigit-qizlar bo‘lib ulg‘ayishlariga tilak bildirdi. Shuningdek muassasa rahbari maktab faoliyati yo‘lga qo‘yilishida hissa qo‘shgan barcha insonlarga tashakkur bildirdi, yangi ish boshlayotgan ustozlar jamoasiga muvaffaqiyat tiladi.
Ushbu maktabning ochish niyati bir necha yillik reja, maqsad bo‘lgani, ayni shu kunlarda ushbu xayrli ish amalga oshib, nasib bo‘layotgani, ushbu taʼlim loyihasining bosh muallifi, o‘z vaqtida zarur tavsiya va ko‘rsatmalar bergan, duolar qilgan zot - fazilatli shayx Muhammad Sodiq Muhammad Yusuf rahimahulloh bo‘lganlarini eslab o‘tdi.
So‘ngra muassasa arab tili katta ustozi, tarjimon va muallif Anvar Ahmad domla, Yuksalish Leaders Asademy loyihasi rahbari Muhammadali Eshonqulov va boshqa mehmonlar yurtimizda taʼlimga bo‘layotgan eʼtibor samarasi ekanini taʼkidlab, GRAND maktabiga kelgusida muvaffaqiyat va rivoj tilashdi.
📄GRAND maktabiga o‘quvchilar qabuli davom etmoqda.
☎️ Telefon: 99-905-29-92
🏬 Manzil: Toshkent shahri, Paxtachi ko‘chasi, 292-uy. Abu Dabi turar joy majmuasi.
@grandmaktabi @grandtalim @yangiasruniversiteti
#education #schoollife #school #toshkent #grand #grandtalim #uzbekistan #maktab #qabul2023 #kvota #top #trend #trendingshorts #opening #beautiful